Malaki 4
4
Buzuba bwa Mwami Leza bulasika
1Kasimpe buzuba bulasika, bunooyoopya mbuli bbibi lyamulilo. Boonse balisumpula abasimucita zibi boonse bayooba mbuli bwizu mumulilo, kasimpe buzuba oobo buboola buyoobatenta amulilo, mbwaamba Mwami Leza Singuzuzyoonse. Taakwe muyanda nuuba mutabi ngobayoosiilwa pe. 2Pele nywebo nomulemeka zina lyangu, zuba lyabululami liyoopasula kalijisi amumuni uuponya. Muyoozwida anze akutambala mbuli boombe nobazwa mucimpati. 3Mubuzuba mbwendiyoocita zintu eezi muyoolyatauka babi, bayooba mbuli twe kutusindi twanu, mbwaamba Mwami Leza Singuzuzyoonse.
4“Kamuyeeya mulawo wa Mozesi mubelesi wangu, amalailile aamilawo njindakamupa kucilundu ca Holebu kuti ailailile Baisilayeli boonse.
5“Amubone, ndiyoomutumina Elija musinsimi buzuba bupati bwa Mwami Leza kabutanasika. 6Walo uyooyanzanya bamawisi abana babo, abalo bana bayooyanzana abamawisi, kutegwa intabooli akuzoosinganya nyika yanu kuti inyonyoonwe.”
Currently Selected:
Malaki 4: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.