Matayo 1
1
Ngbatunga Yesu
(Rk. 3:23-38)
1Gu kitabu nga ga ngbatunga Yesu Kristo, nga tita Dawidi, nga tita Abarayama.
2Abarayama abatika Yisaka; Yisaka ki batika Yakoba; Yakoba ki batika Yuda na awirinako; 3Yuda ki batika Perese na Zera ti Tamara; Perese ki batika Eserone; 4Eserone ki batika Rama; Rama ki batika Aminadaba; Aminadaba ki batika Nasona; Nasona ki batika Saromona; 5Saromona ki batika Boaza ti Raba; Boaza ki batika Obede ti Ruta; Obede ki batika Yisai; 6Yisai ki batika Dawidi nadu ni bakindo.
Dawidi ki batika Soromo ti gu ri nangia dia Uriya; 7Soromo ki batika Rabama; Rabama ki batika Abiya; Abiya ki batika Asa; 8Asa ki batika Yosafata; Yosafata ki batika Yorama; Yorama ki batika Uziya; 9Uziya ki batika Yotama; Yotama ki batika Aza; Aza ki batika Izikiya; 10Izikiya ki batika Manase; Manase ki batika Amona; Amona ki batika Yosiya; 11Yosiya ki batika Yekonya na awirinako, ho i aga na yo ni ku Babera yo.
12Fuo ga yo na yo ku Babera yo; Yekonya ki batika Saratiere; Saratiere ki batika Zerubabera; 13Zerubabera ki batika Abiuda; Abiuda ki batika Ereyakima; Ereyakima ki batika Azora; 14Azora ki batika Sadoka; Sadoka ki batika Akimi; Akimi ki batika Eriyuda; 15Eriyuda ki batika Erazara; Erazara ki batika Matana; Matana ki batika Yakoba; 16Yakoba ki batika Yosefa kumba ku Maria, nga gu ri naabatika Yesu nga gu ko i ayambu rimoko nga Kristo.
17Were rika aboro dunduko tona ti Abarayama dati Dawidi nga rika aboro bawe na biama; na tona ti Dawidi dati sa aboro ku Babera yo nga rika aboro bawe na biama: na tona ti ga na aboro ku Babera yo dati Kristo nga rika aboro bawe na biama.
Batika Yesu
(Rk. 2:1-7)
18Pa batika Yesu Kristo adu wa gere. Ho i apazua nako ni nga Maria fu Yosefa, mbata i nikakpamia tiyo ri ki du na gude be Ziazia Toro. 19Yosefa nga kumbari, aberã pa mbu ri ni gbuko, bambiko ruru kumba nangia ko, ka ko aida nga ka kusa pari ya. 20Ho ko aberã agi apai ni re, oni ngére, ga Gbia maraika ki yugu tiko fu ko rogo musumo, ki ya, “Yosefa, nga wiri Dawidi, ka mo gúnde nga ti dia diaro nga Maria ya; bambiko gu mobara du ri na n, si mbiko Ziazia Toro. 21Ri abátika wiriri; mo ki yambu rimoko nga Yesu; bambiko ko nga gu ko nikabatasa gako aboro ti gayo ingaapai.” 22Were agi apai ki mangi dunduko re, gu pai ki da ti rengo Gbia agumba ha ku ngba nebi, niya,
23“Oni ngére, ngasu de nikadu na gude, ki batika wiriri,
i ayámba rimoko nga Imanuere”
(si wa ka i ya, Mbori du na ani). 24Yosefa ki zingi be gako rame, ki mangi wa ga Gbia maraika arugu ko na ni, ki di diako; 25ka ko aina nga ri ni de ya ki da ho ri abatika wiriri ni. Ko ki yambu rimoko nga Yesu.
Currently Selected:
Matayo 1: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.