MATAYO AKARANJIL'LA
AKARANJIL'LA
Esitapu sia Mang'ana Amalahi singa siahandikwa nende Matayo sikhubool'langa mbu Yesu niye omuhonia owakhwasubisibwa. Okhubir'ra muye Nyasaye yahesia amasubisio kaake khubandube Mundakano ya Khale. Esitapu yisi sisiahandichilwa Abayahudi bonyene tawe, nebutswa siahandichilwa abandu bosi musibala.
Esitapu sia Matayo sialosibwa mubusitsa. Sichiakanga nende okhwibulwa khwa Yesu, sinosianga okhubaputiswa nende okhutemwakhwe, ma sil'loma khumulimokwe okwokhukamba, okhwibaala nende okhuhonia mu Galilaya. Inyuma weyaka esitapu yisi siahandikwa khukoluchendo lwa Yesu okhurula Galilaya okhutsia Yerusalemu nende akali okhwekholekha khuye nali ebwene yila mwihonga liokhumal'likha.
Esitapu yisi sikhumanyianga singa Yesu ali Omwibaali omukali, oli nobunyali okhwinosia Amalako ka Nyasaye, khandi owibaalanga ako Bwami bwa Nyasaye. Amenji khukobwibaalibwe kabunjelesibwa mubituma birano;
(1) Likambo liokhusikulu elikobokhelanga tsifwo, emilimo, obalakhuule bwabandu singa bakwan'ne okhumenya mu Bwami bwa Nyasaye (omuliango 5-7);
(2) Amebaalo khubechi likhumi nababili khukoburume bwabwe (omuliango 10);
(3) Tsingano khuko Bwami bwo Mwikulu (omuliango 13);
(4) Obwibaali khukesifune siokhulonda Yesu (omuliango 18);
(5) Obwibaali khukokhumal'likha khwelisuuba eliliho nende okhwitsa khwo Bwami bwa Nyasaye (omuliango 24-25)
Akalimwo
Abakukanyene Yesu nende okhwibulwa khwe 1:1—2:23
Emilimo chia Yohana Omubaputisi 3:1-12
Okhubaputiswa nende okhutemwa khwa Yesu 3:13—4:11
Obutiyi bwa Yesu khumikanda mu Galilaya 4:12—18:35
Okhurula Galilaya okhutsia Yerusalemu 19:1—20:34
Lihonga liokhumal'likha mu Yerusalemu nende mutsimbeka tsindi etsili ahembi n'nalio 21:1—27:66
Okhusimukukha nende okhulolekha khwo Mwami 28:1-20
Currently Selected:
MATAYO AKARANJIL'LA: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019