MATIUS 1
LAILOE

MATIUS 1

1
Daputan nu mompolee' i Yesus Kristus
(Luk. 3:23-38)
1Aiyamo na daputan nu mompolee' i Yesus Kristus, tulunan i Daud, tulunan i Abraham. Lengkat mae hi Abraham tinoka hi Daud, sanggo-sanggo nu mompolee' i Yesus Kristus sumo uuka:
2-6ai Abraham,
i Ishak,
i Yakub,
i Yehuda tiba to utu-utusnyo,
i Peres tiba i Zerah (tina nu aha sanggonyo i Tamar),
i Hezron,
i Ram,
i Aminadab,
i Nahason,
i Salmon,
i Boas (tinanyo aijo'mo i Rahab),
i Obed (tinanyo aijo'mo i Rut),
i Isai,
ka' i Tomundo Daud.
6b-11 # 2Raj. 24:14-15, 2Taw. 36:10, Yer. 27:20 Lengkat hi Daud toka tempo'nyo mian nu bansa Israel binoamo nokiijo' i Babel tinulis na sanggo-sanggo sumo uuka:
i Salomo (tinanyo aijo'mo bauntan i Uria),
i Rehabeam,
i Abia,
i Asa,
i Yosafat,
i Yoram,
i Uzia,
i Yotam,
i Ahas,
i Hizkia,
i Manasye,
i Amon,
i Yosia,
i Yekhonya (ka' to utu-utusnyo).
12-16Lengkat tempo'nyo mian nu bansa Israel binoa nokiijo' i Babel tinoka hi Yesus i hampe tinulis na sanggo-sanggo sumo uuka:
i Yekhonya,
i Sealtiel,
i Zerubabel,
i Abihud,
i Elyakim,
i Azur,
i Zadok,
i Akhim,
i Eliud,
i Eleazar,
i Matan,
i Yakub,
i Yusuf langkai' i Maria.
Ka' lengkat hi Maria aijo'mo na i Yesus i hampe anu sinanggohan i Kristus.
17Jadi lengkat hi Abraham tinoka hi Daud, iwi-iwi' sampulu' ka' opat na lapisan nu katulunan. Lengkat hi Daud toka tempo'nyo bansa Israel binoa nokiijo' i Babel sampulu' ka' opat na lapisan nu katulunan suele. Lengkat tempo'nyo bansa nu Israel binoa nokiijo' i Babel tinoka hi Kristus i hampe suele mule' sampulu' opat ka' na katulunan.
Kinahampean i Yesus Kristus
(Luk. 2:1-7)
18 # Luk. 1:27 Sumo aiya na sisikon mongkona kinahampean i Yesus Kristus. Tina-Nyo i Maria nodohoi tiba i Yusuf. Panyo ma'isa pe'e aha binanika' inyata' i Maria pinoboamo. I Yusuf madi' nonsumbu' saba' i Maria pinoboamo kalana kuasa nu Roh nu Tumpu. 19I Yusuf, dohoinyo aijo', samian anu saja' mohongo-hongo atulan nu agama. Jadi ia mongka'oho' mongga'atakon dohoinyo aijo', panyo nu pohowini, da i Maria madi' ma'ambang i mian da'isan. 20Hau-haunyo i Yusuf mompopikilakon han aijo', ia nongipi. I uno nu ipionnyo aijo', ia nontoa samian na malaikat nu Tumpu anu notatae hi ia, “Yusuf, tulunan i Daud, boli mabuhuk monika'i Maria; sabab anak anu i uno nu ma'alumnyo aijo' kuasa nu Roh nu Tumpu. 21#Luk. 1:31 I Maria mohampeakonje samian na anak mo'ane. Anak aijo' tionyo nu sanggohi i Yesus, kalana Ia na momposalamat mian anu palesayamo hi Ia lengkat i dosa' nu aha.”
22Iwi-iwi' aijo' jinadi sumo aitu da ganaap apaa na tinaloakonmo nu Tumpu ka' anu pinoto'imo nu nabi-Nyo, aijo'mo, 23#Yes. 7:14 “Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)
24Noko pobula na i Yusuf, ia nombatukimo apaa na anu tinaloakon nu malaikat nu Tumpu hi ia. Ia monika'i Maria. 25#Luk. 2:21 Panyo ma'isa pe'e i Maria nohampeakon Anaknyo aijo', i Yusuf madi' nogalum tiba i Maria. Ka' salatan Anak aijo' i hampemo, i Yusuf nonsanggohi Ia i Yesus.

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.