MATIUS 1
1
Yesus Kristus nambumbu natinulisan
(Luk. 3:23-38)
1Naiyamo Yesus Kristus nambumbu natinulisan, Daud natulunan, Abraham natulunan. Doi Abraham polong doi Daud, Yesus natulunan kopai sambuno naiyamo:
2-6aAbraham,
Ishak,
Yakub,
Yehuda tukon utus-utuso bailon,
Peres tukon Zerah (kotinanoila kosambuno Tamar),
Hezron,
Ram,
Aminadab,
Nahason,
Salmon,
Boas (kotinano Rahab),
Obed (kotinano Rut),
Isai,
tukon Tomundo Daud.
6b-11 #
2Tom. 24:14-15; 2Tund. 36:10; Yer. 27:20 Doi Daud polong doi tempono bangsa Israel nainaisonan doi Babel totulis kopai sambuno naiya:
Salomo (kotinano Uria baluno),
Rehabeam,
Abia,
Asa,
Yosafat,
Yoram,
Uzia,
Yotam,
Ahas,
Hizkia,
Manasye,
Amon,
Yosia,
Yekhonya tukon utus-utuso.
12-16Doi tempo bangsa Israel nainaisonan doi Babel polong doi Yesus natosuungan totulis kopai sambu sambuno naiyamo:
Yekhonya,
Sealtiel,
Zerubabel,
Abihud,
Elyakim,
Azur,
Zadok,
Akhim,
Elihud,
Eleasar,
Matan,
Yakub,
Yusuf Maria nalangkai.
Tukon doi Maria doiyamo komo suunge Yesus mo binantil Kristus.
17Jadi lengget doi Abraham polong doi Daud, sasaibino daano songulo sangkap koinggat kona luwean kobanggapi. Luwedoi Daud polong doi tempo kobangsa Israel nainaisonan doi Babel daano kosongulo sangkap koinggat. Doi tempono bangsa Israel nainaisonan doi Babel polong doi Kristus natosuungan daano koikoidan songulo sangkap koinggat kona luwean kobanggapi.
Yesus Kristus nasinuungan
(Luk. 2:1-7)
18 #
Luk. 1:27
Buno naiya kosalitano Yesus Kristus natosuungan. Kotinano doiyamo Maria pobibianggon tukon Yusuf. Bai yanila akiyoon napobaba, tokita Maria tianano. Yusuf aki natoiyo Maria natiananan moteali tukon Mian Bisa Na Roh Nakuasa. 19Yusuf dona bibianoo, daano meeng komian mo sidutu loingiyo koagama atulano. Tobikon doiya yana yase ebetele kona pobibianggonan, bai aki nabantil-bantile sulano Maria aki namalaat maa doi mian madaang. 20Sodo Yusuf pikipikikene doiya langgedoo, yana olumon doi namooloan. Doi naolumonoo, yana kitayo komeeng do Temenenodoo namalaekat mo bantil doi yana, “Yusuf natulunan Daud, inai momatakut mopobabakene Maria, sabab do paudoo natiniananggon doiya teali tukon Mian Bisa Na Roh Nakuasa. 21#Luk. 1:31 Maria yana suunge meeng kopau malaneno. Do Paudoo sio musombuikene Yesus, sabab Yanamo komo salamatene kobanggapi doi nalalim.”
22Sasaibino doiya teali sulano nateali indee ko Temeneno nabinantil mopinolonggon doi Nanabi, doiyamo, 23#Yes. 7:14 “Meeng kopau boine yana tianan tukon mosuung meeng kopau malaneno. Do Paudoo sinombuikon Imanuel.” (Imanuel silingan Ibrani koalatino, “Mian Bisa daano polaing kita”.)
24Sambuno Yusuf sosumbu doi namooloan, yana kubaiyo indee do Temenenodoo namalaekat nabinantil doi yana. Yana pobabakene Maria. 25#Luk. 2:21 Bai kalu Maria akiyoon nasuunge do napaudoo, Yusuf aki namoola pokoloi tukon Maria. Tukon kalu do Paudoo sosuungo, Yusuf sio Nasombuikene Yesus.
Currently Selected:
MATIUS 1: LAIBGZ
Highlight
Share
Copy
Want to have your highlights saved across all your devices? Sign up or sign in