Hebreos 1
1
Dios bë́ʼlenëʼ rëʼu didzaʼ lu ruʼë Zxíʼini cazëʼ
1Zián luzuí, en zián ca benëʼ Dios, bë́ʼlenëʼ xuz xtóʼoruʼ didzaʼ dza niʼte lu ruáʼagaquiëʼ bönniʼ guluʼë didzaʼ uláz queëʼ. 2Naʼa, ga ruúdxi xtídzëʼë, dza ni zóaruʼ naʼa, Dios bë́ʼlenëʼ rëʼu didzaʼ lu ruʼë Zxíʼini cazëʼ. Dios buzóëʼ Lëʼ para guequi queëʼ Zxíʼinëʼ yúguʼtë le nequi queëʼ Lëʼ, ateʼ lu nëʼë Zxíʼinëʼ naʼ, Dios benëʼ yödzölió ni. 3Zxíʼinëʼ naʼ náquiëʼ ca tu le ruluíʼi lahui yöl-laʼ zxön queëʼ Dios, en ca náquiëʼ Zxíʼinëʼ ruluíʼi lahui idú le náquiëʼ Dios caz. Run cazëʼ ga nacuáʼticaʼsö yúguʼtë, rugunëʼ dxin didzaʼ ruʼë, en yöl-laʼ huáca queëʼ. Cateʼ budxi benëʼ le ruún rëʼu dxiʼa que le naca dul-laʼ nabágaʼruʼ, yöjchöʼë cuita lëʼë ibëla Dios, Nu röʼö rinná bëʼ xitsáʼtërö.
Zxíʼinëʼ Dios nayë́pisëtërëʼ ca yuguʼ gubáz láʼayi
4Zxíʼinëʼ Dios nayë́pisëtërëʼ ca yuguʼ gubáz láʼayi queëʼ Dios, tuʼ nácatërö lo le lëʼ, lë naʼ Dios guluʼë Lëʼ tuʼ náquiëʼ Zxíʼini cazëʼ, ca lágaquiëʼ gubáz láʼayi queëʼ naʼ. 5Dios catu caz gudxëʼ tuëʼ gubáz láʼayi queëʼ ca naʼ gudxëʼ Zxíʼinëʼ. Gunnë́ʼ:
Zxíʼinaʼ nacuʼ. Buzóaʼ Liʼ naʼa.
Catu caz bëʼë didzaʼ queëʼ tuëʼ gubáz láʼayi ca naʼ bëʼë didzaʼ ca naca queëʼ Zxíʼinëʼ. Gunnë́ʼ:
Nacaʼ Xuzëʼ, ateʼ Lëʼ náquiëʼ Zxíʼinaʼ.
6Lëscaʼ caní, cateʼ Dios buzóëʼ Biʼi que cazëʼ lu yödzölió ni, gunnë́ʼ:
Yúguʼtë gubáz láʼayi queëʼ Dios ilaʼyéaj ládxiʼgaquiëʼ Lëʼ.
7Ca nácagaquiëʼ gubáz láʼayi queëʼ, rnna:
Lëʼ runëʼ ga nácagaquiëʼ gubáz láʼayi queëʼ ca böʼ recja,
ateʼ gubáz láʼayi huen dxin queëʼ, runëʼ ga nácagaquiëʼ ca guíʼ.
8Naʼa, ca naca cazëʼ Zxíʼinëʼ, rnnëʼ:
Ga röʼu rinná bëʼu, inná bë́ʼticaʼsuʼ, Dios.
Tsahuiʼ naca ca rinná bëʼu.
9Nadxíʼinuʼ le naca tsahuiʼ, en calëga le ruáʼ döʼ.
Que lë ni naʼ Dios budödëʼ lu noʼo yöl-laʼ unná bëʼ,
en benëʼ ga ruzíʼitëruʼ Liʼ xibé yöl-laʼ unná bëʼ
ca le tuʼzíʼi xibé luzóʼo.
10Lëscaʼ caní rnnëʼ:
Liʼ, Xan, cateʼ gusí lo, benuʼ yödzölió,
ateʼ len náʼasuʼ buzúʼ lúzxiba.
11Huadödi quéguequi, pero Liʼ, tsaz idíʼu.
Yúguʼtë itë́bigaca ca ritëbi lariʼ,
12en ca lariʼ utubuʼ léguequi, en utsóʼo léguequi,
pero Liʼ, catu caz utsáʼ cuinuʼ
en catu caz iguluʼ.
13Dios catu caz gudxëʼ tuëʼ gubáz láʼayi queëʼ ca gudxëʼ Zxíʼinëʼ, gunnë́ʼ:
Gurö́ʼö cuita lëʼa ibëla
cateʼ gunraʼ ga uluʼzechu zxíbigaca loʼ
nupa bitiʼ taʼléʼe Liʼ dxiʼa.
14Yúguʼtë gubáz láʼayi queëʼ Dios nácagaquiëʼ böʼ huen dxin queëʼ Dios, ateʼ nasö́l-lëʼë légaquiëʼ para ilácalenëʼ nupa ni nulágaca.
Currently Selected:
Hebreos 1: zar
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.