MÁFIYU 1
KNNT

MÁFIYU 1

1
Jísu Kílisitii léngi lɔ́lɔndai
(Lúu 3:23-38)
1Jísu Kílisitii léngi lɔ́lɔndai lɔ ngáá sí. Lébilah̃auni ngaa Masangí Deevéni tɔ ti ɣɛ́i ngáá ngi káwalani wɔ́lɔ.
2Ndengí sí lɔ́lɔndai lɔkúla héimai lɔ ngáá sí,
Lébilah̃au lɔ í ɣɛ́i ngáá Áise kɛ́ɛ́ɣɛ.
Áise va tɔ í ɣɛ́i ngáá Jékɔ kɛ́ɛ́ɣɛ.
Jékɔ va tɔ í ɣɛ́i ngáá Júdani ngaa ngi ndéɣeaitii ti kɛ́ɛ́ɣɛ.
3Júda va tɔ í ɣɛ́i ngáá Pɛ́lɛsini ngaa Sɛlɔ ti kɛ́ɛ́ɣɛ. Ti njéé i ɣɛi ngáá Tama.
Pɛ́lɛsi va tɔ í ɣɛ́i ngáá Hɛ́sulɔ kɛ́ɛ́ɣɛ.
Hɛ́sulɔ va tɔ í ɣɛ́i ngáá L̃áa kɛ́ɛ́ɣɛ.
4L̃áa va tɔ í ɣɛ́i ngáá Amínada kɛ́ɛ́ɣɛ.
Amínada va tɔ í ɣɛ́i ngáá Náásɔ kɛ́ɛ́ɣɛ.
Náásɔ va tɔ í ɣɛ́i ngáá Sálumɔ kɛ́ɛ́ɣɛ.
5Sálumɔ va tɔ í ɣɛ́i ngáá Bówɛ kɛ́ɛ́ɣɛ. Ngi njéé i ɣɛi ngáá nyah̃ápoi ná tɔ́ɔ́ ɣɛ́ ma Léha.
Bówɛ va tɔ í ɣɛ́i ngáá Óbɛ kɛ́ɛ́ɣɛ. Óbɛ ndá njéi i ɣɛi ngáá nyah̃ápoi ná tɔ́ɔ́ ɣɛ́ ma Lúti.
Óbɛ va tɔ í ɣɛ́i ngáá Jɛɛ́se kɛ́ɛ́ɣɛ.
6Jɛɛ́se va tɔ í ɣɛ́i ngáá Masangí Deevé kɛ́ɛ́ɣɛ.
Masangí Deevé va tɔ́ í ɣɛ́i ngáá Sɔ́lɔmɔ kɛ́ɛ́ɣɛ. Sɔ́lɔmɔ njéé lɔ í ɣɛ́i wɔ́lɔ ngáá Yuláya ỹáh̃ai hése.
7Sɔ́lɔmɔ va tɔ í ɣɛ́i ngáá Léhobowɔ kɛ́ɛ́ɣɛ.
Léhobowɔ va tɔ í ɣɛ́i ngáá Abáija kɛ́ɛ́ɣɛ.
Abáija va tɔ í ɣɛ́i ngáá Ása kɛ́ɛ́ɣɛ.
8Ása va tɔ í ɣɛ́i ngáá Jehósɔfa kɛ́ɛ́ɣɛ.
Jehósɔfa va tɔ í ɣɛ́i ngáá Jɔl̃ɔ kɛ́ɛ́ɣɛ.
Jɔl̃ɔ va tɔ í ɣɛ́i ngáá Usáya kɛ́ɛ́ɣɛ.
9Usáya va tɔ í ɣɛ́i ngáá Jofɔ́ kɛ́ɛ́ɣɛ.
Jofɔ́ va tɔ í ɣɛ́i ngáá Ééha kɛ́ɛ́ɣɛ.
Ééha va tɔ í ɣɛ́i ngáá Hɛ́sakaya kɛ́ɛ́ɣɛ.
10Hɛ́sakaya va tɔ í ɣɛ́i ngáá Mɛnasa kɛ́ɛ́ɣɛ.
Mɛnasa va tɔ í ɣɛ́i ngáá Éémɔnu kɛ́ɛ́ɣɛ.
Éémɔnu va tɔ í ɣɛ́i ngáá Josáya kɛ́ɛ́ɣɛ.
11Josáya va tɔ í ɣɛ́i ngáá Jɛ́konaya ɛ́ɣɛ ngi ndéɣɛaitii ti kɛ́ɛ́ɣɛ. Táingi ná h̃u Babél̃ɔ yeláitii tí líí ngáá Ísulɔ yeláitii Babél̃ɔ lɔwɔlɔí h̃u. Tí líí ngáá ti ye sóu sú ndɔwɔlɔ́i ná h̃u.
12Ná h̃u ti líí hái í ɣɛ́i náá gulaí su Babél̃ɔ lɔwɔlɔí h̃u, ná vólu w̃áá lengi lɔlɔ́ndai lɔ,
Jɛ́konaya lɔ í ɣɛ́i ngáá Síyatiyɔ kɛ́ɛ́ɣɛ.
Síyatiyɔ va tɔ í ɣɛ́i ngáá Selɔ́bɔbɔ kɛ́ɛ́ɣɛ.
13Selɔ́bɔbɔ va tɔ í ɣɛ́i ngáá Abíyu kɛ́ɛ́ɣɛ.
Abíyu va tɔ í ɣɛ́i ngáá Ɛláyake kɛ́ɛ́ɣɛ.
Ɛláyake va tɔ í ɣɛ́i ngáá Éésɔ kɛ́ɛ́ɣɛ.
14Éésɔ va tɔ í ɣɛ́i ngáá Sedɔ kɛ́ɛ́ɣɛ.
Sedɔ va tɔ í ɣɛ́i ngáá Áki kɛ́ɛ́ɣɛ.
Áki va tɔ í ɣɛ́i ngáá Ɛláyɔ kɛ́ɛ́ɣɛ.
15Ɛláyɔ va tɔ í ɣɛ́i ngáá Ɛ́liyasa kɛ́ɛ́ɣɛ.
Ɛ́liyasa va tɔ í ɣɛ́i ngáá Máta kɛ́ɛ́ɣɛ.
Máta va tɔ í ɣɛ́i ngáá Jékɔ kɛ́ɛ́ɣɛ.
16Jékɔ va tɔ í ɣɛ́i ngáá Joosɛ́ kɛ́ɛ́ɣɛ. Joosɛ́ sí ngi ỹáh̃a í ɣɛ́i ngáá Mɛɛloí. Mɛɛloí sí í ɣɛ́i ngáá Jísu njéé. Jísu sí taa ɣɛ́ ma Ngalángi Lókolo Mbá W̃ɔ́i.
17Faalɔ, í síɣe Lébilah̃auni ti ndá yéteyangi h̃úú w̃á, í fólo Masangí Deevéni ti ndá yéteyangi h̃úú w̃á, ngetéya púúngɔ maah̃úú nááningɔ lɔ́ í naa laa lówah̃u. Í síɣe Masangí Deevéni ti ndá yéteyangi h̃úú w̃á í fólo táingi ná h̃úú w̃á Babél̃ɔ yeláitii tí liiní ngáá Ísulɔ yeláitii Babél̃ɔ lɔwɔlɔí h̃uu, ngetéya púúngɔ maah̃úú nááningɔ lɔ́ í naa laa lówah̃u. I síɣe táingi ná h̃úú w̃a, í fólo táingi ná h̃úú w̃á ti Ngalángi Lókolo Mbá W̃ɔ́i lení, ngetéya púúngɔ maah̃úú nááningɔ lɔ í naa laa lówah̃u.
Jísu Kílisitii léndai
(Lúu 2:1-7)
18Jísu Kílisitii le kílii lɔ ngáá sí, ngi njéé Mɛɛloí w̃aahóungɔ í ɣɛi lá mbala haáw̃a Joosɛ́ yáa. Kɛ́ tɔɔ ɣɛ́ p̃ɛ́ɛ́ ti víli w̃a ɔɔ ti héi, kɛ Mɛɛloí ngatɔ́a ngáá kɛ aá lɔ́ koo h̃u. Kɛ́ Hɛ́ɛ́ma Ỹínangi yákpangi lɔ í ndoí vílini koo ya. 19Kɛ́ Joosɛ́ vá Mɛɛloí í ɣɛ́i áá vá ɣɛmá mbɛ, i ɣɛi ngáá tuva velé vánda w̃ɔɔ, faalɔ, aa ɣɛi loí ɔ́ɔ́ Mɛɛloí yángufe lííwaa wála. Náá háaw̃a, i kpatɛí gí má ngáá í bééle Mɛɛloí wa ndɔɔwu h̃ú. 20Ná í ɣɛ́i áá gísiya ngáá faí sí, Ndemɔí Ngalángi w̃álekai i gulaní ngaah̃ú siŋal̃ái h̃u, i ɣɛ ma, “Joosɛ́, yɛ́i yí ngáá Masangí Deevé láála lói, yálaa lúwa Mɛɛloí yéɣe fááw̃a ngáá í ỹáh̃a, bɔw̃álale Hɛ́ɛ́ma Ỹínangi yákpangi lɔ í ndói vílingɔ koo ya. 21Aá lɔɔ́ vá siỹɛndóu lou lemá, aáva kɛ yí ndaahéi ngáá Jísu, bɔw̃álale, laá lɔ áá vá ngi vóngai ngumááwoma ti háá ỹɔítii ngeyá.”
22Sí kpɛ́lɛɛ i ɣɛi kɛinɔɔ́ fái sí Ndemɔí Ngalá ngi ndéni laa háá lé mɔ́i w̃a ngáá í ndé í hítɛ nga. Ngáá sí í ɣɛ́i ta, 23“Kpela niinángi ɛ́i nɛ́ɛ́ ɣɛ siỹɛ fáá wɔlɔ́, aá lɔɔ vá koo yeɣéma, í siỹɛndóu lou le, aáva taá tóli ngáá Imanyuwɛ. Ná wúi wáá ngáá, Ngalá tɔ a mu liiwáá.”
24Faalɔ, ná Joosɛ́ í yóóɣei nyii h̃u, i Mɛɛloí yéɣei náa ngáá ngi ỹáh̃a kíya nɔ́ɔ Ndemɔí Ngalángi w̃álekai í ndéni ma ngáá í kɛ. 25Kɛ́ Mɛɛloí ɔ́ɔ́ ɣɛ́ p̃ɛ́ɛ́ í ndoí le, taa ɣɛ́i nɛ́nɛ vílini w̃a taá Joosɛ́ í ló su kpóloo í ndói le ngáá siỹɛndóu loú. Aáva Joosɛ́ í ndaahéini ngáá Jísu.

Bandi New Testament © Bible Society in Liberia, 2000


Learn more about Kɛ́lɛ Niinaí

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.