Mataayo Imola yina yilongola
Imola yina yilongola
UMataayo akhandi munyaayumo mu vanandeje ishumi na vavili va Yeesu. Ulugulumilo lwa kiyandikha ilitaafili ili lukhandi kivakuviilisa aVayahuudi kiija, uYeesu Mukulusaaji (Mesiya) yuna uNguluvi wátahisaaga kimufilikha kuveene. Lulwene uMataayo muwutasi wa litaafili ili, iitala kiyandikha ishikholo sha Yeesu. Mu litaafili ili uMataayo iijova kiija, kishilila kwa Yeesu gasenjekhaga goona gina vagajovaga avakuwamalago ava Lufingo uLukuulu. Khanji uMataayo ikuviilisa kiija, uWutwa wa Nguluvi wa vaanu va nyi soona, vina vamusetushiile uNguluvi.
Ilitaafili ili likitujovela ulwa wiikhasi wa Yeesu kihuma uwutasi mbakha uwudugo. Lulwene kiija kiyansisa kisawa kwa mwene, uwutwiniaji na kijelwa nu Shetaani. Khanji ikitujovela insengo yaakwe iya kikhoma, amamanyiso na kiponia avaanu ku nyi ya Galilaya. Itaviilila ulushuulo lwa Yeesu kihuma ku Galilaya mbakha ku Yelusalemu, na gina gawonekhaga mu lijuma lya wudugo wa wiikhasi waakwe mu nyi. Ilitaafili ili limaliisisa kitaviilila imola ya kikhomeelelwa pa musalaaba na kifyukha kwa Yeesu. Khanji limaliisisa ni ndaji inkhome kwa vahuvililaaji iya kivakhoma avaanu mu nyi soona, kiija vave vamanyisiwa va Yeesu.
| Umulyango | Gina gakwali mu litaafili ili |
|---|---|
| 1:1–2:23 | Kisawa kwa Yeesu |
| 3:1–4:25 | UYeesu itwinisiwa na iyansa kikhoma |
| 5:1–7:34 | Amamanyiso ga Yeesu ku shidunda |
| 8:1–9:38 | UYeesu ikivaponia avaanu vinshi na kimanyisa amamanyiso amapya |
| 10:1–12:50 | UYeesu ikivafilikha avamanyisiwa, na kikhaanania na Vafalisaayo |
| 13:1–19:30 | UYeesu imanyisa aga Wutwa wa Nguluvi |
| 20:1–21:46 | UYeesu iyinjila mu Yelusalemu, na kiyinjila mu nanda imbaagule iya kifuunyila |
| 22:1–23:39 | UYeesu iwonensa uwutawulilwa waakwe |
| 24:1–25:46 | UYeesu ilogola ulwa lisiku ilya wudugo |
| 26:1–27:66 | Kiifwa kwa Yeesu |
| 28:1-20 | Kifyukha kwa Yeesu |
Currently Selected:
Mataayo Imola yina yilongola: Shisangu
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.