Mateo 1
1
Sakoga o Sesu ia Salomone mo Sosefo
1Ko le sakoga o Sesu-Kilisito, vosa o Tavite, vosa o Apalaamo.
2Ko Apalaamo na tupu ai Isaake ; ko Isaake na tupu ai Sakopo ; ko Sakopo na tupu ai Suta mo ona fetaina ; 3ko Suta na tupu ai Pelesi mo Sala kia Tamale ; ko Pelesi na tupu ai Eselome ; ko Eselome na tupu ai Alame ; 4ko Alame na tupu ai Aminatape ; ko Aminatape na tupu ai Naasone ; ko Naasone na tupu ai Salamone ; 5ko Salamone na tupu ai Poase kia Laape ; ko Poase na tupu ai Opeto kia Lute ; 6ko Opeto na tupu ai Isaia ; ko Isaia na tupu ai Tavite.
Ko le sau ko Tavite na tupu ai Salomone ki le avaga o Ulio ; 7ko Salomone na tupu ai Lopoamo ; ko Lopoamo na tupu ai Apisa ; ko Apisa na tupu ai Asa ; 8ko Asa na tupu ai Sosafate ; ko Sosafate na tupu ai Solame ; ko Solame na tupu ai Osiasi ; 9ko Osiasi na tupu ai Soatame ; ko Soatame na tupu ai Akase ; ko Akase na tupu ai Esekiasi ; 10ko Esekiasi na tupu ai Manase ; ko Manase na tupu ai Amone ; ko Amone na tupu ai Sosiasi ; 11ko Sosiasi na tupu ai Sekoniasi mo ona fetaina, i le temi o le ave fakapopula ki Papilone.
12I le oki o le popula i Papilone, ko Sekoniasi na tupu ai Salatiele ; ko Salatiele na tupu ai Solopapele ; 13ko Solopapele na tupu ai Apiuti ; ko Apiuti na tupu ai Eliakimi ; ko Eliakimi na tupu ai Asole ; 14ko Asole na tupu ai Satoke ; ko Satoke na tupu ai Akimi ; ko Akimi na tupu ai Eliuti ; 15ko Eliuti na tupu ai Eleasale ; ko Eleasale na tupu ai Matane ; ko Matane na tupu ai Sakopo ; 16ko Sakopo na tupu ai Sosefo, avaga o Malia, leia na fanaui ia Sesu, leia na igoa ko Kilisito.
17Na fakatasi fuli loa ko le kau agafulu tupu fa tautupu meia Apalaamo o kaku mai kia Tavite, ti mo le kau agafulu tupu fa tautupu meia Tavite o kaku mai ki le popula i Papilone, ti mo le kau agafulu tupu fa tautupu mei le ave popula ki Papilone o kaku mai kia Kilisito.
Tupu fakamilakulo o Sesu-Kilisito
18Ko leinei loa le anoaga o le tupu o Sesu-Kilisito : Ko Malia, lona tinana, na fakatasi mo Sosefo, ti e i mua o lala nonofo fakatasi, na tinae a ia i le Laumalie Maokioki. 19Ko Sosefo, lona avaga, ko se tagata malie mo agatonu, ti na leaise fia fakamatagafua e ia a Malia, koia na fakatotonu ai loa e ia ke veteki fakafufu lala fakatasi. 20Na lolotoga fakakaukau a ia ki le nea lena, ti na fokifa kua sa se aselo o le Aliki kiate ia i se moe miti, o pati : Sosefo, vosa o Tavite, aua na ke i i le too o Malia lau avaga, talie ko le toe leia e tinae ai e au mei le Laumalie Maokioki. 21E fanaui loa e ia se tama, e ke soli loa kiate ia le igoa ko Sesu, talie ko ia loa leia ka saofaki ia loa lona kakai mei alatou agasala.
22Na soko a nea fuli ana ke fakasoko ai le nea leia na fakasa e le Aliki i le polofeta :
23 Ko leinei, e tinae loa le taupoou, e fanaui loa e ia se vosa,
ti e soli loa kiate ia le igoa ko Emanuele,
ko lona uiga ko le Atua mo tatou.
24I lana ala ake, na fai loa e Sosefo le nea leia na fakatotonu ake kiate ia e le aselo o le Aliki, ti na too loa e ia lona avaga mo ia. 25Kae na leaise iloa e Sosefo a Malia o kaku ki le fanaui e Malia se tama, leia na tuku ki ai e Sosefo le igoa ko Sesu.
Currently Selected:
Mateo 1: FB2000
Highlight
Share
Copy
Want to have your highlights saved across all your devices? Sign up or sign in
© Société Biblique de Genève, 2000-2020