Mateo WOLO LƐ HE SANE
WOLO LƐ HE SANE
Mateo Sanekpakpa lɛ tsɔ̃ɔ wɔ akɛ, Yesu ji yiwalaherelɔ lɛ. Lɛ ji mɔ nɔ ni Nyɔŋmɔ tsɔ̃ eye shi ni ewo ewebii lɛ yɛ Kpãŋmɔ Momo lɛ mli lɛ nɔ. Sanekpakpa nɛɛ ejeee Yudafoi, mɛi ateŋ ni afɔ Yesu yɛ kɛ mɛi ateŋ ni ehi lɛ, kɛkɛ anɔŋ; shi moŋ eji je nɛɛŋ bii fɛɛ anɔ.
Mateo Sanekpakpa lɛ ato emli sane lɛ naa aŋma lɛ pɛpɛɛpɛ. Akɛ Yesu fɔmɔ he sane lɛ je shishi; bɔ ni asɔle lɛ kɛ bɔ ni aka lɛ ahã. Atsa nɔ kɛ Yesu shiɛmɔ nitsumɔ kɛ enitsɔ̃ɔmɔ kɛ emɛi atsamɔ yɛ Galilea lɛ. Enɛ sɛɛ lɛ sane lɛ tsɔ̃ɔ bɔ ni Yesu fã gbɛ kɛjɛ Galilea kɛtee Yerusalɛm; nɔ ni ba enɔ yɛ jɛi, yɛ nakai otsi lɛ mli, egbele kɛ eshitee yɛ Yerusalɛm.
Mateo Sanekpakpa lɛ jieɔ Yesu kpo faŋŋ etsɔ̃ɔ akɛ tsɔ̃ɔlɔ kpanaa ji lɛ. Tsɔ̃ɔlɔ ni yɔɔ hewalɛ kɛ Nyɔŋmɔ Mla lɛ shishitsɔ̃ɔmɔ. Etsɔ̃ɔ Nyɔŋmɔ maŋtsɛyeli he sane faŋŋ. Enitsɔ̃ɔmɔ lɛ ajara mli enumɔ.
1. Gɔŋ nɔ shiɛmɔ ni kɔɔ Nyɔŋmɔ maŋtsɛyeli lɛ he. Etsɔ̃ɔ jeŋba kpakpa, gbɔmɔ gbɛnaa, nitsumɔ kɛ nɔ ni baaba ŋwɛi maŋtsɛyeliŋ bii lɛ anɔ yɛ jeŋ nɛɛ mli (Yitsei 5-7).
2. Kaselɔi 12 lɛ asane-kpakpashiɛmɔ lɛ he nitsɔ̃ɔmɔ (Yitso 10)
3. Ŋwɛi maŋtsɛyeli lɛ he abɛi lɛ (Yitso 13).
4. Kaselɔfeemɔ he nitsɔ̃ɔmɔ (Yitso 18).
5. Je nɛɛŋ naagbee kɛ wɔsɛɛ ŋwɛi maŋtsɛyeli ni baaba lɛ he sane (Yitsei 24-25).
Mlijaramɔi
Nuŋtsɔ Yesu fɔmɔ kɛ eweku kpãa 1.1—2.23
Yohane Baptisilɔ lɛ shiɛmɔ 3.1-12
Yesu baptismɔ kɛ ekaa 3.13—4.11
Yesu shiɛmɔ nitsumɔ yɛ Galilea 4.12—18.35
Yesu jɛ Galilea kɛtee Yerusalɛm 19.1—20.34
Naagbee otsi lɛ yɛ Yerusalɛm 21.1—27.66
Nuŋtsɔ lɛ shitee kɛ ehekpojiemɔi 28.1-20
Currently Selected:
Mateo WOLO LƐ HE SANE: NEGAB
Highlight
Share
Copy
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.