Judas 1
1
Judas saludakunqan
1Creyikuq majikuna:
Noqa Judasmi,#Mat. 13.55; Mar. 6.3. Jesucristupa serviqnin y Santiagupa wawqin kar, kay cartata qamkunaman cartakamü. Dios Yaya kuyayäshurnikim salvayäshunaykipaq qayayäshushkanki. Tsaymi imayka mana allipitapis Jesucristo tsapäyäshunki. 2Dios Yaya llakipäyäshurniki imaypis kuyanakur alli kawakuyänaykipaq yanapakuyälläshuy.
Mana alli yachatsikuqkunata mana chaskiyänanpaq ninqan
2 Pedro 2.1-17
3Kuyashqa wawqikuna y panikuna, noqam Jesucristo salvamanqantsikta cartakamuyta yarparqä. Tsaynö yarparpis llutan yachatsikuqkunata pärapuyänaykipaqmi qellqamü. Dios Yayapa willakuyninqa manam ni imaypis trukakantsu ni yapakantsu. Tsay willakuynintam Dios Yaya unayna tantiyatsimashkantsik.
4Tsay mana alli yachatsikuqkunam Diospa willakuqnin tukur qamkuna kaqman chäyämushqa. Paykunam Dios Yayapita mana mantsakur runakunata creyitsir niyan: <<Jutsa rurayta mana dëjashqapis Dios Yayaqa perdonamäshunmi>>.
Tsaynö nirmi poderösu Diosnintsikta y Señor Jesucristuta nëgayan. Tsaynö yachatsikuq runakunam infiernuman jitarpushqa kayänanpaq destinashqa kaykäyan.
5Musyayanqaykinömi Israel runakunata Egiptupita Señornintsik jipimur#Éxo. 12.51. mana cäsuqnin kaqkunata ushakätsirqan.#Núm. 14.29-30. 6Tsaynöllam Dios Yayata mana cäsuyanqanpita día del juiciu chämunqanyaq wakin angelkunatapis alläpa tutapayman qaykushqa. 7Tsaynöllam Sodomachö, Gomorrachö y cercan markakunachö täkuqkunapis alläpa penqakuypaq jutsata rurayarqan. Tsaymi runakuna tantiyayänanpaq tsay markakunata Dios Yaya ninawan ushakätsirqan.#Gén. 19.1-24.
8Tsay markakunachö täkuqkunanöllam tsay mana alli yachatsikuqkunapis mana penqakur juknin jukninwan purikuyan. <<Kikïmi poderyuq kä>> nirmi pitapis cäsuyantsu. Tsaynö kawayänanpaqmi sueñuyninkunachö Dios Yaya revelanqanta niyan.
Paykunam angelkunapaq y supaykunapaqpis shiminkuna kamakanqanta parlayan. 9Tsaynö parlayaptinpis angelkunapa mandakuqnin Miguelqa#Dan. 10.13, 21; 12.1; Apoc. 12.7. manam tsaynötsu parlan. Moiséspa ayanta#Deut. 34.6. diablu apayta munaptinpis piñapänanpa rantinmi nirqan: <<¡Dios Yayam upälla kanaykipaq nishunki!>>#Zac. 3.2. 10Tsay mana alli yachatsikuqkunam mana tantiyayar manakaqkunata parlayan. Paykunam wätanö mana tantiyakuq kar imatapis mana allikunata rurayan. Tsaynö kayanqanpitam ushakäyanqa.
11¡Paykunaqa imanöraq ñakayanqa! Caín#Gén. 4.3-9; Heb. 11.4; 1Juan 3.12. wawqinta chikirnin wañutsinqannö y Balaam#Núm. 22.1-35; Apoc. 2.14. qellaypaq ayrajashqa kanqannömi kaykäyan. Moiséspa contran parlanqanpita Coré#Núm. 16.1-35. ushakanqannömi tsay mana alli yachatsikuqkunapis illaqpita ushakäyanqa.
12Kuyanakur paqta mikuyanqaykichöpis mana penqakurmi lluta achkuskir mikuyan. Kikillankunapaqmi imatapis ashiyan. Usya witsay tsaki pukutay wakpa kaypa aywaqnömi kayan. Wayunanpaq tiempunchöna kaykarpis wayuyninnaq tsakishqa jachanömi kayan. Tsaymi llupishqa tsaki jachanö kayan. 13Tukuyläya shumpakunata kuchunman lamar jitarimunqannömi paykunapis penqakuypaq mana allikunata ruraykäyan. Lucëru shikwaqnömi tutapayman qaykushqa kayanqa.
14Adánpa willkanpa willkan kaqpa willkanmi karqan Enoc.#Gén. 5.18, 21-24. Paymi Dios Yayapa profëtan kar tsay mana alli yachatsikuqkunata Dios Yaya juzgananpaq nirqan: <<Dios Yayatam rikashkä waranqapa santu angelninkunawan shamuykaqta. 15Paymi llapan runakunata juzganqa mana mantsakur jutsata rurayanqanpita y paypa contran parlayanqanpita>>.
16Tsay mana alli yachatsikuqkunam imaykallapitapis musyapäkuyan. Paykunapaqqa manam ni imapis allitsu. Yarpäyanqanta ruratsirmi allish tukurnin shiminkuna tarinqanta imaykatapis parlayan. Yarpäyanqanta ruratsiyänan raykullam alli shimillankunapa parlapäyan.
Jesúsman creyikuqkunata animatsinqan
17Kuyashqa wawqikuna y panikuna, yarpäyay Señornintsik Jesucristupa apostolninkuna 18niyanqanta: <<Ultimu tiempuchömi Jesucristupa willakuyninta manakaqman churaq runakuna shayämunqa. Paykunam Dios Yayata cäsuyanqanpa rantin kikinkunapa munayllankunawan jutsata rurar kayanqa>>.#2Tim. 3.1-5; 2Ped. 3.3.
19Tsay ninqannöllam mana alli yachatsikuqkuna kanan shayämushqa. Paykunam jutsayuq kayan wawqikuna y panikuna chikinakurnin iglesiapita qarqunakuyänanpaqpis. Espíritu Santuta mana chaskishqa karmi munayanqannö jutsata rurar kawaykäyan.
20Kuyashqa wawqikuna y panikuna, Jesucristupa willakuyninta yachakushqa kaykarqa payman creyikur imaypis kawakuyay. Tsaynölla Espíritu Santu tantiyatsiyäshunqaykinö Dios Yayata mañakuyay. 21Dios Yaya kuyaykäyäshuptikiqa imaypis payta cäsuyay. Señor Jesucristo kutimunanta musyaykarqa alistakushqa shuyaraykäyay. Pay kutimurmi llakipäyäshurniki imayyaqpis kushishqa kawakuyänaykipaq pushayäshunki.
22Tsaymi manaraq shumaq creyikuykaq wawqikunata y panikunata Jesucristuman firmi creyikuyänanpaq tantiyatsiyay. 23Wakin kaqta imayka ninapita jipiqnö tantiyatsiyay. Wakin kaqtana llakipar alli shimillaykikunapa parlapäyay. Paykunawan qorikar cuidädutaq mana alli rurayninkunata yachakuyankiman.
Dios Yayata alabanqan
24Dios Yaya alabashqa kaykullätsun. Paymi jutsaman mana ishkiyänaykipaq poderösu kayninwan imaypis yanapayäshunki. Imayyaqpis kushishqa kawakuyänaykipaqmi jutsannaqtana puntanman pushayäshunki. 25Pay japallanmi [yachayyuq] Dios Yaya. Señornintsik Jesucristo noqantsik rayku wañuptinmi salvamashkantsik. Paymi poderösu imayyaqpis rey. Tsaynö kanqanpita kanan, waray y imayyaqpis alabashqa kaykullätsun. Amén.
Currently Selected:
Judas 1: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.