MATHAÏOS 1
1
Ka jingkha pateng la pateng ïa U Jisu Khrist
(Luk. 3:23-38)
1 #
Luk. 3:23-38. Ka kitab ka jingkha ïa U Jisu Khrist, uba u khun u Dabid, uba u khun u Abraham.
2U Abraham u la pynkha ïa u Isaak; bad u Isaak u la pynkha ïa u Jakob; bad u Jakob u la pynkha ïa u Juda bad ïa ki para jong u; 3#Rut. 4:18-22; 1 Khrn. 2:1-15.bad u Juda u la pynkha ïa u Phares bad ïa u Sera na ka Tamar; bad u Phares u la pynkha ïa u Esrom; bad u Esrom u la pynkha ïa u Aram; 4bad u Aram u la pynkha ïa u Aminadab; bad u Aminadab u la pynkha ïa u Naason; bad u Naason u la pynkha ïa u Salmon; 5bad u Salmon u la pynkha ïa u Boas na ka Rahab; bad u Boas u la pynkha ïa u Obed na ka Ruth; bad u Obed u la pynkha ïa u Jesse; 6bad u Jesse u la pynkha ïa u Dabid Syiem.
Bad u Dabid u la pynkha ïa u Solomon na kaba la ju long ka tnga u Uriah; 7bad u Solomon u la pynkha ïa u Roboam; bad u Roboam u la pynkha ïa u Abia; bad u Abia u la pynkha ïa u Asa; 8bad u Asa u la pynkha ïa u Josaphat; bad u Josaphat u la pynkha ïa u Joram; bad u Joram u la pynkha ïa u Osias; 9bad u Osias u la pynkha ïa u Joatham; bad u Joatham u la pynkha ïa u Ahas; bad u Ahas u la pynkha ïa u Esekaïas; 10bad u Esekaïas u la pynkha ïa u Manasseh; bad u Manasseh u la pynkha ïa u Amon; bad u Amon u la pynkha ïa u Josaïah; 11#2 Syiem. 24:14,15; 2 Khrn. 36:10; Jer. 27:20.bad u Josaïah u la pynkha ïa u Jekhoniah bad ïa ki para jong u, hamar ka por ba la ring mraw ïa ki sha Babilon.
12Hadien kata ka jingring mraw sha Babilon te, u Jekhoniah u la pynkha ïa u Salathiel; bad u Salathiel u la pynkha ïa u Sorobabel; 13bad u Sorobabel u la pynkha ïa u Abiud; bad u Abiud u la pynkha ïa u Eliakim; bad u Eliakim u la pynkha ïa u Asor; 14bad u Asor u la pynkha ïa u Sadok; bad u Sadok u la pynkha ïa u Akhim; bad u Akhim u la pynkha ïa u Eliud; 15bad u Eliud u la pynkha ïa u Eleasar; bad u Eleasar u la pynkha ïa u Mathan; bad u Mathan u la pynkha ïa u Jakob; 16bad u Jakob u la pynkha ïa u Joseph, uba u tnga ka Mari, na kaba la kha ïa U Jisu, ïa uba la khot “U Khrist”.
17Kumta, ki pateng bynriew baroh naduh u Abraham haduh u Dabid ki la long khatsaw pateng; naduh u Dabid ruh haduh ka jingring mraw sha Babilon khatsaw pateng; bad naduh ka jingring mraw sha Babilon haduh U Khrist khatsaw pateng.
Ka jingkha ïa U Jisu Khrist
(Luk. 2:1-7)
18 #
Luk. 1:26-38. Ka jingkha ïa U Jisu Khrist te ka la long kumne: Haba ka kmie jong u, ka Mari, ka la ïatehktien bad u Joseph, mynba kim pat ïashem, la paw ba ka la punkhun keiñ na U Mynsiem Bakhuid. 19Hynrei, u Joseph, u tnga jong ka, ba u da long u bahok, ba um mon ruh ban pynbna ïa ka ha ki briew, u la mut ban pyllait noh jar jar ïa ka. 20Hynrei, haba u dang puson ïa kine kiei kiei ruh, ha khmih, u angel U Trai u la paw ha u ha ka jingphohsniew, u da ong, “Ko Joseph, u khun u Dabid, wat sheptieng ban shim ha me ïa ka Mari ka tnga jong me: naba ita iba la pun ha ka, i long na U Mynsiem Bakhuid: 21#Salm. 130:8; Luk. 1:31; 2:21; Ïoan. 1:29; Ki Kam. 13:23.kan kha ruh ïa u khun; men khot ruh ïa ka kyrteng jong u, ‘U Jisu’: naba un pynim ïa la ki briew na ki pop jong ki.” 22La leh ïa kane baroh te, ba kumta yn pyndep ïa kata ba la ong U Trai da u nongïathuhlypa, u da ong,
23 #
Isa. 7:14. “Ha khmih,
kata ka theisotti
kan punkhun,
kan kha ruh ïa u khun,
bad kin ïakhot
ïa ka kyrteng jong u,
‘U Emmanuel,’ ”
kaba long, haba la batai, “U Blei lem bad ngi”. 24Te haba u Joseph u la khie na kaba thiah, u la leh kumba la hukum u angel U Trai ïa u, bad u la shim ha u ïa ka tnga jong u: 25#Luk. 2:21.hynrei, um pat shym la ithuh ïa ka, tad ynda ka la kha ïa u khun nyngkong jong ka: u la khot ruh ïa ka kyrteng jong u, “U Jisu”.
Currently Selected:
MATHAÏOS 1: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India