2 MAKABAYO 13
13
Menelao yeerwa
1Khumuyika kweshikhumi shilala nende amakhumi kane nashienda (149),#13:1 omuyika 149: nikwo omuyika kweshikhumi nende amakhumi kasasaba nakhataru (163) Kristo nashili okhwibulwa. Yuda Makabayo halala nende abaloondibe banyoola likhuwa mbu Antioko Ewupatori yali niyetsanga nende abelihebe abanji okhuseera litookho lia Yuda, 2khandi mbu Lisia, owali omulindi womuruchi mana omukhongo muburuchi obwo, yali niyetsanga nende Antioko tsana. Buli mulala khubo yali nende abelihe Beshigiriki bokhubilenje ebikhumila eshikhumi nende likhumi (110,000). Abalihe bokhutsifarasi bali ebikhumila birano nende ebikhumi bitaru (5,300). Tsinzofu amakhumi kabili natsibili (22), nende amakaari ebikhumi bitaru (300), akali nikabohilwekhwo emibano emimemu.
3Menelao yeyunga ninabo, ne khulwokhikaatia butswa nabatsuuba mbu batsiililile okhuseera. Ne shiyakhola ario khulwokhwenyela lihanga amalayi ta, habula yapaara mbu aundi yakhahuulwe okhuba omwisaaliisi omukhulundu. 4Nebutswa Nyasaye, OMWAMI wabami, yakhola Antioko okhuba noburuma obunji khu Menelao. Naye Lisia nasuubisia Antioko mbu Menelao, owali omundu omumayanu, niye owali namureerere amatinyu ako koosi. Khulweshio Antioko nalachilisia Menelao mbu ayilwe mwitookho lia Berea mana yerirwe ebweneyo shinga olwa eshiima shiabweneyo shialinji. 5Mwitookho omwo omunara kwalimwo kwoburambi obuhela hambi tsimita amakhumi kabili natsibili (22) okhutsia ikulu. Omunara okwo kwali nikwetsusibwamwo likoshe, ne, mukari mwakwo, kwali nikwabotokhasibamwo omushingachi okwa beeshelangakhwo nibatsia mwikoshe elo. 6Ne mu munara bwene omwo nomwabasindikhanga buli mundu owonoonelanga abanysaye babwe, noho owali niyanala okhukhola obumayanu bundi bwosi bwosi. 7Nolwa Menelao yeerwa ario, nalanyoolakho kata obiyangu bokhuyabila ta. 8Ne, nolwa kali nikamukhoyeele. Shichila akhandi akhanji yali niyamenya nafwolanga likoshe litakatifu liomumulilo kweshimalilo shiemisango muhekalu eya OMAMI Nyasaye. Ne bulano yafwila mwikoshe.
Lihe eliakhupanilwa hambi nelitookho lia Modeini
9Omuruchi Antioko yatsiililila butswa neinjiniaye, niyenya mbu atsie asandie Abayahudi obululu muno okhushilakhwo shinga olwa samwana yali niyabasandia. 10Olwa Yuda Makabayo yahulila lukhuwa elo, yalachilisia abandube mbu bamuhaabile OMWAMI Nyasaye eshilo nende eshiteere, okhuba bali ahambi okhukosia amalako kabwe, eshialo shiabwe nende Ihekalu yabwe indakatifu. Bali nibenya muno obukhoonyi nende obulindi obwa OMWAMI Nyasaye, 11kho mbu, eshialo shiabwe, eshia bali nibakalusilibwa, shileshe okhukalukhakhwo khandi mubunyali bwabandu bamahanga kandi, abamufukulanga Nyasaye tawe. 12Khulwa tsinyanga tsitaru, abandu batong'a nibafuumaame hasi mulufu, nibehonjia inzala khulwokhusaaya, nibamuhabila OMWAMI Nyasaye Wetsimbabasi mbu abakhoonye. Olunyuma, Yuda nabatinyisia nabalachilisia mbu bekhale nibali meeso.
13Olunyuma lwokhusanjilana mabiswi nende abemilisi ba Abayahudi, Yuda yalola mbu nobulayi batsie baseere omuruchi khulwa obunyali bwa Nyasaye, Antioko nashili okhwinjila namaamila litookho lia Yuda nende okhutiila elia Yerusalemu. 14Khulweshio, olwa Yuda yali naleshile amakhuwa koosi mubunyali bwa Nyasaye okhubakholela liosi liosi alia yenyile, yatinyisia abelihebe mbu bakhupane neitsoni. Khandi yabatinyisia mbu, berecheshe kata okhufwa khulwa amalako kabwe, Ihekalu yabwe, litookho liabwe lia Yerusalemu, eshialo shiabwe, nende emilukha chiabwe. Mana nakhupa ikambi yabwe hambi nelitookho lia Modeini. 15Yuda nalachilisia abelihebe mbu olwa benjila mwihe bayiibe nibabola bari: “Obuhuli burulanga khu Nyasaye.” Mana shiene eshio, nali nende omukakanda kwabasiani belihebe abalobole khandi bamaani muno, Yuda yaseera abasuku abali nibakhupile ikambi hambi nende liheema liomuruchi, nibeera abandu balaleema ebikhumila bibili (2,000) ta. Khandi yafumira niyeera inzofu eyemililanga etsindi halala nende owelihe wokhunzofu bwene okhwo. 16Mukhumalilikha, buli mulala khubelihe bali nibali mukambi omwo yatiibwa noburi, naye Yuda nabelihebe nibakalukha ewabwe mubuhuli. 17Amakhuwa ako kekholekha olwa eliuba liali nilili hambi okhurula, ne koosi kekholekha kario okhuba OMWAMI Nyasaye niye owali omulindi wabwe.
Omuruchi Antioko Wakharano akhola indakano yokhufuchilisania nende Abayahudi
(1 Mak. 6:48-63)
18Omuruchi Antioko yali niyamala okhulolakhwo obulayi bweitswoni eya Abayahudi, kho nateema tsinjila tsindi tsiokhubahula. 19Yaseera Betsizuri, olukoba lwabwe olutinyu, nebutswa akhandi akhanji yalanga ahulwa, ne mukhumalilikha yahulilwa elala. 20Yuda yarumilanga abalindanga olukoba olwo ebia batambanga. 21Nebutswa mulala khubelihe elia Abayahudi, oulangwa mbu Rodoko, yabisulila abasuku babwe amabiso nalebe. Olwa yamanyikha mbu niye oukholile ario, yatiilwa nayilwa mucheela nende okhubohwa. 22Omuruchi Antioko yateema khandi olwa khabili okhukaasia omulembe nende abelihe ba Batsi-zuri. Ne olwa bafuchilisania okhukhola bario, yamala arusieyo abelihebe. Kho olunyuma natsia okhuseera Yuda nende abelihebe, nebutswa yakhupwa nahulwa khandi. 23Nikashilinji kario, omuruchi Antioko yanyoola likhuwa mbu Filipo, oiwali naleshilwe Antiokia shinga omukhongo woburuchi obwo, yali akholile akeinduli. Mana omuruchi nasinyikha muno, nachaaka okhusanjilana khu komulembe nende Abayahudi, niyeyama aka beenya koosi, nende okhubeetsubila mbu alakholelanga Abayahudi aka habwene. Ne khulwokhuralisia indakanoye ninabo, yakhola omusango, nabahanila eshihaanwa nomukhono omusiro khulwokhulolosia oluyalilwe khu Ihekalu, 24nende okhumwinjisia Yuda Makabayo noluyali. Olunyuma, omuruchi yamwahula Hegemonide okhuba omwimilili wolukongo olwo lwosi, okhurula khwitookho lia Tolemai okhuula khulia Gerari. 25Naye omwene natsia ewuwe mwitookho lia Tolemai. Abandu belitookho lia Tolemai bali nibasinyiishe muno khulwa indakano yomulembe ya bali nibakholile nende Abayahudi, nibeenya mbu yirusilibweho elala. 26Nebutswa Lisia yaboola nomukandakwosi habulafu, nabeebaalila eshiachila nibakhola indakano eyo, kho nibehotselesia, naye nakalukha Antiokia.
Okhuseerwa khwa omuruchi Antioko nende kalukha inyumakhwe khwali khurio.
Currently Selected:
2 MAKABAYO 13: OLUDC
Highlight
Share
Copy
Want to have your highlights saved across all your devices? Sign up or sign in
2 MAKABAYO 13
13
Menelao yeerwa
1Khumuyika kweshikhumi shilala nende amakhumi kane nashienda (149),#13:1 omuyika 149: nikwo omuyika kweshikhumi nende amakhumi kasasaba nakhataru (163) Kristo nashili okhwibulwa. Yuda Makabayo halala nende abaloondibe banyoola likhuwa mbu Antioko Ewupatori yali niyetsanga nende abelihebe abanji okhuseera litookho lia Yuda, 2khandi mbu Lisia, owali omulindi womuruchi mana omukhongo muburuchi obwo, yali niyetsanga nende Antioko tsana. Buli mulala khubo yali nende abelihe Beshigiriki bokhubilenje ebikhumila eshikhumi nende likhumi (110,000). Abalihe bokhutsifarasi bali ebikhumila birano nende ebikhumi bitaru (5,300). Tsinzofu amakhumi kabili natsibili (22), nende amakaari ebikhumi bitaru (300), akali nikabohilwekhwo emibano emimemu.
3Menelao yeyunga ninabo, ne khulwokhikaatia butswa nabatsuuba mbu batsiililile okhuseera. Ne shiyakhola ario khulwokhwenyela lihanga amalayi ta, habula yapaara mbu aundi yakhahuulwe okhuba omwisaaliisi omukhulundu. 4Nebutswa Nyasaye, OMWAMI wabami, yakhola Antioko okhuba noburuma obunji khu Menelao. Naye Lisia nasuubisia Antioko mbu Menelao, owali omundu omumayanu, niye owali namureerere amatinyu ako koosi. Khulweshio Antioko nalachilisia Menelao mbu ayilwe mwitookho lia Berea mana yerirwe ebweneyo shinga olwa eshiima shiabweneyo shialinji. 5Mwitookho omwo omunara kwalimwo kwoburambi obuhela hambi tsimita amakhumi kabili natsibili (22) okhutsia ikulu. Omunara okwo kwali nikwetsusibwamwo likoshe, ne, mukari mwakwo, kwali nikwabotokhasibamwo omushingachi okwa beeshelangakhwo nibatsia mwikoshe elo. 6Ne mu munara bwene omwo nomwabasindikhanga buli mundu owonoonelanga abanysaye babwe, noho owali niyanala okhukhola obumayanu bundi bwosi bwosi. 7Nolwa Menelao yeerwa ario, nalanyoolakho kata obiyangu bokhuyabila ta. 8Ne, nolwa kali nikamukhoyeele. Shichila akhandi akhanji yali niyamenya nafwolanga likoshe litakatifu liomumulilo kweshimalilo shiemisango muhekalu eya OMAMI Nyasaye. Ne bulano yafwila mwikoshe.
Lihe eliakhupanilwa hambi nelitookho lia Modeini
9Omuruchi Antioko yatsiililila butswa neinjiniaye, niyenya mbu atsie asandie Abayahudi obululu muno okhushilakhwo shinga olwa samwana yali niyabasandia. 10Olwa Yuda Makabayo yahulila lukhuwa elo, yalachilisia abandube mbu bamuhaabile OMWAMI Nyasaye eshilo nende eshiteere, okhuba bali ahambi okhukosia amalako kabwe, eshialo shiabwe nende Ihekalu yabwe indakatifu. Bali nibenya muno obukhoonyi nende obulindi obwa OMWAMI Nyasaye, 11kho mbu, eshialo shiabwe, eshia bali nibakalusilibwa, shileshe okhukalukhakhwo khandi mubunyali bwabandu bamahanga kandi, abamufukulanga Nyasaye tawe. 12Khulwa tsinyanga tsitaru, abandu batong'a nibafuumaame hasi mulufu, nibehonjia inzala khulwokhusaaya, nibamuhabila OMWAMI Nyasaye Wetsimbabasi mbu abakhoonye. Olunyuma, Yuda nabatinyisia nabalachilisia mbu bekhale nibali meeso.
13Olunyuma lwokhusanjilana mabiswi nende abemilisi ba Abayahudi, Yuda yalola mbu nobulayi batsie baseere omuruchi khulwa obunyali bwa Nyasaye, Antioko nashili okhwinjila namaamila litookho lia Yuda nende okhutiila elia Yerusalemu. 14Khulweshio, olwa Yuda yali naleshile amakhuwa koosi mubunyali bwa Nyasaye okhubakholela liosi liosi alia yenyile, yatinyisia abelihebe mbu bakhupane neitsoni. Khandi yabatinyisia mbu, berecheshe kata okhufwa khulwa amalako kabwe, Ihekalu yabwe, litookho liabwe lia Yerusalemu, eshialo shiabwe, nende emilukha chiabwe. Mana nakhupa ikambi yabwe hambi nelitookho lia Modeini. 15Yuda nalachilisia abelihebe mbu olwa benjila mwihe bayiibe nibabola bari: “Obuhuli burulanga khu Nyasaye.” Mana shiene eshio, nali nende omukakanda kwabasiani belihebe abalobole khandi bamaani muno, Yuda yaseera abasuku abali nibakhupile ikambi hambi nende liheema liomuruchi, nibeera abandu balaleema ebikhumila bibili (2,000) ta. Khandi yafumira niyeera inzofu eyemililanga etsindi halala nende owelihe wokhunzofu bwene okhwo. 16Mukhumalilikha, buli mulala khubelihe bali nibali mukambi omwo yatiibwa noburi, naye Yuda nabelihebe nibakalukha ewabwe mubuhuli. 17Amakhuwa ako kekholekha olwa eliuba liali nilili hambi okhurula, ne koosi kekholekha kario okhuba OMWAMI Nyasaye niye owali omulindi wabwe.
Omuruchi Antioko Wakharano akhola indakano yokhufuchilisania nende Abayahudi
(1 Mak. 6:48-63)
18Omuruchi Antioko yali niyamala okhulolakhwo obulayi bweitswoni eya Abayahudi, kho nateema tsinjila tsindi tsiokhubahula. 19Yaseera Betsizuri, olukoba lwabwe olutinyu, nebutswa akhandi akhanji yalanga ahulwa, ne mukhumalilikha yahulilwa elala. 20Yuda yarumilanga abalindanga olukoba olwo ebia batambanga. 21Nebutswa mulala khubelihe elia Abayahudi, oulangwa mbu Rodoko, yabisulila abasuku babwe amabiso nalebe. Olwa yamanyikha mbu niye oukholile ario, yatiilwa nayilwa mucheela nende okhubohwa. 22Omuruchi Antioko yateema khandi olwa khabili okhukaasia omulembe nende abelihe ba Batsi-zuri. Ne olwa bafuchilisania okhukhola bario, yamala arusieyo abelihebe. Kho olunyuma natsia okhuseera Yuda nende abelihebe, nebutswa yakhupwa nahulwa khandi. 23Nikashilinji kario, omuruchi Antioko yanyoola likhuwa mbu Filipo, oiwali naleshilwe Antiokia shinga omukhongo woburuchi obwo, yali akholile akeinduli. Mana omuruchi nasinyikha muno, nachaaka okhusanjilana khu komulembe nende Abayahudi, niyeyama aka beenya koosi, nende okhubeetsubila mbu alakholelanga Abayahudi aka habwene. Ne khulwokhuralisia indakanoye ninabo, yakhola omusango, nabahanila eshihaanwa nomukhono omusiro khulwokhulolosia oluyalilwe khu Ihekalu, 24nende okhumwinjisia Yuda Makabayo noluyali. Olunyuma, omuruchi yamwahula Hegemonide okhuba omwimilili wolukongo olwo lwosi, okhurula khwitookho lia Tolemai okhuula khulia Gerari. 25Naye omwene natsia ewuwe mwitookho lia Tolemai. Abandu belitookho lia Tolemai bali nibasinyiishe muno khulwa indakano yomulembe ya bali nibakholile nende Abayahudi, nibeenya mbu yirusilibweho elala. 26Nebutswa Lisia yaboola nomukandakwosi habulafu, nabeebaalila eshiachila nibakhola indakano eyo, kho nibehotselesia, naye nakalukha Antiokia.
Okhuseerwa khwa omuruchi Antioko nende kalukha inyumakhwe khwali khurio.
Currently Selected:
:
Highlight
Share
Copy
Want to have your highlights saved across all your devices? Sign up or sign in