2 MAKABAYO 12
12
Abayahudi ba Yopa beerwa
1Olunyuma lwokhufuchilisania khwomulembe okhubaho hakari wa Abayahudi nende Abasiria, Lisia yakalukha womuruchi, nabo Abayahudi nibakalukha okhukhola emilimo chiabwe mumikunda. 2Nebutswa balala khubemilisi bebweneyo, yaani Timotseyo nende Apolonio omusiani wa Genaeo, halala nende Hieronimo, Demofoni nende Nikanori omusesia wabelihe liokhurungwa okhurula Kupuro, shibamoka Abayahudi okhumenya nomulembe tawe.
3Nabo abandu belitookho lia Yopa bakholela Abayahudi bali nibamenya mwitookho liabwe elo likhuwa libii muno. Bekhola mbu nabeetsa ba Abayahudi, nibabalanga bo halala nende aboluyia lwabwe okhutsia ninabo mumeeli tsiabwe kho mbu basamule halala ninabo. 4Ne okhuba abandu bomwitookho omwo boosi bali nibafuchilisaniiye okhukhola bario, Abayahudi shibalikhwo noburi bwosi bwosi ta, habula bafuchililila omulango okwo nomoyo mulala. Nebutswa olwa bali nibali munyanza, abandu belitookho lia Yopa beenikha Abayahudi bahela hambi ebikhumi bibili mumaatsi (200), boosi pe nibafwa.
5Olwa Yuda yahulilakhwo eshikhole eshibi eshia Abayahudi bali nibakholeelwe eshio, yamanyiakhwo abelihebe. 6Olunyuma lwokhumuhabila Nyasaye, ouli omukhalachi weshiina wa habeene, baseera abeeri abo. Betsa mushilo nibahafia omulilo habundu aha tsimeeli tsisinjisibungwa, halala nende okhusamba tsimeeli tsiosi, khandi nibeera buli mundu wabanyoolelesia niyebisilemwo. 7Olunyuma, okhuba eshiliibwa shielitookho elo shiali nishikaalwe nishiriindiilwe muno, Yuda yarula nakalukha nangowe, ne nali nelichoomo liokhuchelela inyanga yindi okhumulula boosi abamenyanga mwitookho elo.
8Yuda yahulila mbu abandu bomwitookho lia Yamunia bosi bali niberecheeshe okhwira Abayahudi bomwitookho liabwe. 9Yaseera abandu bomwitookho lia Yamunia mushilo, nasamba nomulilo habundu hatsimeeli tsiabwe tsiasinjisibungwa halala nende tsimeeli tsialiho tsiosi. Kata abandu abali nibali mwitookho lia Yerusalemu, oburambi bwetsimita hambi amakhumi karano ehale, balola omulilo okwo nikwakhanga.
Obuhuli bwa Yuda mulukongo lwa Giliadi
(1 Mak. 5:9-54)
10Olwa Yuda halala nabelihebe bali nibasumukhanga okhurula Yamnia mbu batsie balwane nende Timotseyo, nibakhasutakhwo oluchendo oluhela hambi tsikilomita tsibili okhurula Yamnia, betsukhana Abarabu abahela ebikhumila birano (5,000), nibakhonyelelungwa nende abelihe bokhutsifarasi ebikhumi birano (500) nibabaseeranga. 11Olunyuma lwelihe lilulu khandi litinyu muno, Yuda nabandube bahula khulwobunyali bwa Nyasaye. Nolwa Abarabu abahulwa abo bamureeba mbu achame bakaasie akomulembe nende Abayahudi. Khandi nibasuubisia Abayahudi abo okhubahelesia ebiayo nende obukhonyi bundi obwahukhaane. 12Mana Yuda nalola mbu obwitsa bwabwe nende Abarabu tsana buli neinganga khu Abayahudi munjila tsinyinji, ne nafuchilila okhukaasia akomulembe ninabo. Olunyuma lwa ako, Abarabu bakalukha mumaheema kabwe.
13Khandi Yuda yaseera litookho lia Kaspini, eliali niliasirwa obutinyu netsinzu nende lisiisi litinyu. Abandu bamenyanga mwitookho elo bali abamahanga kandi akahukhaane. 14Abandu bamenyanga mitookho elo bali besika olukoba lwelisiisi liabwe olutinyu, ne bali nobusuubili mbu eshiokhulia shia bali nibeebiishila shiali eshibahela khuluhoono lwosi olwa bali nibeekalilwa mulukoba olwo. Khulweshio, bamutseshelela Yuda nende abandube, halala nokhunyeka eliira lia Nyasaye. 15Nebutswa Abayahudi batsiililila okhumwinamila Nyasaye, OMWAMI weshialo shiosi, owakhola amasiisi kelitookho lia Yeriko okhulikulukha akeene butswa, mutsinyanga tsiobwimilisi bwa Yoshwa ahalalikhwo neshimanulwa shiosi shiosi ta. Olunyuma baseera olukoba olwo namaani, 16ne nibabahula, okhuba Nyasaye yali niyenyile ario. Abayahudi beera abandu abanji, mana kata inyanza eyali ahambi, eyobubambalifu obuhela tsimita ebikhumi bitaru namakhumi musafu (370) yalolekha niyitsuulemwo amatsayi.
Yuda ahula Abelihe ba Timotseyo
(1 Mak. 5:37-44)
17Okhurula mwitookho lia Kasipini, Yuda nende abandube bachenda oluchendo lwoburambi buhela hambi tsikilomita eshikhumi shilala namakhumi karano (150), mana niboola Karakisi, habundu aha Abayahudi bamenyanga, hambi nende litookho lia Tobu. 18Nebutswa shibanyoola Timotseyo naliyo ta, okhuba yali namalile okhurulayo. Shiyaali nakholileyo likhuwa liosi liosi ta, habula yalekha abelihebe bamaani habundu mulukoba. 19Dositseyo nende Sosipateri, babili khubasesia abakhongo belihe ba Yuda Makabayo, baseera olukoba olwo nibeera boosi abelihe ebikhumila ekhumi (10,000), aba Timotseyo yali naleshilemwo. 20Mana Yuda Makabayo nakabulamwo abelihebe mumikanda echiahukhaane. Ne niyaahula Dositseo nende Sosipateri okhwimilila buli mulala omukandakwe. Mana narula tsimbilo namulondachilila Timotseyo, owali nende abelihe ebikhumila eshikhumi shilala namakhumi kabili (120,000) abokhubilenje, nende abokhutsifarasi ebikhumila bibili nebikhumi birano (2,500). 21Olwa Timotseyo yamanya mbu Yuda yali namulondachilanga, yemisia imbeli abakhasi, abaana nende emisiko, okhutsia mwitookho lia Karinaimu. Litookho lia Karinaimu elo shiliali eliangu liokhuseera noho okhuliulakhwo ta, shichila tsinjila tsiokhutsiayo tsiali tsinyelele muno. 22Nebutswa lwomukanda kwambeli kabelihe ba Yuda kwarulila butswa, abelihe abasuku abo batiilwa noburi obukhongo okhurulana nelilolelo lia Nyasaye oulolanga buli shindu yabarumila. Ne muburi bwene obwo, bachaaka okhwilukha matondobana butswa nibakoyaana, mana abanji khubo nibesaalisia abeene khubeene netsinganga tsiabwe. 23Mana Yuda nende abelihebe nibalondachilila, abasuku abo tsimbilo, nibeera abelihe abahela hambi ebikhumila amakhumi kataru (30,000). 24Timotseyo mwene yatiilwa nabelihe ba Dositseyo nende aba Sosipateri. Nebutswa yali omuchesichesi muno. Yanyalilwa okhubakhola basuubile mbu abeekho babwe abanji bali ababohebe, khandi mbu nibalamulekhuula ta, abeekho babwe abo banyala okhwirwa. 25Olunyuma, namalile okhubasuubisia mbu alalekhuula abeekho ba abelihe abo mbu, alabakalusia ewabwe mumulembe, Timotseyo yalekhuulwa natsia.
Obuhuli bundi bwa Yuda
(1 Mak. 5:45-54)
26Mana Yuda naseera litookho lia Karinaimu halala nende ihekalu ya Atarigati, omunyasaye weshikhasi, niyeera abandu ebikhumila amakhumi kabili nabirano (25,000). 27Olunyuma lwokhumulula abandu okhwo, Yuda khandi yaseera litookho lia Efuroni, eliali niliasirwa nolukoba, elia Lisia nende abandu abanji okhurula mumahanga akahukhaane amanji bamenyangamwo. Abasiani ababuukha bamaani beyanza imbeli welisiisi, nikhupana lihe neitswoni. Ne mwitookho omwo mwali nimwabikhwamwo ebimanulwa ebinji. 28Nebutswa Abayahudi basaaya nibahaba khulwa obukhoonyi okhurula khu OMWAMI Nyasaye oufunakasinjia obunyali bwabasukube. Yabanyalila okhulibukula litookho elo, ne nibeera abandu abahela ebikhumila amakhumi kabili nabirano (25,000).
29Barulaho nibatsia bwangu bwangu mwitookho lia Sikitsopoli, eliali ehale woburambi buhela tsikilomita eshikhumi namakhumi kabili (120) khulubeka lwemasaaba norulila khwitookho lia Yerusalemu. 30Abayahudi bebweneyo bamwibaalila Yuda shinga olwa abandu bomwitookho omwo babakholela aketsimbasi, nokhushila muno olwa bali mumatinyu. 31Mana Yuda halala nabandube nibabakalusilia orio nende okhubatinyisia mbu batsiililile okhubakholela Abayahudi aketsimbabasi bario mutsinyanga tsindi tsiosi. Olunyuma nibarula nibakalukha Yerusalemu, ewa bamala boole nitsishili tsinyanga tsindutu okhuula khunyanga yelisabo liamahonga.
Yuda amuhula Gorigia
32 #
Okhur. 23:16
Olunyuma lwa Lisabo lia Pendekote, Yuda halala nabelihebe barula bwangu okhutsia okhuseera Gorigia, omusinjilili welitookho lia Idumea. 33Naye Gorigia narula nende abelihebe bokhubilenje ebikhumila bitaru (3,000) nende abokhutsifarasi ebikhumi bine (400). 34Mwihe liene elo, Abayahudi batiti bamala beerwa. 35Nebutswa Omuyahudi mulala oulangwa mbu Dositseyo, owelihe wokhutsifarasi wamaani, okhurula mwitookho lia Tobu, yakanyaasilia Gorigia mungubo, ne nachaaka okhumukhwesulula namaani, niyenya mbu amubukule atsie ninaye nashili omulamu. Nebutswa Dositseyo yetsukhana butswa mulala khubelihe bokhutsifarasi okhurula mwitookho lia Tsirasia namwitsila tsimbilo, nende okhumurema omukhonokwe. Khulweshio yachila Gorigia yanyalilwa okhuhonokokha, niyelukha natsia mwitookho lia Marisa.
36Ebise ebio, Abayahudi bali hasi wobwimilisi bwa Esidiri, bali nibalwanile lihe khulwoluhoono olurambi nibachoonyile. Khulweshio, Yuda yasaaya nahabila OMWAMI Nyasaye kho mbu Nyasaye alolosie mbu ali halala ninabo, khandi mbu, niye owemililanga abelihe babwe. 37Mana, olwa Yuda yali nakhupanga olwika lwelihe nende okhwimba olwimbo lwokhwitsoomia mululimilwe lwabaakuuka babwe, nolwa Abayahudi basundusia nibaseera Gorigia nabelihebe metsukhana. Nibabataafia nibeelikha.
Amasaayo khulwabandu bafwila mwihe
38Mana Yuda niyemilila abelihebe okhutsia mwitookho lia Adulamu. Ne yali inyanga eyiranjilila Isabato, khulweshio besiiya okhulondokhana neshiima shia Abayahudi, olunyuma nibakhola lisabo elia Isabato. 39Khunyanga yalondakhwo, balola mbu nobulayi okhubunjelesia bwangu bwangu emilambo chiabaashiabe bali nibeeriirwe mwihe nende okhuchiyabila ewa abakuuka babwe bayabilwa. 40#Okhuk. 7:25Nebutswa banyoola mu buli omulambo, banyoola orufwanani rwabanyasaye orutitititi, orwenamilungwa mwitookho lia Yamnia. Likhuwa elo liali liomusilo khu Abayahudi okhulondana namalako kabwe. Neshiachila buli mundu yamanya eshifune shiokhwirwa khwabwe mwihe. 41Kho nibetsoomia OMWAMI Nyasaye shinga olwa ali omukhalachi wa habwene, oubakalanga habulafu akebisile. 42Khandi bamusaaya OMWAMI Nyasaye mbu arusieho nende okhusiiliisilia elala obwonooni obwo. Olunyuma, owoluyali Yuda, yaboolela abandu okhulekhana nobonooni, okhuba abeene bali nibeloleele akali nikakwiliile abali nibakholile obwonooni. 43Khandi yasolola okhurula khu buli mundu ifetsa eyihela tsikilo tsibili, nachihaana okhuyilwa Yerusalemu mbu yihaane khulwa omusango kwokhuyiniakhwo obwonooni. Yuda yakhola likhuwa lilayi elo okhuba yali niyasuubila mubulamushi bwabafu. 44Niyakhabeele mbu shiyasuubila mubulamushi bwabafu ta, liakhabele likhuwa liobusilu khandi elia butswa okhusaayila abandu bafwile. 45Nebutswa naba niyali nalindililanga okhufwalwa olusimbi olulayi, olwa abo abafwa nibali abeesiikwa khu Nyasaye babiishilwa, elo liali lipaaro lilayi khandi litakatifu. Khulweshio Yuda yakhola omusango kwobusaasanii kho mbu abandu bali nibafwa baleshelwe obwonooni bwabwe.
Currently Selected:
2 MAKABAYO 12: OLUDC
Highlight
Share
Copy
Want to have your highlights saved across all your devices? Sign up or sign in
2 MAKABAYO 12
12
Abayahudi ba Yopa beerwa
1Olunyuma lwokhufuchilisania khwomulembe okhubaho hakari wa Abayahudi nende Abasiria, Lisia yakalukha womuruchi, nabo Abayahudi nibakalukha okhukhola emilimo chiabwe mumikunda. 2Nebutswa balala khubemilisi bebweneyo, yaani Timotseyo nende Apolonio omusiani wa Genaeo, halala nende Hieronimo, Demofoni nende Nikanori omusesia wabelihe liokhurungwa okhurula Kupuro, shibamoka Abayahudi okhumenya nomulembe tawe.
3Nabo abandu belitookho lia Yopa bakholela Abayahudi bali nibamenya mwitookho liabwe elo likhuwa libii muno. Bekhola mbu nabeetsa ba Abayahudi, nibabalanga bo halala nende aboluyia lwabwe okhutsia ninabo mumeeli tsiabwe kho mbu basamule halala ninabo. 4Ne okhuba abandu bomwitookho omwo boosi bali nibafuchilisaniiye okhukhola bario, Abayahudi shibalikhwo noburi bwosi bwosi ta, habula bafuchililila omulango okwo nomoyo mulala. Nebutswa olwa bali nibali munyanza, abandu belitookho lia Yopa beenikha Abayahudi bahela hambi ebikhumi bibili mumaatsi (200), boosi pe nibafwa.
5Olwa Yuda yahulilakhwo eshikhole eshibi eshia Abayahudi bali nibakholeelwe eshio, yamanyiakhwo abelihebe. 6Olunyuma lwokhumuhabila Nyasaye, ouli omukhalachi weshiina wa habeene, baseera abeeri abo. Betsa mushilo nibahafia omulilo habundu aha tsimeeli tsisinjisibungwa, halala nende okhusamba tsimeeli tsiosi, khandi nibeera buli mundu wabanyoolelesia niyebisilemwo. 7Olunyuma, okhuba eshiliibwa shielitookho elo shiali nishikaalwe nishiriindiilwe muno, Yuda yarula nakalukha nangowe, ne nali nelichoomo liokhuchelela inyanga yindi okhumulula boosi abamenyanga mwitookho elo.
8Yuda yahulila mbu abandu bomwitookho lia Yamunia bosi bali niberecheeshe okhwira Abayahudi bomwitookho liabwe. 9Yaseera abandu bomwitookho lia Yamunia mushilo, nasamba nomulilo habundu hatsimeeli tsiabwe tsiasinjisibungwa halala nende tsimeeli tsialiho tsiosi. Kata abandu abali nibali mwitookho lia Yerusalemu, oburambi bwetsimita hambi amakhumi karano ehale, balola omulilo okwo nikwakhanga.
Obuhuli bwa Yuda mulukongo lwa Giliadi
(1 Mak. 5:9-54)
10Olwa Yuda halala nabelihebe bali nibasumukhanga okhurula Yamnia mbu batsie balwane nende Timotseyo, nibakhasutakhwo oluchendo oluhela hambi tsikilomita tsibili okhurula Yamnia, betsukhana Abarabu abahela ebikhumila birano (5,000), nibakhonyelelungwa nende abelihe bokhutsifarasi ebikhumi birano (500) nibabaseeranga. 11Olunyuma lwelihe lilulu khandi litinyu muno, Yuda nabandube bahula khulwobunyali bwa Nyasaye. Nolwa Abarabu abahulwa abo bamureeba mbu achame bakaasie akomulembe nende Abayahudi. Khandi nibasuubisia Abayahudi abo okhubahelesia ebiayo nende obukhonyi bundi obwahukhaane. 12Mana Yuda nalola mbu obwitsa bwabwe nende Abarabu tsana buli neinganga khu Abayahudi munjila tsinyinji, ne nafuchilila okhukaasia akomulembe ninabo. Olunyuma lwa ako, Abarabu bakalukha mumaheema kabwe.
13Khandi Yuda yaseera litookho lia Kaspini, eliali niliasirwa obutinyu netsinzu nende lisiisi litinyu. Abandu bamenyanga mwitookho elo bali abamahanga kandi akahukhaane. 14Abandu bamenyanga mitookho elo bali besika olukoba lwelisiisi liabwe olutinyu, ne bali nobusuubili mbu eshiokhulia shia bali nibeebiishila shiali eshibahela khuluhoono lwosi olwa bali nibeekalilwa mulukoba olwo. Khulweshio, bamutseshelela Yuda nende abandube, halala nokhunyeka eliira lia Nyasaye. 15Nebutswa Abayahudi batsiililila okhumwinamila Nyasaye, OMWAMI weshialo shiosi, owakhola amasiisi kelitookho lia Yeriko okhulikulukha akeene butswa, mutsinyanga tsiobwimilisi bwa Yoshwa ahalalikhwo neshimanulwa shiosi shiosi ta. Olunyuma baseera olukoba olwo namaani, 16ne nibabahula, okhuba Nyasaye yali niyenyile ario. Abayahudi beera abandu abanji, mana kata inyanza eyali ahambi, eyobubambalifu obuhela tsimita ebikhumi bitaru namakhumi musafu (370) yalolekha niyitsuulemwo amatsayi.
Yuda ahula Abelihe ba Timotseyo
(1 Mak. 5:37-44)
17Okhurula mwitookho lia Kasipini, Yuda nende abandube bachenda oluchendo lwoburambi buhela hambi tsikilomita eshikhumi shilala namakhumi karano (150), mana niboola Karakisi, habundu aha Abayahudi bamenyanga, hambi nende litookho lia Tobu. 18Nebutswa shibanyoola Timotseyo naliyo ta, okhuba yali namalile okhurulayo. Shiyaali nakholileyo likhuwa liosi liosi ta, habula yalekha abelihebe bamaani habundu mulukoba. 19Dositseyo nende Sosipateri, babili khubasesia abakhongo belihe ba Yuda Makabayo, baseera olukoba olwo nibeera boosi abelihe ebikhumila ekhumi (10,000), aba Timotseyo yali naleshilemwo. 20Mana Yuda Makabayo nakabulamwo abelihebe mumikanda echiahukhaane. Ne niyaahula Dositseo nende Sosipateri okhwimilila buli mulala omukandakwe. Mana narula tsimbilo namulondachilila Timotseyo, owali nende abelihe ebikhumila eshikhumi shilala namakhumi kabili (120,000) abokhubilenje, nende abokhutsifarasi ebikhumila bibili nebikhumi birano (2,500). 21Olwa Timotseyo yamanya mbu Yuda yali namulondachilanga, yemisia imbeli abakhasi, abaana nende emisiko, okhutsia mwitookho lia Karinaimu. Litookho lia Karinaimu elo shiliali eliangu liokhuseera noho okhuliulakhwo ta, shichila tsinjila tsiokhutsiayo tsiali tsinyelele muno. 22Nebutswa lwomukanda kwambeli kabelihe ba Yuda kwarulila butswa, abelihe abasuku abo batiilwa noburi obukhongo okhurulana nelilolelo lia Nyasaye oulolanga buli shindu yabarumila. Ne muburi bwene obwo, bachaaka okhwilukha matondobana butswa nibakoyaana, mana abanji khubo nibesaalisia abeene khubeene netsinganga tsiabwe. 23Mana Yuda nende abelihebe nibalondachilila, abasuku abo tsimbilo, nibeera abelihe abahela hambi ebikhumila amakhumi kataru (30,000). 24Timotseyo mwene yatiilwa nabelihe ba Dositseyo nende aba Sosipateri. Nebutswa yali omuchesichesi muno. Yanyalilwa okhubakhola basuubile mbu abeekho babwe abanji bali ababohebe, khandi mbu nibalamulekhuula ta, abeekho babwe abo banyala okhwirwa. 25Olunyuma, namalile okhubasuubisia mbu alalekhuula abeekho ba abelihe abo mbu, alabakalusia ewabwe mumulembe, Timotseyo yalekhuulwa natsia.
Obuhuli bundi bwa Yuda
(1 Mak. 5:45-54)
26Mana Yuda naseera litookho lia Karinaimu halala nende ihekalu ya Atarigati, omunyasaye weshikhasi, niyeera abandu ebikhumila amakhumi kabili nabirano (25,000). 27Olunyuma lwokhumulula abandu okhwo, Yuda khandi yaseera litookho lia Efuroni, eliali niliasirwa nolukoba, elia Lisia nende abandu abanji okhurula mumahanga akahukhaane amanji bamenyangamwo. Abasiani ababuukha bamaani beyanza imbeli welisiisi, nikhupana lihe neitswoni. Ne mwitookho omwo mwali nimwabikhwamwo ebimanulwa ebinji. 28Nebutswa Abayahudi basaaya nibahaba khulwa obukhoonyi okhurula khu OMWAMI Nyasaye oufunakasinjia obunyali bwabasukube. Yabanyalila okhulibukula litookho elo, ne nibeera abandu abahela ebikhumila amakhumi kabili nabirano (25,000).
29Barulaho nibatsia bwangu bwangu mwitookho lia Sikitsopoli, eliali ehale woburambi buhela tsikilomita eshikhumi namakhumi kabili (120) khulubeka lwemasaaba norulila khwitookho lia Yerusalemu. 30Abayahudi bebweneyo bamwibaalila Yuda shinga olwa abandu bomwitookho omwo babakholela aketsimbasi, nokhushila muno olwa bali mumatinyu. 31Mana Yuda halala nabandube nibabakalusilia orio nende okhubatinyisia mbu batsiililile okhubakholela Abayahudi aketsimbabasi bario mutsinyanga tsindi tsiosi. Olunyuma nibarula nibakalukha Yerusalemu, ewa bamala boole nitsishili tsinyanga tsindutu okhuula khunyanga yelisabo liamahonga.
Yuda amuhula Gorigia
32 #
Okhur. 23:16
Olunyuma lwa Lisabo lia Pendekote, Yuda halala nabelihebe barula bwangu okhutsia okhuseera Gorigia, omusinjilili welitookho lia Idumea. 33Naye Gorigia narula nende abelihebe bokhubilenje ebikhumila bitaru (3,000) nende abokhutsifarasi ebikhumi bine (400). 34Mwihe liene elo, Abayahudi batiti bamala beerwa. 35Nebutswa Omuyahudi mulala oulangwa mbu Dositseyo, owelihe wokhutsifarasi wamaani, okhurula mwitookho lia Tobu, yakanyaasilia Gorigia mungubo, ne nachaaka okhumukhwesulula namaani, niyenya mbu amubukule atsie ninaye nashili omulamu. Nebutswa Dositseyo yetsukhana butswa mulala khubelihe bokhutsifarasi okhurula mwitookho lia Tsirasia namwitsila tsimbilo, nende okhumurema omukhonokwe. Khulweshio yachila Gorigia yanyalilwa okhuhonokokha, niyelukha natsia mwitookho lia Marisa.
36Ebise ebio, Abayahudi bali hasi wobwimilisi bwa Esidiri, bali nibalwanile lihe khulwoluhoono olurambi nibachoonyile. Khulweshio, Yuda yasaaya nahabila OMWAMI Nyasaye kho mbu Nyasaye alolosie mbu ali halala ninabo, khandi mbu, niye owemililanga abelihe babwe. 37Mana, olwa Yuda yali nakhupanga olwika lwelihe nende okhwimba olwimbo lwokhwitsoomia mululimilwe lwabaakuuka babwe, nolwa Abayahudi basundusia nibaseera Gorigia nabelihebe metsukhana. Nibabataafia nibeelikha.
Amasaayo khulwabandu bafwila mwihe
38Mana Yuda niyemilila abelihebe okhutsia mwitookho lia Adulamu. Ne yali inyanga eyiranjilila Isabato, khulweshio besiiya okhulondokhana neshiima shia Abayahudi, olunyuma nibakhola lisabo elia Isabato. 39Khunyanga yalondakhwo, balola mbu nobulayi okhubunjelesia bwangu bwangu emilambo chiabaashiabe bali nibeeriirwe mwihe nende okhuchiyabila ewa abakuuka babwe bayabilwa. 40#Okhuk. 7:25Nebutswa banyoola mu buli omulambo, banyoola orufwanani rwabanyasaye orutitititi, orwenamilungwa mwitookho lia Yamnia. Likhuwa elo liali liomusilo khu Abayahudi okhulondana namalako kabwe. Neshiachila buli mundu yamanya eshifune shiokhwirwa khwabwe mwihe. 41Kho nibetsoomia OMWAMI Nyasaye shinga olwa ali omukhalachi wa habwene, oubakalanga habulafu akebisile. 42Khandi bamusaaya OMWAMI Nyasaye mbu arusieho nende okhusiiliisilia elala obwonooni obwo. Olunyuma, owoluyali Yuda, yaboolela abandu okhulekhana nobonooni, okhuba abeene bali nibeloleele akali nikakwiliile abali nibakholile obwonooni. 43Khandi yasolola okhurula khu buli mundu ifetsa eyihela tsikilo tsibili, nachihaana okhuyilwa Yerusalemu mbu yihaane khulwa omusango kwokhuyiniakhwo obwonooni. Yuda yakhola likhuwa lilayi elo okhuba yali niyasuubila mubulamushi bwabafu. 44Niyakhabeele mbu shiyasuubila mubulamushi bwabafu ta, liakhabele likhuwa liobusilu khandi elia butswa okhusaayila abandu bafwile. 45Nebutswa naba niyali nalindililanga okhufwalwa olusimbi olulayi, olwa abo abafwa nibali abeesiikwa khu Nyasaye babiishilwa, elo liali lipaaro lilayi khandi litakatifu. Khulweshio Yuda yakhola omusango kwobusaasanii kho mbu abandu bali nibafwa baleshelwe obwonooni bwabwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in