Juan 13
13
Discïpulunkunapa chakinta Jesús maylapashqan
1 Pascua fiesta manaraq qalaykuptinpis Jesús maynami musyarqan kay patsapita Taytan kaqman aywakunanpaqna kashqanta. Tsayno kaykarpis payman criyiqkunataqa imaypis kuyashqannölami kuyarqan.
2Discïpulunkunawan Jesús manaraq cënaptinmi Simónpa tsurin Judas Iscariotita diablu mayna yarpayta qoshqa karqan Jesústa rantikunanpaq. 3Jesús musyarqanmi lapantapis munayninman Taytan churashqanta. Tsaynöpis musyarqanmi pay kaqpita shamushqanta y pay kaqman kutikunanpaq kashqanta. 4Tsaymi mikurkaykashqanpita sharkurkur janan kaq röpanta jorqukurir toällata wachkakurqan. 5Nirkurmi anqaraman yakuta winarkur discïpulunkunapa chakinta maylaparqan. Maylaparkurmi tsay toällawan tsakitsiparqan.
6Simón Pedrupa chakinta maylapänanpaq kaykaptinmi Pedro kayno nirqan: <<Tayta, ¿imanöpataq qamqa chakïta maylapaykamankiman?>>
7Tsayno niptinmi Jesús kayno nirqan: <<Imanir maylapashqäta kanan manaraq tantiyarpis nirkurraqmi tantiyankipaq>>.
8Tsayno niptinpis Pedro kayno nirqan: <<Chakïta manami imaypis maylapämankimantsu, Tayta>>.
Tsawraqa Jesús kayno nirqan: <<Chakikita mana maylapaptïqa manami discïpulü kankimantsu>>.
9Niptinmi kayno nirqan: <<Tayta, tsayno kaptinqa ama chakilätaqa maylapaykamaytsu, sinöqa makïtapis umätapis maylapaykalämay>>.
10Niptinmi Jesús kayno nirqan: <<Pipis armakurirnaqa chakilantanami maylakun. Qamkunaqa jutsa rurashqaykipita maylashqanami karkaykanki. Tsayno karpis manami lapaykitsu maylakushqa kaykanki>>.
11Tsayno nirqan juk discïpulun payta rantikunanpaq kashqanta musyarmi.
12Discïpulunkunapa chakinta maylapayta usharkurnami jorqushqan röpanta jatikurkur mësaman yapay jamakurqan. Nirkurmi kayno nirqan: <<¿Tantiyapäkunkiku imanir chakikikunata maylapashqäta? 13Yachatsikuq kashqäta y Señorniki kashqäta nimashpayki rasun kaqtami nipäkamanki. 14Noqa yachatsikuqniki y Señorniki kaykar qamkunapa chakikita maylapaykaptïqa qamkunapis jukniki juknikipis chakikikunata maylapänakunki. 15Noqata rikakamar qamkunapis rurapäkunaykipaqmi tsayno rurashqä.#13.15 Tsay witsan ashmaykunalami pipatapis chakinta maylapaq. Tsaymi kay textucho Jesucristo nirqan ashmayno humillakur juknintsi juknintsi yanapanakunantsipaq.#Mat. 20.28; Mar. 10.45; Luc. 22.27. 16Rasunpami kayno nï: Ashmayqa manami patronpita mas munayniyuqtsu.#Mat. 10.24; Luc. 6.40; Juan 15.20. Tsaynölami kacha aywaqpis kachaqninpita mas munayniyuqtsu.#13.16 Kay textucho discïpulunkunata Jesucristo tantiyatsirqan patronnin kaykarpis pay sirvishqanno paykunapis runa mayinta sirvinanpaq. 17Kay nishqäkunata tantiyar cumplirqa kushishqami kawapäkunki.
18<<Manami lapaykipaqtsu tsayno niykä. Noqa musyämi mayqan discïpulükunata akrashqätapis. Tayta Diospa palabranpis kaynömi niykan: <Noqawan juntu mikuykarmi conträ sharkushqa>.#Sal. 41.9. Tsay qelqaraykaq cumplikanqami. 19Manaraq cumplikaptinmi qamkunata wilapaykä tsayno kananpaq kashqanta. Tsaymi nishqänöla cumplikaptin musyapäkunkipaq noqa kashqäta#13.19 Noqa kashqäta nirqa Jesucristo tantiyatsirqan kikin Dios kashqantami. Tsaypita masta musyanaykipaq liyinki Éxo. 3.14; Juan 10.30-33..
20<<Rasunpami kayno nï: Kachashqäkunata chaskikuqkunaqa noqatami chaskiykäman. Noqata chaskikamaqkunaqa kachamaqnïtapis chaskikurkaykanmi>>.#Mat. 10.40; Mar. 9.37; Luc. 9.48; 10.16.
Judas rantikunanpaq kashqanta wilashqan
Mateo 26.20-25; Marcos 14.17-21; Lucas 22.21-23
21Tsayno nirkurmi Jesús fiyupa lakikushpan kayno nirqan: <<Rasunpami kayno nï: Qamkunapita juknikimi prësu tsaritsimanqa>>.
22Tsawraqa mayqanpaq niykashqantapis mana musyarmi discïpulunkuna jukninpis jukninpis rikapänakurqan. 23Tsay hörami Jesúspa kuyay discïpulun nawpancho kaykarqan. 24Paytami Simón Pedro sëñaypa nirqan mayqanpaq parlaykashqantapis Jesústa tapunanpaq. 25Tsaymi kuyashqan discïpulun Jesúspa pëchunman qeliykur tapurqan kayno nir: <<¿Mayqäpaqtaq niykanki, Tayta?>>
26Jesúsnami kayno nirqan: <<Tantata ushmarkatsir makyashqä kaqmi kanqa>>.
Tsayno nirmi tantata ushmarkatsir aptaparqan Simónpa tsurin Judas Iscariotita. 27Tsay tantata chaskirkuptinmi Judasman Satanás yaykurqan. Tsaymi Jesús kayno nirqan: <<Yarpaykashqaykita jukla ruray>>.
28Imanir tsayno niykashqantapis manami mayqan discïpulunkunapis tantiyapäkurqantsu. 29Qellay tsararaq kaptinmi wakin yarpapäkurqan Pascua fiestapaq rantipakamuq Jesús kachaykashqanta. Wakinnami yarpapäkurqan waktsakunata yanapananpaq kachaykashqanta. 30Tantata mikurkurnami Judasqa jukla aywakurqan. Tsay höra patsa tsakashqanami karqan.
Mushuq mandamientuta Jesús yachatsishqan
31Judas yarquriptinnami Jesús kayno nirqan: <<Höra chayamushqanami Runapa Tsurin glorificashqa kananpaq#13.31 Glorificashqa kananpaq nishqanqa kaykan Jesucristo wanunanpaq kashqan, wanurkur kawarimunanpaq kashqan, Tayta Diosman kutikunanpaq kashqan y lapanpaqpis munayniyuq kananpaq kashqanmi.. 32Tayta Diosta Runapa Tsurin glorificaptinmi#13.32 Tayta Diosta Runapa Tsurin glorificaptinmi nishqanqa Tayta Dios munashqanno wanuptïmi ninanmi. Runapa Tsurintapis Tayta Dios glorificanqa. Manaraqpis aykätami tsayno glorificanqa.
33<<Kuyay wamräkuna, qamkunapita aywakunäpaqnami kaykä. Israel autoridäkunata nishqänölami qamkunatapis kayno niykä: Ashimarpis noqa aywashqä kaqman manami aywayta kamäpakunkipaqtsu.#Juan 7.34.
34<<Qamkunata kuyashqäno jukniki juknikipis kuyanakärinki. Kay nishqäkunaqa mushuq mandamientumi kaykan.#Juan 15.12, 17; 1Juan 3.23; 2Juan 5. 35Tsayno kuyanakäriptikimi pïmaypis musyapäkunqa discïpulükuna kashqaykita>>.
Pedro ñëgananpaq kashqanta Jesús nishqan
Mateo 26.31-35; Marcos 14.27-31; Lucas 22.31-34
36Tsayno niptinmi Simón Pedro tapurqan kayno nir: <<Tayta, ¿maypataq aywakunki?>>
Tsaymi Jesús kayno nirqan: <<Noqa aywashqä kaqman manami aywankiraqtsu. Nirkurraqmi aywapäkunkipaq>>.
37Tsaynami Pedro kayno nirqan: <<Tayta, ¿imanirtaq qamwan jukla aywämantsu? Qam raykuchari wanushaqpis>>.
38Tsaymi Jesús kayno nirqan: <<¿Rasunpaku noqa rayku wanunaykipaq listu kaykanki? Rasunpami kayno nï: Gällu manaraq cantaptinmi kimsa kuti mana reqimashqaykita ninkipaq>>.
Currently Selected:
Juan 13: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.