Psalms 1
1
LIBRO I [1-41]
Imatapash cashcatapacha rurajmandapash, juchata rurajcunamandapashmi villajun
1Nali runacuna yuyaita cushcata
na catijca, ninandami cushijun.
Paica, juchata rurajcunapaj causaitapash na catinllu.
Na cazushpa asijcunahuambash na tiarinllu.
2Ashtahuangarin Mandaj Dios mandashcata
pactachishpami cushijun.
Tutapash, punllapash chai mandashcataca
aliguta yariajunllami.
3Paica, ninanda rijuj yacu manñacunapi
tarpushca quirushnami canga.
Fucuna punlla chayajpi fucujunshnami canga,
Fangacunallapash, chaimandaca na urmanllu.
Tucui imata rurajpipash, ali llujshingallami.
4Nalicunaca, na chashnallatachu.
Paicunaca, huaira shamushpa jahuata
apai tucuna jupashnami.
5Shina cashcamanda nalicunaca, Taita Dios
llaquichijujpi jataritaca, na ushangachu.
Imatapash cashcatapacha rurajcunapaj tandanajuipica,
juchayu gentecunapash na tandanajui ushangachu.
6Imatapash cashcatapacha rurajcunapaj causaitaca,
Mandaj Dios rijsijpimi, chashna canga.
Ashtahuangarin nalicunapaj causaica chingangallami.
Currently Selected:
Psalms 1: QUII
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.