Matiyə 1
1
Jesu Kris mwágɨraw sumdəgɨ
(Luk 3.23-38)
1Dwaynandɨ Jesu Kris mwágɨraw sumdəgɨ: Jesu i Dabid mwàw me Abɨraham mwàw me.
2Abɨraham i Isak abəw.
Isak i Jakob abəw.
Jakob i nə Juda day gɨ nə chamraw abɨragɨ.
3Juda i nə Peres day gɨ Jara abɨragɨ, me idəgɨ da, i Tamar.
Peres i Esɨrom abəw.
Esɨrom i Aram abəw.
4Aram i Aminadab abəw.
Aminadab i Nason abəw.
Nason i Salmon abəw.
5Salmon i Boos abəw. Boos iw da, i Rahab.
Boos i Obed abəw. Obed iw da, i Rut.
Obed i Jese abəw.
6Jese i dole gɨ Dabid abəw.
Dabid i Salmõ abəw. Salmõ iw da, i aba mara gɨ Uri dyaməw.
7Salmõ i Robowam abəw.
Robowam i Abiya abəw.
Abiya i Asa abəw.
8Asa i Yosapat abəw.
Yosapat i Yoram abəw.
Yoram i Ojiyas abəw.
9Ojiyas i Yotam abəw.
Yotam i Akas abəw.
Akas i Esekiyas abəw.
10Esekiyas i Manase abəw.
Manase i Amon abəw.
Amon i Josiyas abəw.
11Josiyas i Yekoniya day gɨ nə chamraw abɨragɨ. Mana gɨ ta lə da, gɨ lay nare nə Israyel cɨmgɨ daa, hára nɨm mana gɨ sɨn̰a dɨ Babilonnə.
12Cɨmə day gɨ cendi cɨm ha mana gɨ Babilon di tarɨwə mwom da, Yekoniya gɨra ha yàa Salatiyel.
Salatiyel i Jorobabel abəw.
13Jorobabel i Abiyud abəw.
Abiyud i Eliyakim abəw.
Eliyakim i Ajor abəw.
14Ajor i Sadok abəw.
Sadok i Akim abəw.
Akim i Eliyud abəw.
15Eliyud i Eliyajar abəw.
Eliyajar i Matan abəw.
Matan i Jakob abəw.
16Jakob i Josep abəw. Josep i Mari tɨrədɨ. Me Mari i Jesu gɨ gɨ ꞌwogɨw Kris di iw. Kris gɨndɨw dɨ biyə da, i Dole gɨ Mãr̰ĩ biyəw di.
17Ta di mwom da, nare dayar daa pad da, i mage mwaj dii wodɨ so Abɨrahammə bɨraa hára Dabid lə. So mana gɨ Dabid lə bɨraa hára laya day gɨ gɨ layagɨ hára gandagɨ mana gɨ Babilon da, i mage mwaj dii wodɨ ɗang. So mana gɨ Babilon bɨraa hára Dole gɨ Mãr̰ĩ biyəw gɨ Kris di lə da, i mage mwaj dii wodɨ ɗang bi.
Yàa gɨnə Jesu Kris duwa
(Luk 2.1-7)
18Dwaynandɨ Jesu Kris da, gɨ yə̀w i man mo? Mari dɨ i iw di, i Josep me àl mogɨni dɨra an̰ju, me pii gɨ cendi wor laya ciri sɨn̰ da, Mari i gɨ gudi. Tandi u gudi di i gɨ dwana dɨnə dúndi dɨnə Mãr̰ĩ duwa dɨra. 19Aba àla mogɨni dɨra gɨ Josep da, i gun gɨ tɨba Mãr̰ĩ dɨrəwə me ùr ba a àsɨdɨ Mari jawe dɨdə nare dɨrəgɨ lə bədə. Mwom da, an̰ji ùr ba biy sɨw bam gɨ budə sɨway gɨn̰dɨ bam.
20Mana gɨ ba ilə ɨrmə lə yande jang sɨn̰ da, paja gɨ daa gɨnə Aba ciri gɨ Mãr̰ĩ duwa dɨmə gɨra àsɨw chine mana gɨ nuniyə me wayɨw da: «Josep gɨnə dole gɨ Dabid mwàw, kal lán̰a dara ꞌwoo gɨ dyam dɨ Mari di ɗi. Dara dwe gɨ ilə nudədɨ lə ta di hára i gɨ dwana dɨnə dúndi dɨnə Mãr̰ĩ duwa dɨra. 21Gorndɨdɨ gɨ tandi ha yàw di, mə ha ꞌwagaw sumɨw “Jesu”, gɨndɨw dɨ biyə da, i Aba kɨdə nare daa. Dara i an̰ji me ha kɨdə nare duwa daa mana gɨ àcn̰a dayyə.»
22Ta di me i mani nə tanga Aba ciri gɨ Mãr̰ĩ wayɨw aba cɨmə bɨw gwale day di me yala àlal kɨrab. 23An̰ji waya ba da:
«Yarna, dwe dɨ more dɨ ꞌwocn̰ abe dii mɨn bədə sɨn̰
ha ꞌwoo gudi me ha yàa dwe gɨ abe.
Gɨ ha ꞌwagaw sumɨw Emanuwel» # 1.23
Esayi 7.14
,
gɨndɨw dɨ biyə da, i «Mãr̰ĩ ilə ganandɨ».
24Me mana gɨ Josep ba a a daa nuniyə mwom da, an̰ji àl mani nə paja gɨ daa gɨnə Aba ciri gɨ Mãr̰ĩ duwa wayɨw gandagɨ di. An̰ji wàla dyaməw di hára nɨm ulay duwa lə, 25me an̰ji ɓamar gandɨdɨ deme gɨ abe bədə, bɨraa tandi yə̀ nɨm gɨ dwe gɨ abe di dodə bá. Ɨr̰ɨ Josep ꞌwogɨw dwe di sumɨw Jesu.
Currently Selected:
Matiyə 1: sor
Highlight
Share
Copy
Want to have your highlights saved across all your devices? Sign up or sign in
© 2024 Wycliffe Bible Translators, Inc. All rights reserved.