YouVersion Logo
Search Icon

APOCALIPSIS 1

1
Napaykuy
1Kayqa imatachus Diosqa Jesucristoman sut'inchachkarqan chaymi, ajinamanta payqa imakunachus jamuq p'unchaykunapi usqhayllata ruwakuchkanqa chaykunamanta jaywaqninkunaman rikuchinampaq. Jesucristoqa jaywaqnin Juanman riqsichinapaqmi angelninta kachamurqan. 2Juanqa tukuy imakunatachus rikuchkarqan chaykunataqa chiqantapunim rimarqan, jinaspataq imatachus Jesucristoqa Diospaq willayninta rimarquchkarqan chaymantapas payqa rikuqjinallataqmi kakuchkan.
3Kusikuyniyuqmi pichus kay jamuq p'unchaykunamanta willay kachkan chayta ñawirichkan jinataq pikunachus chay ñawirisqata uyarichkanku chaykunaqa, imaraykuchus pachaqa qayllapiñam kapun.
4Asia suyuniqpi kachkan chay qanchis iglesiamanmi nuqa Juanqa napaykumuni. Pichus kachkan, karqampuni jinataq kakuchkallanqa chay Diosniqmanta jinataq ima qanchis ajayukunachus tiyakunan chhikapi kachkanku chaykunamanta ima khuyapayakuyninta jinataq sumaq kayninta jap'iqaychis. 5Jinallataq pichus Diospaq chiqan irkataqnin kachkan chay Jesucristomantapas jap'iqallaychistaq, pichus ñawpaqkaq wañusqamanta kawsarimuqmi jinataq tukuy kaypachapi kaq kurajkaq suyu apaykachaqkunapaq kurajkaq apaykachaqninmi. Cristoqa munakuwanchismi, jinaspataq yawarninta jich'aspam juchanchiskunamanta qhispichiwanchis, 6jinaspataq nuqanchismantaqa uj qhapaq suyutam tiyt'achin. Dios Tatampaq jaywaqnin sacerdotekunamanmi tukuchipuwanchis. ¡Athunchasqa kay jinataq atiypas wiñaypaq wiñaynintimpaq paypaq kachun! Ajina kachun.
7¡Qhawariychis!
¡Cristom phuyu chawpipi jamuchkan!
Tukuyninkum payta rikunqaku,
pikunachus payman wañuchirqanku chaykunantinmi rikunqaku;
jinataq tukuy kaypachapi kaq llaqtakunam payrayku waqanqaku.
Ajinam ruwakunqa ¡Ajina kachun!
8Pichus kachkan, karqampuni jinataq kakuchkallanqa chay tukuy atiyniyuq Dios Tatam ajinata nin: “Nuqam qallariy jinataq tukuchaypas kani,” –nispa.
Cristoman qhapaq kaynimpi rukuy
9Nuqa Juanqa qankunapaq wawqiykichismi kani, Jesusman ujchakusqayraykutaq qankunawan kuskam Diospaq qhapaq suyumpi, ñak'ariykunapi jinataq chay ñak'ariykunata atipanapaq kallpacharikuykunapipas wajasqa kasaq. Diospaq mayqin willayninkunatachus Jesusqa sut'inchachkarqan chay willaykuna willasqayraykum qucha chawpipi kaq Patmos#1.9 Patmos: Kayqa, qucha chawpipi kaq jallp'am karqan, chaytataq romano runakunaqa jap'isqakunata chaypi kachinapaqmi uj wisq'ana wasiman rijch'akuqta apaykachaq karqanku, chaywampas qucha chawpipi kasqanraykuqa jap'isqa runakunaqa manam phawariyta atirqankuchu. nisqa jallp'aniqpi taripakurqani. 10Chaypi kachkaspataq, Tatapaq p'unchaynin#1.10 Tatapaq p'unchaynin: Kayqa, ima p'unchaytachus Domingo nispa riqsichkanchis chay p'unchaymi karqan. Chay p'unchaytaqa Jesuspaq kawsarimusqan p'unchayta yuwarikuspam Tatapaq p'unchaynin nispa niq karqanku kachkarqan chhikam Ch'uwa Ajayupaq atiyninwan apaykachasqa taripakurqani, jinaspataq nuqapaq qhipayniqmantaqa uj athun kunkawan wajach'akumuqtam uyarirqani, chay kunkataq uj pututupas phukukumuchkanman ajinam karqan, 11chaytaq ajinatam nirqawan: “Imatachus rikuchkanki chayta uj p'anqapi qilqaykuy, jinaspataq Éfeso, Esmirna, Pérgamo, Tiatira, Sardes, Filadelfia jinataq Laodisea chay Asia suyupi kaq qanchis iglesiakunaman apachiy.” –nispa.
12Pitaq rimapayamusqawanta rikunapaq qhipaniqman kutirirqani chhikataq; qurimanta ruwasqa candelabro nisqa micha k'anchachiykunatam rikurqani, 13Chay qanchis micha k'anchachiykuna chawpipitaq, uj runapaq Churimpas kachkanman ajinatam rikurqani. Paytaq chaki pampaman chayachkaq p'achayuqmi karqan, wijsa patanniqpitaq uj quri chumpiwan chumpiykurisqam karqallantaq. 14Chujchankunataq yuraq willmajina, manachayqa yuraq rit'ipas kanman ajinam karqan, ñawinkunataq nina lawrarachkaqman rijch'akuqmi karqan. 15Chakinkunaqa athun junch'api ninawan pukayachispa jijichkaq jiruman rijch'akuq sumaq lliphipichkaqmi karqan, kunkantaq uj phawchintapaq unu phawaqasqanjinam karqan. 16Pañaniq makimpiqa qanchis quyllurkunayuqmi karqan, siminmantataq purajniqman ariyuq athun ari kuchillum lluqsimurqan. Uyantaq imaynatachus kuska p'unchaypi inti k'ancharimuchkan ajinam karqan.
17Payman rikuspataq chakim pampaman wañusqajinam wijch'uwachakurqani. Chaywampas payqa pañaniq makinwan nuqaman churqataspam ajinata nirqawan: “Ama manchaychu, nuqam qallariy, tukuchay, 18jinataq pichus kawsachkan chaypas kani. Wañusqam kapurqani, chaywampas kunanqa wiñaypaqmi kawsapuni. Nuqam wañuyjawapi atiyniyuq kani. 19Imatachus rikuchkanki chayta qilqaykuy: imachus kunan kachkan jinataq imachus kachkanqa chayta qilqaykuy. 20Kaymi pañaniq makiypi rikuchkarqanki chay qanchis quyllurkunapaq jinataq qanchis micha k'anchachiykunapaq imatachus niyta munachkan chaypaq pakasqa willayninkunaqa. Chay qanchis quyllurkunaqa, qanchis iglesiakunapaq angelninkunam kanku, qanchis micha k'anchachiykunataq qanchis iglesiakunam kallankutaq.

Currently Selected:

APOCALIPSIS 1: QNBNT

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy