YouVersion Logo
Search Icon

SALMOS 1

1
SALMO 1
LIBRO I
(Salmos 1–41)
Cashcata rurajmantapish millaita rurajmantapish
1Millaicuna cunashca ñanpi mana purij, juchayujcunapaj ñanpi mana purij, Diosta chanzata rurajcunapaj tiyarinapi mana tiyarijca cushichishcami.
2Paica tutapish punllapish Mandaj Dios mandashca ima nisha nishcata umanarina yuyaillami, chai mandashcata pajtachina yuyaillami.
3Chai runaca yacu uripi tarpushca yura shinami canga.
P'ucuna punllacunapitaj p'ucuj shinami canga.
Chai yuramantaca p'angacunapish mana urmanchu.
Tucui imata pai rurashcapish allimi llujshinga.
4Ashtahuanpish millaicunaca mana chashnachu, paicunaca huaira apana t'amo shinallami.
5Chaimanta millaicunaca paicuna imalla rurashcata Dios ricuchi punllaca manataj quishpiringacunachu.
Juchayujcunaca cashcata rurajcunapaj tandanacuipica, imata mana charingacunachu.
6Cashcata rurajcunapaj causaitaca Mandaj Diosca rijsinmi.
Ashtahuanpish millaicunapaj causaica chingaringallami.

Currently Selected:

SALMOS 1: QCHI04

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy