YouVersion Logo
Search Icon

LEVÍTICO 1

1
Diosman cushpa tucui rupachinamanta
1Mandac Dios paihuan tupana huasi ucumanta Moisesta rimashpaca: 2«Israelcunataca: “Cancunapuramanta maijanpish Mandac Diosman animalta cushpaca huagrata, mana cashpaca ovejatami cuna can. 3Tucui rupachina beci cacpica, imapish mana tucushca cari becitami Mandac Dios-huan tupana huasi yaicunapi rupachina can. Chaipimi Mandac Diosca chashquinga. 4Chai animalpac umapi maquita churashpami huañuchina can. Chashna ruhuacpimi, Mandac Diosca juchacunata pichanga. 5Chai becitaca Mandac Diospac ñaupapimi huañuchina can. Chai beci yahuartaca Aaronpac churi curacunami Dios-huan tupana huasi yaicunapi cac altar jahua muyundipi chirapanga. 6Chai quipaca tucuita rupachina animaltaca huañuchishpami aichataca pitinacuna can. 7Shina ruhuacpica, Aaronpac churi curacunami altarpi ninata japichishpa, yantata churanga. 8Chaimantaca paicunallatacmi chai pitinacushca aichatapish, umatapish, chunzhulli huiratapish altar nina rupacuc jahuapi churanga. 9Chai chunzhullitapish, changa aichatapish yacuhuan jahuashpami, Diosman cushpa tucui rupachina can. Chashna rupachicpimi, Mandac Diosmanca mishquilla ashnanga.
10Tucuita rupachingapac ovejata, mana cashpaca chivota apamushpaca, ima mana tucushca cari animaltami apamuna can. 11Chai animaltaca altar jahua ladopimi Mandac Diospac ñaupapi huañuchina can. Chai yahuartaca Aaronpac churi curacunami altar muyundipi chirapanga. 12Chai animal aichataca chai curallatacmi pitinacushpa umatapish, chunzhullitapish, huiratapish, nina rupacuc altar jahuapi churanga. 13Curallatacmi chunzhullitapish, changa aichatapish yacuhuan jahuanga. Chashnami tucuita tandachishpa, altar jahuapi churashpa rupachinga. Chashna tucui rupachicpimi, Mandac Diosmanca mishquilla ashnanga.
14Volac animalcunamanta Mandac Diosman cushpa, tucui rupachingapac apamushpaca urpita, mana cashpaca llullu palomatami apamuna can. 15Chaitaca curami umata anchuchishpa, altar rupachinga. Yahuartaca altar quingraipimi shutuchinga. 16Buchitapish, plumatapish altarmanta inti llucshina ladopi, uchupa shitanapimi shitana can. 17Curami alascunata ishcaipi pitinga. Shina pitishpapish mana tucui pitishpami altar jahuapi churashpa rupachinga. Chaimi Mandac Diosmanca mishquilla ashnanga.

Currently Selected:

LEVÍTICO 1: QCA10

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy