JOB 7
7
1Cai pachapi causaccunaca
shaicushpami imatapish
ruhuashpa causan.
Paicunapac punzhacunaca,
trabajac runapac punzha
tucuric shinami tucurin.
2Servic runaca samarisha
nishpami shungu llaquirin.
Trabajac runaca samaringapacmi
cullquita shuyan.
3Cashnami maijan quillacunata
jatun llaquita apacuni.
Ñucaca tutantami
llaquicunata apacuni.
4Camapi siricushpaca:
“¿Ima horashi jatarisha?”
nicunimi.
Ashtahuanpish mana utca
achicyanchu.
Pacaringacamanmi achca
yuyaicunahuan siricuni.
5Ñuca cuerpoca curucunahuan,
asha allpahuan tapashca shinami.
Ñuca aicha carapish
millanayaitami ashnacun.
6Ñuca causaica ahuac runapac
lanzaderatapish yallimi
callpashpa tucuricun.
Chashnami ima shuyanata
mana charishpa chingarigricuni.
7Ñuca Dioslla, ñuca causaica
huaira shinami chaitaca yuyariyari.
Ñuca ñahuica alli causaitaca
mana ashtahuan ricungachu.
8Ñucata ricuccunapish
mana ashtahuan ricungachu.
Cambac ñahuihuan ñucata ricucpica,
ñucaca ñami tucurisha.
9Puyu ashancaman chingaric shinami
maijanpish Seolman rishpaca,
cutinca mana llucshinga.
10Paipac huasimanca
mana cutingachu.
Pai maipi causashcatapish
cutinca mana ricungachu.
11Chaimantami ñuca shimihuan
rimarinataca mana saquisha.
Ñuca yuyaipi llaquihuan
huañucushpami rimaricushalla.
Tucui almahuan llaquirishpami
aij nicushalla.
12Ñucata cuidachun churachunca,
¿Ñucaca mama cuchachu cani?
¿Mana cashpaca mama cuchapi tiyac
manchana animalchu cani?
13Ñucaca: “Camapi siririshpami
cushicusha camapi samarishpami
llaquicunata cungarisha” yuyanimi.
14Shina cacpipish,
muscuicunapimi manchachingui.
¡Muscuipi shina ricurishpami
yallita manchachingui!
15Ñuca shungupica sipirishpami,
alli caiman yuyanimi.
Ñuca causanapac randica
huañushpami alli caiman.
16Ñuca causaica mana valinchu.
Mana unaita causasha ninichu.
Ñucata ña huañuchun saquilla.
Ñuca causana punzhacunaca yangami.
17¿Runataca ima cacpitac
jatunyachinguiyari?
¿Imamantatac paipi
shunguta churanguiyari?
18¿Imamantatac tucui tutamanta
ricuc shamunguiyari?
¿Runataca ima cacpitac yuyaringuiyari?
19¿Ima punzhacamantac
ñucata ricunata saquinguiyari?
Ñuca tucata pasachichunllapish,
¿ima nishpatac mana cacharinguiyari?
20Runacunata ricucuc Dioslla,
juchacunata ruhuashpapish cantaca,
¿imatatac ruhuashcaniyari?
¿Ima nishpatac cambac
flechahuan shitana
señalta shina ñucallata ricuchingui?
Ñucallatacmi shuc llashac
carga shina tucushcani.
21¿Ima nishpatac
ñuca mana cazushcata anchuchishpa,
ñuca juchacunata perdonangui?
Utcami uchupapimi sueñugrini.
Ñucata can utca mashcacpipish
ña mana ricurishachu» nirca.
Currently Selected:
JOB 7: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.