YouVersion Logo
Search Icon

3 JOHN 1

1
1Ni-tatchui ni-wehnag, Gaius:
Am ant wo haꞌichu i m-oꞌohanid k d hema ha wanimeddam wehsijj hegam mo ab si ihm g Jesus Christ.
2-3Ia at haꞌi dada hegam mash am em-wui ahgachug g Jiosh haꞌichu ahga k ia t-ahgid mapsh si s-ap himchud g e-doakag am oidch g Jiosh haꞌichu ahga map has i masma chum hekid hab e junihim. Si ani s-hohhoꞌid ch kah mapsh am wabsh kia si s-ap e tahtk am Jiosh wui. Kuni ab tahni g Jiosh mat wehs haꞌichu wo s-apꞌek am m-wehhejed. Kupt wabsh wo si s-doak. 4Do si s-ap tahhadkam am ni-wehhejed mat hegam mani ha ahgid g Jiosh haꞌichu ahga wo si s-ap uꞌukchid.
5Kupsh am s-ap ha dagioꞌid hegam mash am daiw am ahgachugch g Jiosh haꞌichu ahga, chum as pi d m-machiga. 6Idam mat ia dada o t-ahgid mapsh si pihk e elid ha hekaj. Kuni ab si i m-gewkemhun mapt baꞌich wo i ha wehmajk mat gam hu hasko ep wo i ahgachugad g Jiosh haꞌichu ahga. 7Idam o t-ahgid mash pi ha hiwgid hegam mo pi ab hu wohochud g Jesus mas haꞌichu ab wo i ha mah. 8Ahchim o ab d t-wuikam mach ab s-wohochud g Jiosh alidag matt wo i ha wehmtad hegam mo ahgachug g Jiosh haꞌichu ahga.
9-10Id ani chum em-tashogid heki hu ni-oꞌohana ed ahpim mam am e wehm e mihshmad. Kush wabshaba g Diotrephes pi chegima g ni-oꞌohana ch am em-iattogid ch pad neok ab t-amjed ahchim mach ahgachug g Jiosh haꞌichu ahga. Tatchua ash g Diotrephes mat d wo em-wanimeddamk. Am ant wo em-tashogi am jiwiak mo pi apꞌe hegai mo haschu am hab junihim. Pi ash ab hu i ha wahpkid ch pi ha dagioꞌid hegam mo am daiw am ahgachugch g Jiosh haꞌichu ahga ch ash pi em-hiwgid mams ahpim hab wo chum juh ch wo chum em-wuwhas ab em-namki amjed.
11Matp hedai hab masma hab wo junihid g pi apꞌekam ch pi mahch g Jiosh. Pi g am hu s-ha wepom k wabshaba hegam s-ha wepom mat hab wo junihid g s-apꞌekam. Idam o d Jiosh aꞌaliga. 12Hema hegam mo hab junihim g s-apꞌekam o d Demetrius. Wehsijj am hab wa kaij. Kuni s-mahch mo d wohokam. Kum ahpim s-mahch mani chum hekid g wohokam ahg.
Mash g John s-neidamk g Gaius ch wehmaj s-neokimk
13Muꞌi ani haꞌichu s-m-ahgidamk ch wabshaba pi id hekaj am i m-oꞌohani 14nani pi am s-himimk mant wo m-neid k wo m-wehm neo ab amjed.
15Si g s-ap e tahtk am Jiosh wui mat m-doꞌibia.
Ia o haꞌi kih g t-wepnag ch ash si pihk e elid m-hekaj. Am g wehs ha ahgid g t-wepnag mach si pihk t-elid ha hekaj.

Currently Selected:

3 JOHN 1: ood

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy