HOSEA 1
1
1Juda-ho lal Uzia te, Jothama te, Ahaza te, Hezekia te lal lai leh Israel-ho lal Jeroboama, Joasa fapa lal laia Beeria fapa Hosea hnêna Lalpa thu lo thleng chu.#2 Lal 14.23—15.7; 15.32—16.20; 18.1—20.21; 2 Chr 26.1—27.8; 28.1—32.33
Hosea nupui fanaute
2 Lalpan Hosea hminga Israel-te hnêna thu a sawi ṭan lai khân hetiangin Hosea hnênah a sawi: “Kal la, nupuiah nawhchizuar nei la, nawhchizuar lakah fa hring rawh; hetiang hian ka mite chuan mi kalsan a, mi uirêsan ta a ni,” tiin. 3Tichuan, a kal a, Diblaima fanu Gomeri chu a nei ta a; tin, nau a pai a, fapa a hrinsak ta a. 4Tin, Lalpa chuan a hnênah, “A hmingah Jezreela sa rawh; rei rial lovin Jezreel thisen phuba chu Jehua chhûngte chungah ka la ang a, Israela chhûngte ram chu ka tikin ang.#2 Lal 10.11 5Tin, chumi nîah chuan heti hi a ni ang a, Jezreel ruamah Israel-ho thal ngul chu ka titliak ang,” a ti a.
6Tin, nau a pai leh a, fanu a hring a. Tin, Lalpa chuan a hnênah, “A hmingah Lo-ruhamai sa rawh; Israela chhûngte chu ka lainat ngai dâwn tawh lo, ka ngaidam ṭhuai dâwn tawh si lo va. 7Juda chhûngte erawh chu ka lainat ang a, thal ngul emaw, khandaih emaw, indona emaw, sakawr emaw, sakawr chung chuang mi emawa anmahni chhandam lovin, Lalpa an Pathian chuan ka chhandam ang,” a ti a.
8Tin, Lo-ruhamai chu hnute hnêk a bântîr a; tin, nau a pai leh a, fapa a hring a. 9Tin, Lalpa chuan heti hian a ti a: “A hmingah Lo-ammia sa rawh: nangni hi ka mite in ni si lo va; tin, kei hi in Pathian ka ni dâwn lo.”
Israel tundin leh tûr thu
10Amaherawhchu, Israel fate chu tuifinriat ṭiau vaivut, teh rual loh leh chhiar rual loh zât an ni ang a; tin, heti hi a ni ang a, an hnêna, “Ka mite in ni lo,” tihna hmunah chuan, “Pathian nung fate in ni e,” tih a ni ang.#Rom 9.26 11Tin, Juda fate leh Israel fate chu an pung khâwm ang a, an lû tûr an ruat ang a, chu ram aṭang chuan an kal chho vang; Jezreel ni chu a ropui dâwn si a.
Currently Selected:
HOSEA 1: MIZOVBSI
Highlight
Share
Copy
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.