Tan-yî-lî Sû 12

Ma̍t-ngit

1Ke chok se mà-sâ ke sâm ke thiên-sṳ́ kóng:#12:1 “Ke chok ... kóng:” Hî-pak-lòi-vùn mò liá-ki fa. “Ke-sṳ̀, pó-fu ngì thùng-pâu ke thiên-sṳ́-chóng Mí-kâ-le̍t voi chhut-hien. Yèn-heu voi yû yit-chham châi-nan khì-kiên, he li̍p-koet yî-lòi chui-thai ke châi-nan. Chhai ke sṳ̀-khì, ngì thùng-pâu chûng yû miàng tên-ki chhai sâng-miang-chhak ke, chhiòn-phu voi tet-tó chṳ́n-kiu. 2Yí-kîn sí-thet ke ngìn yû chhin-tô voi fu̍k-fa̍t. Yû-têu oi hióng-su yún-yén ke sâng-miang; yû-têu oi su yún-yén ke siû-yu̍k. 3Ke-têu chhûng-mìn ke liâng-chhiu voi chhiong thiên-táng ke kông-thí khiung-yong fat-kông. Ke-têu kau-thô chhin-tô ngìn hàng kûng-ngi ke, voi chhiong sên-é khiung-yong yún-yén fat-kông.

4“Tan-yî-lî â, ngì liá-ha oi chiông liá-kién sû ha̍p hí-lòi, fûng hí-lòi, yit-chhṳ̍t to sṳ-kie ke ma̍t-ngit. Voi yû chhin-tô ngìn chéu-lòi chéu-hi, sióng-oi chen-kâ chṳ-sṳt.”

5Chiap-tén, ngài — Tan-yî-lî khon-tó lióng-ke ngìn, yit-ke khî chhai hò-pa liá-phién, nang-ngoi yit-ke chhai hò-pa ke-phién. 6Khì-chûng yit-ke mun hò-pa kha song-thèu, chok se mà-sâ ke sâm ke thiên-sṳ́ kóng: “Liá-têu khì-meu ke sṳ oi tén kí-kiú chang voi kiet-suk?”

7Chhai hò-pa kha song-thèu, chok se mà-sâ ke sâm ke thiên-sṳ́ khià-hí sûng-sú, chṳ́-hiong thiên-táng, fung yún-sên Song-ti ke miàng fat-sṳ. Ngài thâng-tó kì kóng: “Oi kîn-ko yit sṳ̀-khì, lióng sṳ̀-khì, pan sṳ̀-khì#12:7 “yit sṳ̀-khì ... pan sṳ̀-khì” ya-he yi̍t-cho “sâm-ngièn-pan”.. Song-ti sṳn-mìn só su ke pet-hoi kiet-suk ke sṳ̀, liá-têu sṳ chhiòn-phu chhiu sṳ̍t-hien lé#12:7 “Song-ti ... sṳ̍t-hien lé” ya-he yi̍t-cho “Song-ti sṳn-mìn ke sṳ-li̍t pûn-ngìn tá-sui ke sṳ̀, liá-têu sṳ chhiòn-phu voi kiet-suk”..”

8Ngài thâng-tó kì kóng ke fa, chúng-he m̀ mìn-pha̍k he má-ke yi-sṳ. Só-yî ngài mun: “Ngài ke chú â, liá-têu sṳ ke kiet-khiu̍k he ngióng-pân nè?”

9Kì kóng: “Tan-yî-lî â, ngì hó chéu lé, yîn-vi liá-têu fa oi khong-tén fûng hí-lòi chhṳ̍t-to ma̍t-ngit. 10Chhin-tô ngìn voi su thon-lien, pien-cho chhîn-pha̍k sùn-kiet. Fái-ngìn voi ki-siu̍k cho fái-sṳ; kì-têu m̀-voi mìn-pha̍k, chṳ́-yû chhûng-mìn ke ngìn chang voi mìn-pha̍k.

11“Chhṳ-chhiùng tak-ngit ke hien-chi su fi-thet ke-ngit, ya chhiu-he tui ôn-piong ke ‘Fí-me̍t-sin, sià-ok ke tûng-sî’ khôi-sṳ́, oi kîn-ko yit-chhiên lióng-pak kiú-sṳ̍p ngit. 12Ke-têu chûng-sîm tén-to yit-chhiên sâm-pak sâm-sṳ̍p ńg ngit ke ngìn, he ngióng-pân yû fuk-hi â!

13“Tan-yî-lî â, ngì hó hi lé, oi chûng-sîm to-tái. Yî-heu ngì voi ôn-sit; chúng-he chhai ma̍t-ngit ngì voi fu̍k-fa̍t, hióng-su ngì ke chióng-sóng.”

Currently Selected:

Tan-yî-lî Sû 12: THV12Rdb

Highlight

Copy

Want to have your highlights saved across all your devices? Sign up or sign in

Learn more about HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)