MATIU 1
1
1OWÉ whẹndo Jesu Klisti tọn, ovì Davidi tọn, ovi Ablaham tọn. 2Ablaham ji Isaki; Isaki ji Jakobu; Jakobu ji Juda po mẹmẹsunnu etọn lẹ po; 3Juda ji Falesi po Zala po sọn Tamali de; Falẹsi ji Eslomi; Eslomi ji Alami; 4Alami ji Aminadabi; Aminadabi ji Nasoni; Nasoni ji Salmoni; 5Salmoni ji Boẹsi sọn Lahabi de; Boẹsi ji Obedì sọn Luti de; Obedi ji Jẹsi; 6Jẹse ji Davidi ahọlu; Davidi ji Sọlọmoni sọn mẹhe basi asi Ulia tọn de; 7Sọlọmoni ji Lọbọami; Lọbọami ji Abia; Abia ji Asa; 8Asa ji Josatati; Josafati ji Jolami; Jolami ji Họsia; 9Họsia ji Joatami; Joatami ji Akazi; Akẹzi ji Ẹzẹkia; 10Ẹzẹkia ji Manasi; Manasi ji Amosi, Amosi ji Josia; 11Josia ji Jẹkọnia po mẹmẹsunnu etọn lẹ po to ojlẹ he mẹ yè bé yé yì Babiloni.
12To ehegodo yè bé yé yì Babiloni, Jẹkọnia ji Salatieli; Salatieli ji Zọlọbabeli. 13Zelubabẹli ji Abiudi; Abíudi ji Ẹliakimi; Ẹliakimi ji Azoli; 14Azoli ji Sadoki; Sadoki ji Akimi; Akimi ji Eliudi; 15Ẹliudi ji Ẹleazali; Ẹleazali ji Matani; Matani ji Jakobu; 16Jakobu ji Josefu, asú Malia tọn, sọn mẹhe de yè ji Jesu, he yè ylọ Klisti.
17Mọwẹ whẹndo lẹpo sọn Ablaham kaka jẹ Davidi de yín whendo wiẹnẹ, sọn Davidi de kaka jẹ bibé yì Babiloni whenu yín whẹndo wiẹnẹ; sọn bibé yì Babiloni kaka jẹ Klisti whenu yín whẹndo wiẹnẹ.
18Le wẹ jiji Jesu Klisti tọn yín: Whenuena yè mọ onọ etọn Malia na Josefu, whẹpo ye nado pli, yè mọ ẹn é mọhò gbọn Gbigbọ Wiwe mẹ. 19Whenẹnu wẹ Josefu asú etọn he basi gbẹtọ dódónọ ma jlo na do e hia do gbangba gba, é jlo na gbé ẹ dai abọẹ. 20Ṣigba le é to onu helẹ lẹnpọ́n, angẹli Oklunọ tọn sọawuhia ẹ to odlọ mẹ, bo dọmọ, Josefu hiẹ ovi Davidi tọn, a dibú nado plan Malia asi towe blo, na enẹ he to oho etọn mẹ, Gbigbọ Wiwé si wẹ é sọn. 21E nasọ ji ovisunnu de, JESU wẹ hiẹ na ylọ oyín etọn, na ewọ wẹ na whlẹn omẹ etọn lẹ gán sọn ylando yetọn lẹ mẹ.
22Onú helẹ pó sọ jọ, na ehe yè ko dọ sọn Oklunọ de gbọn onú yẹwhegán lọ tọn mẹ nido di, dọ,
23Do ayi e go, awhli de na mọhò, é na ji ovisunnu de,
Yè na nọ ylọ oyín etọn dọ Emmanueli,
tadena ehe tọn yín, Jiwheyẹwhe tin to mí de.
24Whenuena Josefu fọ́n sọn amlọn etọn mẹ, é wà dole angẹli Oklunọ tọn degbè nẹ do, é sọ plan asi etọn do ede de: 25é ma yọ̀n ẹn kaka ewọ do ji ovi de: é sọ ylọ oyín etọn dọ JESU.
Currently Selected:
MATIU 1: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.