Ho^se^yaa 1
1
1Utc^si^yaa,#2 Hungh Douh 15:1-7; 2 Zunh Doic Douh 26:1-23 Yotaam,#2 Hungh Douh 15:32-38; 2 Zunh Doic Douh 27:1-8 Aa^hatc#2 Hungh Douh 16:1-20; 2 Zunh Doic Douh 28:1-27 caux He^se^ki^yaa#2 Hungh Douh 18:1—20:21; 2 Zunh Doic Douh 29:1—32:33 zoux Yu^ndaa hungh nyei ziangh hoc, Yo^aatc nyei dorn, Ye^le^mbo^am,#2 Hungh Douh 14:23-29 zoux I^saa^laa^en nyei hungh gunv nyei hnoi-nyieqc, Mbe^e^li nyei dorn, Ho^se^yaa, zipv Ziouv nyei waac.
Ho^se^yaa Nyei Auv Caux Fu'jueiv
2 Ziouv longc Ho^se^yaa douc daauh nzunc waac, Ziouv gorngv mbuox ninh, “Meih oix zuqc mingh lorz dauh maaic buonv-sin nyei sieqv zoux auv, yaac duqv maaic sin mienh nyei fu'jueiv, weic zuqc naaiv norm deic-bung maaih hienx nyei sic hlo haic laaix ninh mbuo guangc Ziouv. ” 3Weic naaiv Ho^se^yaa mingh longc Ndipc^laa^im nyei sieqv, Go^me. Go^me ziouc maaih jienv sin, yungz duqv dauh dorn bun Ho^se^yaa.
4 Ziouv gorngv mbuox Ho^se^yaa, “Oix zuqc tengx ninh cuotv mbuox heuc, Yitv^le^en,#1:4 Yiem Yitv^le^en Zingh Ye^hu daix I^saa^laa^en nyei hungh caux hungh zengc njiec nyei dorn-jueiv fun-faqv ziouc bun naaiv deix hungh buonv zutc nzengc. Ye^hu ziouc zoux siang-hungh nyei daauh dauh. weic zuqc aengx maiv lauh yie oix dingc Ye^hu nyei zeiv-fun nyei zuiz, laaix Ye^hu yiem Yitv^le^en daix mienh, bun nziaamv liouc cuotv. Yie yaac oix bun I^saa^laa^en nyei zeiv-fun nyei guoqv zutc.#2 Hungh Douh 10:11 5Taux wuov hnoi yie oix yiem Yitv^le^en Horngz wuotv nauv I^saa^laa^en nyei juang-zinx.”#1:5 Naaiv se gan Hipv^lu waac. Eix leiz se “Ziouv oix mietc ninh mbuo mborqv jaax nyei qaqv”.
6Go^me aengx maaih jienv sin, yungz duqv dauh sieqv. Ziouv gorngv mbuox Ho^se^yaa, “Oix zuqc tengx ninh cuotv mbuox heuc Lo Lu^haa^maa.#1:6 Lo Lu^haa^maa eix leiz se “maiv korv-lienh”. Weic zuqc yiem naaiv mingh yie maiv korv-lienh I^saa^laa^en nyei zeiv-fun, zungv maiv guangc ninh mbuo nyei zuiz. 7Mv baac yie oix korv-lienh Yu^ndaa nyei zeiv-fun, yaac bun Ziouv, ninh mbuo nyei Tin-Hungh, njoux ninh mbuo. Yie maiv zeiz longc juang-zinx fai nzuqc ndaauv fai mborqv jaax nyei jauv fai maaz fai geh maaz baeng njoux ninh mbuo.”
8Go^me bun Lo Lu^haa^maa guangc liuz nyorx, ninh aengx maaih jienv sin, yungz duqv dauh dorn. 9Ziouv gorngv, “Oix zuqc cuotv ninh nyei mbuox heuc Lo Ammi#1:9 Lo Ammi nyei eix leiz se “maiv zeiz yie nyei baeqc fingx”. weic zuqc meih mbuo maiv zoux yie nyei baeqc fingx. Yie yaac maiv zoux meih mbuo nyei Tin-Hungh.
I^saa^laa^en Aengx Duqv Ceix Jiez Daaih Hnangv Loz Wuov Nor
10“Mv baac I^saa^laa^en nyei mienh soux oix hnangv koiv nyei saa-ziou, hlaau maiv duqv yaac saauv maiv hingh. Yiem Tin-Hungh gorngv mbuox jiex ninh mbuo, ‘Meih mbuo maiv zeiz yie nyei baeqc fingx,’ yiem wuov norm dorngx Tin-Hungh heuc ninh mbuo, ‘Ziangh jienv nyei Tin-Hungh nyei naamh nyouz.’#Lomaa 9:26 11Yu^ndaa nyei zeiv-fun caux I^saa^laa^en nyei zeiv-fun yietc zungv duqv gapv zunv daaih, weic ganh liepc yietc dauh zoux bieiv zeiv. Meih mbuo ziouc yiem naaic norm deic-bung faaux mingh,#1:11 Fai “yiem zuqc caangv mingh nyei deic-bung faaux mingh”. weic zuqc Yitv^le^en nyei hnoi za'gengh hlo haic aqv.
Currently Selected:
Ho^se^yaa 1: IuMiNR
Highlight
Share
Copy
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.