YouVersion Logo
Search Icon

Gorngv Seix Zaangc 1

1
Nyungc-Nyungc Kungx-Morngh
1Naaiv se Ndaawitv Hungh nyei dorn, yiem Ye^lu^saa^lem Zingh nyei hungh wuov dauh Cong-Mengh Fin-Saeng, gorngv nyei waac. 2Cong-Mengh Fin-Saeng gorngv,
“Kungx-morngh,#1:2 Kungx-morngh naaiv joux waac yiem “ Gorngv Seix Zaangc nyei Sou” camv-norm dorngx. Mienh yaac longc ziex nyungc za'eix faan. Maaih deix gorngv maiv lamh longc, maaih deix gorngv hnamv maiv mengh baeqc.
za'gengh! kungx-morngh,
nyungc-nyungc kungx-morngh.”
3Mienh yiem seix zaangc#1:3 Yiem naaiv buonv sou zanc-zanc gorngv yiem mba'hnoi ga'ndiev. Naaiv joux waac nyei eix leiz se yiem seix zaangc fai yiem lungh ndiev. Gorngv zuqc da'faanh maaih maengc ziangh jienv nyei mienh. laauh luic kouv,
buatc duqv haaix nyungc longx?
4Baamh mienh yietc doic jiex liuz, yietc doic taux,
mv baac baamh gen yietc liuz yiem.
5Mba'hnoi cuotv daaih, mba'hnoi aengx ndortv mingh,
yaac siepv-siepv nyei nzuonx taux ninh cuotv nyei dorngx.
6Nziaaux buonc mingh naamh bung,
guinh nzuonx baqv bung,
buonc guinh mingh guinh daaih,
aengx buonc gan loz-jauv nzuonx.
7Diuh diuh ndoqv liouc mingh gapv koiv,
mv baac koiv yaac maiv buangv.
Wuom yiem haaix liouc daaih,
ziouc nzuonx wuov norm loz-dorngx.
8Maanc sic bun mienh kouv,
zungv maiv haih gorngv maiv nzengc.
M'zing mangc yaac mangc maiv beuv,
m'normh muangx yaac muangx maiv gaux.
9Cuotv daaih nyei sic aengx oix cuotv nzunc,
zinh ndaangc zoux jiex nyei sic zungv aengx zoux.
Yiem lungh ndiev maiv maaih haaix nyungc siang.
10Maaih haaix nyungc bun mienh haih gorngv,
“Mangc maah! Naaiv se siang nyei”?
Yiem mbuo maiv gaengh cuotv seix wuov zanc,
nziouv hnoi zungv maaih daaih lauh aqv.
11Ih jaax hnoi nyei mienh
maiv jangx loz-hnoi nyei mienh.
Hoz doic mienh yaac fih hnangv nyei,
maiv jangx ih jaax hnoi nyei mienh.
Cong-Mengh Fin-Saeng Buangh Nyei Sic
12Yie, Cong-Mengh Fin-Saeng, yiem Ye^lu^saa^lem zoux jiex I^saa^laa^en Mienh nyei hungh. 13Yie liepc hnyouv longc cong-mengh zaah mangc yaac hoqc hiuv yiem naaiv lungh ndiev zoux nyei nyungc-nyungc sic. Tin-Hungh bun baamh mienh ging jiex nyei sic za'gengh aqc nyei, kouv nyei. 14Yie buatc yiem lungh ndiev zoux nyei nyungc-nyungc sic se kungx-morngh, kungx bun nziaaux saaux hnangv.
15Ngau njuotv nyei ga'naaiv,
maiv haih bun zaqc.
Haaix nyungc caa, maiv gaux soux mouc,
maiv haih saauv buangv soux mouc.
16Yie yiem hnyouv corngh liuz aqv, “Yie gengh maaih cong-mengh hlang haic, zungv gauh camv gunv jiex Ye^lu^saa^lem nyei dauh dauh mienh. Yie duqv ging jiex cong-mengh caux wuonh zaang nyei sic.”#1 Hungh Douh 4:29-31 17Yie liepc dingc hnyouv oix mengh baeqc cong-mengh nyei jauv caux hngongx nyei, buv longh buv dangv nyei sic. Mv baac yie hoqc hiuv nyei se naaiv deix sic, yaac kungx bun nziaaux saaux hnangv.
18Weic zuqc yietc zei maaih cong-mengh camv, yietc zei nzauh faanh camv.
Jaa maaih wuonh zaang, ziouc jaa maaih you-nzauh.

Currently Selected:

Gorngv Seix Zaangc 1: IuMiNR

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy