Mateo 1
1
Kyb'i t-xe'chel Jesucrist
Lucas 3.23-38
1Atzun tu'jil jlu jatum tz'ib'an kyb'i qe t-xe'chel Jesucrist; ate Jesucrist tiyjil David, atzunte David tiyjil Abraham.
2Ate Abraham tman Isaac, atzunte Isaac tman Jacob, atzunte Jacob tman Judá kyuk'ix qe terman Judá. 3Atzunte Judá kyman Fares tuk'ix Zara, tal Tamar qe jlu. Atzunte Fares tman Esrom, atzunte Esrom tman Aram. 4Atzunte Aram tman Aminadab, atzunte Aminadab tman Naasón, atzunte Naasón tman Salmón. 5Atzunte Salmón tman Booz, tal Rahab jlu. Atzunte Booz tman Obed, tal Rut jlu. Atzunte Obed tman Isaí. 6Atzunte Isaí tman rey David, atzunte rey David tman Salomón, ate Salomón tal t-xu'jilb'en Urías.
7Atzunte Salomón tman Roboam, atzunte Roboam tman Abías, atzunte Abías tman Asa. 8Atzunte Asa tman Josafat, atzunte Josafat tman Joram, atzunte Joram tman Uzías. 9Atzunte Uzías tman Jotam, atzunte Jotam tman Acaz, atzunte Acaz tman Ezequías. 10Atzunte Ezequías tman Manasés, atzunte Manasés tman Amón, atzunte Amón tman Josías. 11Atzunte Josías tman Jeconías kyuk'ix qe titz'in, aqeju e ten tuj tq'ijlalil tej kyxi q'i'n aj Israel pres tuj Babilonia.
12Ate Jeconías tman Salatiel. Otoq che pon q'i'n aj Israel tuj Babilonia tej titz'j Salatiel. Atzunte Salatiel tman Zorobabel. 13Ate Zorobabel tman Abiud, atzunte Abiud tman Eliacim, atzunte Eliacim tman Azor. 14Atzunte Azor tman Zadoc, atzunte Zadoc tman Aquim, atzunte Aquim tman Eliud. 15Atzunte Eliud tman Eleazar, atzunte Eleazar tman Matán, atzunte Matán tman Jacob. 16Atzunte Jacob tman José tchmil Mariy, ex ate Mariy ttxu' Jesús aju Crist tb'i, aju at toklen tu'n Dios.
17Kyja'tzun at kyajlaj k'loj kyiyjil aj Israel tzaj xe't ti'j Abraham ul ti'j David; ex at kyajlaj k'loj kyiyjil aj Israel tzaj xe't ti'j David ul ti'j tq'ijlalil tej kyxi q'i'n aj Israel tuj Babilonia; ex at kyajlaj k'loj kyiyjil aj Israel tzaj xe't ti'j tq'ijlalil tej kyxi q'i'n aj Israel tuj Babilonia ul b'aj tej titz'j Crist, aju at toklen tu'n Dios.
Tej tul itz'j Jesucrist
Lucas 2.1-7
18Tej tul itz'j Jesucrist kyja'tzun tten lu: Ate Mariy ttxu' Jesús otoq b'ant ti'j tu'n tmoje' tuk'il José; ex na'nxtoq kyok moje' o tna' Mariy qa otoq tz'ok ten tal tu'n tipumal Xewb'aj Xjan. 19Atzunte José aju tchmil Mariy, tej tb'inte otoq tz'ok ten tal Mariy o tajb'e tu'n tkyaj tkolin tuj ewaj; porke tz'aqlxix te José, ex minti' o tajb'e tu'n ttzaj tch'ixwi Mariy kywitz xjal. 20Ex matoq in ximan José ti'j jlu, kub' tyek'un tib' jun t-anjel Qman twitz tuj twitzik', ex xi tma'n anjel te:
—Aya José tiyjil David, mi'n xob'a tu'n tok Mariy te t-xu'jila, porke tu'n tipumal Xewb'aj Xjan ma tz'ok ten tal. 21Ex tzul itz'j jun tal, ex k'okel tq'o'na tb'i JESÚS. Atzun tb'i k'okel, porke qe xjal etzan tu'n che kletel tu'n tuj kyil.
22Tkyaqil jlu o b'ant tu'ntzun tjapun aju q'ma'maj tu'n Qman, aju tzaj tma'n t-sanjel Dios chi kyja':
23At jun q'apoj na'nx tlonte xinaq k'okel ten tal, ex q'a jun tal tzul itz'j, ex Emanuel tb'i k'okel, chi t-sanjel Dios.
Aju yol Emanuel atzun in tma'n: At Dios quk'il.
24Tej tel watl tuj twitz José, xi tniman aju tyol t-anjel Qman tzaj q'ma'n te, tk'amtzun t-xu'jil. 25Ex mya junx e kub' tan, maxitzun kub' kymojb'an kyib' tej tul itz'j tnejel tal Mariy; ex ok tq'o'n José tb'i k'wa'l JESÚS.
Currently Selected:
Mateo 1: MAMNO
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.