ZENBAKIAK 4
4
Lebitarren egitekoak
Kehatarren taldea
1Jaunak esan zien Moisesi eta Aaroni: 2«Egizue Kehaten ondorengo lebitarren izen-bilketa, senitarteka eta familiaka. 3Erroldatu hogeita hamar urtetik berrogeita hamar artekoak, elkarketa-etxolako zerbitzua bete dezaten.#zerbitzurako adina Ik. 8,24; 1 Kro 23,24; 2 Kro 31,17; Esd 3,8.
4«Kehaten ondorengoen egitekoa elkarketa-etxolan gauza sakratuenez arduratzea da. 5Abiatzeko orduan kanpamendua jasotzean, Aaronek eta beronen semeek etxola bitan banatzen duen errezela kendu eta hartaz itun-kutxa estaliko dute.#errezela Ir 26,31+. itun-kutxa Ir 25,10+. 6Larru finezko#4,6 Larru finezko: Ik. Ir 25,5 eta oh. estalduraz bilduko dute eta gainean purpura morezko beste oihal bat zabalduko, eta hagak ezarriko dizkiote kutxari. 7Purpura morezko oihala zabalduko dute eskainiriko ogien mahai gainean ere, eta bertan isur-oparietarako azpilak, erretiluak, katiluak eta pitxerrak ipiniko dituzte; eskainiriko ogia etengabe egongo da mahai gainean.#ogien mahaia Ir 25,23+.30+. 8Horren guztiaren gainean purpura gorriminezko oihala zabaldu eta larru finezko estalduraz bilduko dute, eta hagak ezarriko dizkiote mahaiari. 9Gero, purpura morezko oihala hartu eta argimutila, kriseiluak, su-hatzak, errautsontziak eta olioarekin erabiltzen diren ontzi guztiak estaliko dituzte.#argimutila Ir 25,31+. 10Larru finezko estalduraz bilduko dute argimutila tresna guztiekin batera eta anda gainean ezarriko.
11«Urrezko aldare#4,11 Urrezko aldarea: Intsentsu eta lurrinen aldarea da (ik. Ir 37,25-28). gainean ere purpura morezko oihala zabalduko dute, larru finezko estalduraz bildu eta hagak ezarriko dizkiote; 12gero, santutegiko liturgi zerbitzurako erabiltzen diren tresnak hartu eta purpura morezko oihalean ipiniko dituzte, larru finezko estalduraz bildu eta anda gainean ezarriko. 13Aldareko#4,13 Aldarea: Aldare hau erre-opariena da (ik. Ir 38,1-7). errautsak garbitu eta purpura gorrizko oihala zabalduko dute gainean. 14Aldare gainean liturgi zerbitzurako erabiltzen diren tresna guztiak ezarriko dituzte: errautsontziak, sardexkak, palak eta isipu-ontziak. Guztia larru finezko estalduraz bilduko dute, eta hagak ezarriko dizkiote aldareari.
15«Abiatzeko orduan kanpamendua jasotzean, Aaronek eta beronen semeek santutegiko tresna guztiak bilduko dituzte, eta gero Kehaten ondorengoak etorriko dira horiek guztiak eramateko. Ez dezatela ezer sakraturik uki, hil ez daitezen. Horiek dira Kehaten ondorengoek eraman behar dituzten elkarketa-etxolako gauzak.
16«Eleazar, Aaron apaizaren semea, honetaz arduratuko da: kriseiluetako olioaz, intsentsu usaintsuaz, eguneroko labore-opariez eta gantzuketa-olioaz. Egoitzaz eta bertan dagoen guztiaz ere —gauza sakratuez zein tresneriaz— bera arduratuko da».#olioa Ir 27,20+. labore-opariak 28,3-8; Ir 29,38-42. gantzuketa-olioa Ir 30,25+. egoitza Ir 26,1+.
17Jaunak esan zien Moisesi eta Aaroni: 18«Ez gero utzi lebitarren artean desagertzen Kehaten senitarteak! 19Gauza guztiz sakratuetara hurbiltzean bizia galtzeko arriskua dutenez gero, egizue honela, hil ez daitezen: Aaron eta beronen semeak bertan egongo dira bakoitzari zein den bere egitekoa eta zer eraman behar duen esateko. 20Ez dezatela gauza sakraturik ikus, ezta begirada bizkor batez ere, hil nahi ez badute».
Gerxondarren taldea
21Honela mintzatu zitzaion Jauna Moisesi: 22«Egizu Gerxonen ondorengoen izen-bilketa ere, senitarteka eta familiaka. 23Erroldatu hogeita hamar urtetik berrogeita hamar artekoak, elkarketa-etxolako zerbitzua bete dezaten. 24Hau izango da gerxondarren egitekoa eta eraman behar dutena: 25egoitzako zapiak, elkarketa-etxola, honen gaineko larru finezko estaldura, elkarketa-etxolaren sarrerako oihala, 26atariko oihalak, egoitza eta aldarea inguratzen dituen atariaren sarrerako oihala, sokak eta gainerako osagaiak; hori guztia da gerxondarren egitekoa. 27Aaron eta beronen semeen agindura beteko dute gerxondarrek beren egitekoa, bai beren zerbitzuari, bai eraman behar dituzten gauzei dagokienez. 28Gerxondarren senitarteek elkarketa-etxolan bete behar duten zerbitzua Aaron apaizaren seme Itamarren gidaritzapean beteko dute.
Meraritarren taldea
29«Egizu Merariren ondorengoen izen-bilketa ere, senitarteka eta familiaka. 30Erroldatu hogeita hamar urtetik berrogeita hamar artekoak, elkarketa-etxolako zerbitzua bete dezaten. 31Elkarketa-etxolan izango duten egitekoa eta eraman behar dutena hauxe izango da: egoitzako oholak, zehar-egurrak, zutabeak, oinak, 32egoitza inguruko atariko zutabeak beren oinekin, hesolak, sokak eta gainerako osagaiak. 33Meraritarren senitarteek elkarketa-etxolan bete behar duten zerbitzua Aaron apaizaren seme Itamarren gidaritzapean beteko dute».
Jardunean ari ziren lebitarren izen-bilketa
34-49Moisesek, Aaronek eta elkarte-arduradunek Kehat, Gerxon eta Merariren ondorengo lebitar guztien izen-bilketa egin zuten, senitarteka eta familiaka. Hogeita hamar urtetik berrogeita hamar artekoak erroldatu zituzten, elkarketa-etxolako zerbitzua bete zezaten. Moisesek eta Aaronek Jaunaren agindura egindako izen-bilketak emaitza hau eman zuen: Kehaten ondorengoak 2.750; Gerxonen ondorengoak 2.630; Merariren ondorengoak 3.200#4,34-49 3.200: Kopuru hauek ez datoz inola ere bat 3. kap.an emandakoekin (ik. 3,22.28.34). Dena den, lebitarren bigarren izen-bilketa honen emaitzak 3,25-39koarenak baino hobeto egokitzen dira Israel osoaren izen-bilketakoekin (ik. 1. kap.). Kopuru ezberdinek tradizio diferenteetan dute jatorria..
Beraz, izen-bilketan erroldaturiko lebitar guztiak 8.580 ziren. Bakoitzari zer egin eta zer eraman behar zuen adierazi zitzaion, Jaunak Moisesi aginduaren arabera.
Currently Selected:
ZENBAKIAK 4: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso