MARKOS 9
9
1Eta honela amaitu zuen: «Benetan diotsuet: Hemen daudenetako batzuk ez dira hilko, harik eta Jainkoa errege ahaltsu bezala etortzen ikusi arte».#Ik. 13,30.
Antzaldatzea: nekaldi ondoko aintza aurrez agertu
(Mt 17,1-13; Lk 9,28-36)
2Handik sei egunera, Jesusek Pedro, Santiago eta Joan hartu eta mendi garai batera eraman zituen aparte. Eta antzaldatu egin zen haien aurrean:#Ik. 2 P 1,16-18. Pedro, Santiago eta Joan 5,37+. 3jantziak distiratsu bihurtu zitzaizkion, zuri-zuri, munduan inork jar litzakeen baino zuriago.#distiratsu, zuri-zuri Mt 28,3; Ap 1,14; 4,4. 4Eta Elias eta Moises agertu zitzaizkien Jesusekin hizketan.#Elias 1 Erg 19,9-14; Mt 11,14+. Moises Ir 19; 33,18—34,9; 2 Ko 3,7-11. 5Pedrok esan zion Jesusi: «Maisu, zein ederki gauden hemen! Zergatik ez egin hiru etxola: bata zuretzat, bestea Moisesentzat eta bestea Eliasentzat?»
6Ez zekien zer esaten zuen ere, beldurrak jota baitzeuden.
7Orduan, hodei batek estali zituen eta mintzo hau izan zen hodeitik: «Hauxe dut neure Seme maitea. Entzun berari!»#Seme maitea 1,11+. Entzun berari Dt 18,15; Eg 3,22.
8Eta hartan, inguruan begiratu eta Jesus bakarrik ikusi zuten berekin, eta besterik inor ez.
9Menditik beherakoan, ikusitakoa inori ez aipatzeko agindu zien, harik eta Gizonaren Semea hildakoen artetik piztu arte.#isiltzeko agindua 1,34+. 10Agindu hau bete zuten, baina «hildakoen artetik pizte» horrekin zer adierazi nahi ote zien ziharduten beren artean. 11Eta galdetu zioten:
—Zergatik diote lege-maisuek lehenbizi Eliasek etorri#9,11 Eliasek etorri: Jesusen garaiko juduek Elias Mesiasen aitzindari bezala etorriko zen ustea zuten, Ml 3,23aren arabera. behar duela?#Eliasek etorri behar du Mt 17,10+.
12Jesusek erantzun:
—Lehenbizi Eliasek etorri eta dena Jaunak nahi bezala eraberritu behar baldin badu, nolatan diote Liburu Santuek Gizonaren Semeak asko sufritu behar duela eta arbuiatua izan? 13Hau diotsuet gainera: Elias etorri da#9,13 Elias etorri da: Joan Bataiatzaileagan etorri da Elias (ik. Mt 11,14), baina ez zuten aintzat hartu haren misioa., baina gogoak emandako guztia egin diote, hartaz idatzia zegoen bezala.#Elias etorri da Mt 17,12+.
Fedearen ahalmena: epileptikoaren sendaketa
(Mt 17,14-21; Lk 9,37-43a)
14Beste ikasleengana itzuli zirenean, jendetza handia ikusi zuten haien inguruan, eta lege-maisu batzuk haiekin eztabaidan. 15Jendea harriturik gelditu zen Jesus ikustean eta lasterka joan zitzaizkion agurtzera. 16Jesusek galdetu zien:
—Zer zenuten horiekin eztabaidan?
17Jendarteko batek erantzun zion:
—Maisu, hemen ekarri dizut neure seme hau: hitzik egiten uzten ez dion espiritua dauka#9,17 hitzik… espiritua dauka: H.h., espiritu mutua dauka.. 18Non edo han espiritua jabetzen zaionean, lurrera botatzen du, eta mutikoa, lerdea dariola eta hortz-karraska, gogor-gogor gelditzen da. Zure ikasleei eskatu diet espiritua botatzeko, baina ezin izan dute.
19Jesusek esan zien:
—Hau gizaldi sinesgogorra! Noiz arte egon behar ote dut zuen artean? Noiz arte jasan behar ote zaituztet? Ekarri mutila.#gizaldi sinesgogorra Mt 12,39+.
20Eraman egin zioten. Jesus ikusteaz batera, espirituak gogor astindu zuen mutikoa, eta lurrean iraulka eta lerdea zeriola utzi.
21Jesusek mutilaren aitari galdetu zion:
—Noiztik dago horrela?
Hark erantzun:
—Umetandik. 22Askotan bota izan du sutara eta uretara ere, hilarazteko. Ezer egin ahal baduzu, erruki zaitez gutaz eta lagun iezaguzu.
23Jesusek esan zion:
—Ahal dudan diozu? Dena ahal du sinesten duenak.#sendatzeko sinesmena 2,5+.
24Orduan, mutilaren aitak deiadarka:
—Sinetsi nahi dut! Lagundu sinesgabe honi.#Lagundu sinesgabe honi Lk 17,5.
25Jesusek, jendea pilatzen ari zela ikusirik, mehatxu egin zion espiritu gaiztoari:
—Espiritu gor eta mutua, neuk agintzen diat: irten hadi mutil honengandik eta ez sartu gehiago.
26Garrasika eta berebiziko astindua emanez, atera zen espiritu gaiztoa. Mutikoa hilik bezala gelditu zen. Ia denek hila zegoela zioten; 27baina Jesusek eskutik hartu eta altxarazi egin zuen, eta mutikoa zutitu egin zen.#eskutik hartu eta altxarazi 1,31; 5,41.
28Jesus etxeratu zenean, ikasleek bakarrean galdetu zioten:
—Eta guk, zergatik ezin izan dugu bota espiritu hori?
29Erantzun zien:
—Gisa honetako espirituak botatzeko bide bakarra otoitza#9,29 otoitza: Eskuizkribu askok eta baraua eransten dute (ik. Mt 17,21). da.
Jesusek nekaldi-piztuerak bigarrenez iragarri
(Mt 17,22-23; Lk 9,43b-45)
30Handik atera eta Galilean zehar zebiltzan. Jesusek ez zuen inork jakiterik nahi, 31bere ikasleei irakastera emana baitzegoen. Honela ari zitzaien: «Gizonaren Semea gizakien eskuetara emango dute; hil egingo dute, baina hil eta hiru egunera piztu egingo da».#Ik. 8,31; 10,33-34.
32Haiek, ordea, ez zuten ulertzen zer ari zitzaien; galdetzera, berriz, ez ziren ausartzen.#ikasleek ezin ulertu 4,13+.
Nor handiena?
(Mt 18,1-5; Lk 9,46-48)
33Kafarnaumera iritsi ziren. Eta, etxean, Jesusek galdera hau egin zien:
—Zer eztabaida izan duzue bidean?
34Baina haiek hitzik ez; beren artean handiena nor ote zen eztabaidatu baitzuten bidean.#nor handiena Lk 22,24-27. Ik. 10,43-44. 35Eseri zen Jesus eta, Hamabiei dei eginik, esan zien:
—Lehena izan nahi duena izan bedi denetan azkena eta denen zerbitzaria.#zerbitzuaren handitasuna Mt 20,26+.
36Eta gero, haur bat hartu, haien aurrera ekarri eta, magalean zuela, esan zien:
37—Honelako haurra nire izenean onartzen duenak neu onartzen nau; eta ni onartzen nauenak, ez nau ni onartzen, bidali nauen hura baizik.#onartzen duena Mt 10,40; Lk 10,16; Jn 13,20.
«Gure kontra ez dagoena… »
(Lk 9,49-50)
38Joanek esan zion:
—Maisu, gizon bat ikusi dugu zure izenean deabruak botatzen, eta eragotzi egin nahi izan diogu, ez baita gure taldekoa.
39Baina Jesusek erantzun:
—Ez eragotzi; ez baita inor nire izenean mirari bat egin eta gero nitaz gaizki-esaka jardungo duenik. 40Hau da, gure kontra ez dagoena gure alde dago.#alde, kontra Mt 12,30; Lk 11,23. 41Benetan diotsuet: Mesiasen jarraitzaile zaretelako, ontzixka bat ur bada ere ematen dizuen inor ez da saririk gabe geldituko.#ontzixka bat ur Mt 10,42.
Sinesmena galbidean jartzen dutenak
(Mt 18,6-9; Lk 17,1-2)
42«Sinesten duten txiki hauetakoren baten sinesmena galbidean jartzen#9,42 Sinesten duten: Eskuizkribu askok Niregan eransten dute. sinesmena galbidean jartzen: H.h., eskandalizatzen; ik. 6,3 oh. duenak, hobe luke errotarri bat lepotik lotu eta itsasora amilduko balute.#sinesmena galbidean jarri 6,3+. 43Zeure eskuak galbidean jartzen bazaitu, moztu; hobe duzu eskumotz betiko bizitzan sartu, bi eskuekin infernura, itzalezineko sutara, erori baino. ( 44#9,44.46 Eskuizkriburik hoberen eta zaharrenetako batzuetan falta dira tx. hauek. 48. tx.aren errepikapena dira: han ez da barruko harra hiltzen, ez eta sua itzaltzen.). 45Zeure oinak galbidean jartzen bazaitu, moztu; hobe duzu hankamotz betiko bizitzan sartu, bi oinekin infernura jaurtia izan baino. ( 46*). 47Zeure begiak galbidean jartzen bazaitu, atera; hobe duzu begibakar Jainkoaren erreinuan sartu, bi begiekin infernura jaurtia izan baino; 48han ez da barruko harra hiltzen, ez eta sua itzaltzen.#Ik. Is 66,24.
49«Izan ere, suaz gazitu behar dira denak#9,49 Suaz… denak: Esaldi ulergaitza; badirudi, fededunak frogaldiaren bidez garbi egiten eta horrela Jainkoarentzat opari atsegin bihurtzen dituen (ik. Lb 2,13 oh.) sua adierazten dela (gatzak badu bertute garbigarririk; horregatik, Biblian, garbitu esateko gazitu esaten da). Hortik doa zenbait eskuizkributan ageri den eranskin hau: eta oparigai oro gatzetan gazituko da.. 50Gauza ona da gatza#9,50 ona da gatza: Gatz hau zerbitzurako prestasuna da, Jesusen esaera hauen guztien buru gisa dagoen 9,35eko printzipioaren arabera.; baina gatza gezatuko balitz, nola gazitu berriro? Eduki gatza zeuen baitan eta zaudete elkarrekin bakean».#gatza Mt 5,13; Lk 14,34.
Currently Selected:
MARKOS 9: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso