ISAIAS 48
48
Jaunak gauza berriak iragarri
1«Entzun ezazue,
Jakoben ondorengook,
Israel izena daramazuenok,
Judaren hazitik#48,1 hazitik: Arameerazko itzulpenaren arabera; hebreerazkoak uretatik dio. sortuok.
Jaunaren izenean egiten duzue zin
eta Israelen Jainkoa aitortzen,
baina ez egiaz eta zintzotasunez;#Jaunaren izenean zin 65,16; Jr 4,2+. ez egiaz 29,13; Jr 5,2. Ik. Za 8,8.
2“Hiri Santukoak” omen duzue izen,
Israelen Jainkoa,
Jaun ahalguztidun deritzana,
euskarri.#Hiri Santukoak Ik. 52,1.
3Aspalditik iragarriak nituen
gertatu direnak,
neuk hitzeman nituen eta adierazi;
bat-batean ekin nion
eta denak gertatu.#Aspalditik iragarriak 45,21+.
4Banekien, jakin, tematsuak zaretela,
burdina bezain gogorra
duzuela lepoa
eta brontzezkoa kopeta;#jende lepagogorra Ir 32,9; Dt 9,6.13; Jr 7,26+.
5horregatik,
aspalditik iragarri nizuen dena,
gertatu baino lehen adierazi,
esan ez zenezaten:
“Nire idoloak egin du,
nire zurezko nahiz metalezko
irudiek gertarazi”.
6Entzun zenuten iragarpena:
den-dena bete dela ikusirik,
ez ote duzue iragarriko?
Eta orain gauza berriak
adieraziko dizkizuet,
ez dakizkizuen gerta gauza ezkutuak;#gauza berriak 42,9+. ezezagunak Jr 33,3.
7sortu berriak dira, ez aspaldikoak,
eta ez zenuten haien berri
orain arte,
esan ez zenezaten:
“Banekien lehendik”.
8Ez, ez zenituzten entzunak,
ez ezagunak,
ez zenekiten ezer,
belarriak itxiak baitzeneuzkaten
betidanik.
Banekien, bai, jakin,
zeharo desleial zaretela,
errebelde deitzen dizuetela
jaio zinetenetik.#errebeldeak jaiotzatik 1,2; 44,2+.
9Neure izenaren ohoreagatik
eutsi diot haserreari,
zor zaidan gorespenagatik
egin dut atzera
eta ez zaituztet suntsitu.#Neure izenaren ohoreagatik Ez 20,9+.
10Garbitu egin zaituztet,
baina ez zilarra bezala,
sufrimenduaren arragoan
probatuz baizik.#arragoan probatu 1,22.25+.
11Neuregatik jokatu dut horrela,
neuregatik bakarrik,
ezin baitut neure izena belzten utzi.
Ez diot neure ospea inori utziko.#ospea inori ez utziko 42,8.
Jaunaren adiskide Zirok haren nahia burutuko
12«Entzun, Israel, Jakoben herri,
entzun, nik deitu horrek:
Ni beti berbera,
neu lehena eta neu azkena.#lehena eta azkena 41,4+.
13Neure eskuz oinarritu nuen lurra,
neure eskuz hedatu zerua;
nik dei egin orduko
hasi ziren izaten.
14Bildu denok eta entzun!
Zuetako nork
iragarri du horrelakorik?
Nire adiskideak
burutuko du nire nahia,
Babilonia eta bertako jendearen#48,14 Nire adiskideak: Ziro erregearen beste aipamen bat. bertako jendearen: Grekozko itzulpenaren arabera (h.h., kaldearren arrazaren); hebreerazkoak haien besoa, kaldearrak dio.
aurkako erabakia.#burutuko du nire nahia 44,28+.
15Neuk hitzeman nuen,
neuk egin nion dei eta etorrarazi,
eta haren egitekoak
arrakasta izango du.
16Hurbildu niregana eta entzun:
Ez dut ezkutuan hitz egin,
eta iragarriak gertatzean,
bertan naiz ni».
(Eta orain, Jaunak bidali nau,
bere espiritua emanik#48,16 Eta… emanik: Mezulariaren hitz hauek tokiz kanpo daudela ematen du. Zenbait itzultzailek 16. tx. osoa hartzen du profetaren adierazpentzat.).#Ez ezkutuan 45,19+. Jaunak bere espirituaz bidali 61,1; Mi 3,8.
17Hau dio Jaunak, zure askatzaileak,
Israelen Jainko santuak:
«Neu naiz Jauna, zure Jainkoa,
zeure onerako irakasten dizudana,
ibili beharreko bidetik
gidatzen zaitudana.
18Ai nire aginduei jaramon
egin izan bazenie!
Ibaika izango zenuke zoriona,
uholdeka salbamena;#Ai jaramon egin bazenu Sal 81,14-17. Ibaika zoriona 66,12.
19itsas hondarra bezain ugari
izango lirateke zure ondorengoak,
hondar-aleak bezainbat
zure seme-alabak;
haien izena ez litzateke suntsituko,
inoiz ere ez
nire aurretik ezabatuko».#hondarra bezain ugari 10,22+. izena ez suntsituko 66,22; 1 Sm 24,22.
Erbesteratuak itzuliko
20Irten Babiloniatik,
ihes egin babiloniarren artetik!
Adierazi mezua, iragarri poz-oihuz,
helarazi lurraren bazterretaraino:
«Jaunak askatu du Israel
bere zerbitzaria!»#Irten Babiloniatik 52,11; Jr 51,16; Ap 18,4. iragarri poz-oihuz Sal 126,1-2.
21Ez zuten izan egarririk,
eremu lehorretan zehar
eraman zituenean;
harkaitzetik ura
jarioarazi zuen haientzat:
harkaitza zulatu eta ura sortu zen.#harkaitzetik ura 43,20+; Sal 78,15-16+.
22(Gaiztoentzat, ordea, ez da zorionik.
Jaunak esan du#48,22 57,21etik hartua dirudi esaldiak; ez dator egoki testuinguru honetan.).
Currently Selected:
ISAIAS 48: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso