เนหะมี 1
1
เนหะมี เหว่ย เยลูซาเลม ฒี่ง เต๋า เก๋า
1น้าย เซ ฮาคาลิยา เญย ตอน, เนหะมี, เญย หว่า.
เยียม อานทาเซซี้ด โหฒว เปเซีย กั๊วะ เญย ฮู่ง เตี๋ย หญี่ เหฒียบ หฮญัง วั้ว หฮญัง, คิดเล้บ หฮลา, เยีย เยียม สุสา ต้ม ฒี่ง วั้ว หฒั่น, 2ม่าย เต้า เยีย เญย ก๋อ-โย์ว, ฮานานี, เหธา เต๋ย เมี่ยน เยียม ยูดา เต่ย-ปูง ต้าย. เยีย ฯฒฯ หน่าย เถา หฒุ กว๊าด มี่ง บาบีโลน กั๊วะ ตุ๊ แหม่ง ธ้วด แอ๋ง หฑวน ต้าย เญย ยิวไท เมี่ยน,#1:2 ไฟ “เปย๋า ดุ๊ด, ตุ๊ แหม่ง ธ้วด, ไม้ หฒุ กว๊าด มี่ง บาบีโลน กั๊วะ เญย เมี่ยน”. หย่า หน่าย เยลูซาเลม ฒี่ง เญย เจ๊า-โหล่ว.
3นิ่น บัว บั๋ว เยีย, “เยียม ยูดา เต่ย-ปูง หฒุ กว๊าด มี่ง ตุ๊ แหม่ง ธ้วด แอ๋ง หฑวน ต้าย เญย เมี่ยน หฒุ โต้ หน่าน โค้ว ไห่, หย่า หฒุ เตี๊ย ไญ้. เยลูซาเลม เญย ฒี่ง หลาด บาง, ฒี่ง แก้ง หย่า หฒุ โต์ว ปั๊ว หว่าย เหฑ่ง.”
4เยีย ไฮ์ น้าย เต๋ย หว่า, เยีย เฒว์ย เหฌี่ย เญี้ยม, เฑ่า เหฒีย ฮนอย. เยีย เยียม ลู่ง หฒั่ง ทิน-ฮู่ง เญย หฑะเฮมียน เฒย ไม้ หญั่น หาย หญู่ง หย่า เต๋า เก๋า. 5เยีย ก๊อง,
“เฒี้ยว, ลู่ง หฒั่ง เญย ทิน-ฮู่ง อ่า, เม่ย เซ โฮล ไห่, อ๋อย หฒุ กั้ม เหฑีย เญย ทิน-ฮู่ง.#หฑั่ม เล์ย-หลัด 7:21; 10:17; เนหะมี 4:14; 9:32; ดานีเอน 9:4 เม่ย เอย เจี๊ยน เม่ย แล์ง เญย แหง่ง หว่า ฮนั้ม ต้ง ฮนั้ม เม่ย หย่า เอย เจี๊ยน เม่ย เญย เล์ย-หลัด โหฒว เญย เมี่ยน. 6โท้ เฒี้ยว หนูง มฒีง หมั่ง หย่า แปง มน่อม หมวัง เยีย, เม่ย เญย โปว, เฒี่ยง ฮนอย เฒี่ยง ม์วน เหว่ย เม่ย เญย โปว, อิสะลาเอน เมี่ยน, เต๋า เก๋า. เยีย เหญี่ยม เยีย บัว อิสะลาเอน เมี่ยน ป์าม ฒุ์ย โหฒว ต่อง ปุน เม่ย, เลี่ยม เยีย กั้น เหธา เยีย เญย โต้ว ฒง เมี่ยน. 7เยีย บัว โหฒว หว่าย โหฒว เอ๊าะ ธั้ม เญย ปุน เม่ย. เยีย บัว ไม้ เอย เจี๊ยน เม่ย พ้าย ปุน เม่ย เญย โปว, โมเซ, เญย เล์ย-หลัด เหธา หลี่ง เหธา เล์ย.
8“โท้ เฒี้ยว จั๋ง เจี๊ยน เม่ย พ้าย ปุน เม่ย เญย โปว, โมเซ, เญย หว่า. เม่ย ก๊อง, ‘สี ก๊อง เม่ย บัว ไม้ เหฒียบ ฒัวะ เญย กัน เยีย, เยีย อ๋อย ปุน เม่ย บัว หฑาน มี่ง เยียม หม่าน ฝีง บุด๋ง.#เลวี 26:33 9สี ก๊อง เม่ย บัว หฑวน ต้าย ล์อ เยีย, หย่า เอย เจี๊ยน เยีย เญย เล์ย-หลัด, ไม้ กุ๊น เม่ย บัว หฒุ หฑาน มี่ง เถา ลู่ง กอน เก้า โก เจี๋ย เญย ต๋อง, เยีย อ๋อย เยียม วั้ว ต้อ เม่ย บัว หฑวน ต้าย กั๊บ ฒุ้น เยียม เยีย กิ๊น ต้าย เหว่ย เหลียบ เยีย เญย เม่ง วั้ว นอม ต๋อง.’#หฑั่ม เล์ย-หลัด 30:1-5
10“น้าย เต๋ย เมี่ยน เซ เม่ย เญย โปว, เม่ย กั้น เญย แปะ ฝีง, ต้ง เม่ย หล่ง เม่ย เญย ต้ม ชะ เหธา เม่ย เฮ้น ไห่ เญย ปั์ว เหฌียว#1:10 เหฌียว ฮิบลู หว่า ก๊อง หฒัวะ. ธ้วด ต้าย เญย เมี่ยน. 11โอ เฒี้ยว อ่า, โท้ เม่ย แปง มน่อม หมวัง เยีย, เม่ย เญย โปว, เญย เต๋า เก๋า หว่า, เหธา อะเฮน้ย ท่าย เม่ย เญย บั๋ว วั้ว เต๋ย หฒวัง โปว เต๋า เก๋า เญย หว่า. โท้ เฒี้ยว เถง เยีย อี้ ฮนอย ไฮ่ โหฒว ตุ๊ ธ้วด หย่า ปุน ฮู่ง เตี๋ย#1:11 ฮู่ง เตี๋ย ฮิบลู หว่า ก๊อง วั้ว เต้า มจั่ง ตอน. ฆอย เอ๋ย เยีย.”
วั้ว หฒั่น เยีย โหฒว เถง ฮู่ง เตี๋ย โป้ว ติ๊ว เญย ต้ม เจียน.
Currently Selected:
เนหะมี 1: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007