หน่าน ฒี่ง ฑูง 1
1
เยลูซาเลม หฒุ เฑ่า#1 ตะเยี้ยด ฒาง หล่ง ฮิบลู หว่า เญย เหยียด นอม เจี๋ย เหยียด นอม หฑั่ง-หม่า โหฒว เหยียด เหยี่ยม เหยียด เหยี่ยม เญย หฑั่ง-กอน.
1ฒิ่น ด่าง ม่าย แปะ ฝีง เยียม ปวั๊ง เญย ฒี่ง,
อี้ หฒั่น ฮวางๆ เญย เยียม วั้ว.
ฒิ่น ด่าง เยียม เหฒีย กั๊วะ บุด๋ง โหฒว โฮล เญย,
อี้ หฒั่น ฮนั้ง เต้า เอ๊า-กว๊า นอ.
ฒิ่น ด่าง เยียม หฒวัง แซ้ง บุด๋ง ฮนั้ง ฮู่ง เซียะ,#1:1 ไฟ “โหฒว โฮล เญย มเซียะ ตอน”.
อี้ หฒั่น หฒุ ด๊อด เหฌี่ย โหฒว โน่ว หมี่ อ๊ะ.
2นิ่น เฒี่ยง ม์วน เญี้ยม ตุ๊ โค้ว ไห่.
ววม-เหมว่ย เหลี่ยว เหฌี่ย นิ่น#1:2 เยียม น้าย เต๋ย อี เหฒีย เหยี่ยม, นิ่น วั้ว โจ๋ว หว่า ก๊อง หฒุ สิโอน ฒี่ง. สิโอน แอ๋ง ม่าย กั้น นอม บั๋ว เห่ว เยลูซาเลม. เญย ขัม-ปุย.
เยียม เหยียด ฒู้ง ฮนั้ม นิ่น เญย เมี่ยน บุด๋ง,
ไม้ ม่าย เหยียด เต้า ออน นิ่น เญย เฮญี้ยว.
เหธา นิ่น โหฒว ต่อย เญย หฒวัง เมี่ยน เบี๊ยน เฮญี้ยว
เป๋น นิ่น เญย วิน-วั้ง หมี่ อ๊ะ.
3ยูดา หฒุ กว๊าด มี่ง, หฒุ โต้ หน่าน,
หฒุ อ๊าบ โหฒว กง โค้ว ฮนั้ง โหฒว โน่ว นอ.
นิ่น เยียม เจี๊ยน หม่าน กั๊วะ บุด๋ง,#1:3 ไฟ “ยูดา เหว่ย โต้ หน่าน, หฒุ เสี่ยว โค้ว หย่า หฒุ อ๊าบ โหฒว กง โค้ว, ธ้วด มี่ง เยียม...”
ล์อ ไม้ ตุ๊ ต๋อง ฮิด.
นิ่น โค้ว เญย เฒี่ยง โห่,
หฒุ่น นิ่น วั้ว เต๋ย เหยียด ฒู้ง หฒุ่น หฒ่าย นิ่น.
4เปียะ สิโอน เญย เจ๊า เซ ฮวางๆ วั้ว,#1:4 ฟาน หฒะ ก๊อง เฑ่า เญี้ยม.
เหว่ย หฒุ ไม้ ม่าย เมี่ยน ต้าย เจี๋ย ตี่ง ต้าย เญย ฒิบ.
นิ่น เญย เหยียด ฒู้ง หลาด แก้ง หย่า ฮวางๆ วั้ว,
นิ่น เญย ไซ เมี่ยน ฌุ่น เจี๊ยน เยียม.
นิ่น เญย เซียะ-หลุน#1:4 ไฟ “ไม้ เปว๋ย เจี๋ย ตอน เญย เซียะ”. หฒุ เสี่ยว โค้ว,#1:4 ม่าย เต๋ย โซว ก๊อง หฒุ ทอ มี่ง.
นิ่น กั้น หย่า หฒุ เตี๊ย เฑ่า.
5นิ่น เญย วิน-วั้ง ตุ๊ โหฒว เปย๊ย เฒ้ย,
นิ่น เญย วิน-จา ตุ๊ หลง เจี๊ยน ฝาว,
เหว่ย หฒุ เฒี้ยว ปุน นิ่น เสี่ยว โค้ว,
หลาย นิ่น โหฒว เญย ฒุ์ย ธั้ม.
นิ่น เญย น่าม โญ์ว หฒุ นิ่น เญย วิน-วั้ง
กว๊าด มี่ง เหฑ่ง หมี่ อ๊ะ.
6สิโอน#1:6 ฮิบลู หว่า ก๊อง สิโอน เญย เซียะ. น้าย ป๊วน โซว เหฒีย นอม ต๋อง ทิบ เซียะ วั้ว โจ๋ว. เอ๋ย เล์ย เซ วั้ว นอม ฒี่ง ไฟ วั้ว นอม ฒี่ง เญย เมี่ยน. เญย เหยียด ฒู้ง ฌัง-หล่าง
หฒิด เหฑ่ง หมี่ อ๊ะ.
นิ่น เญย เปย๊ย เฒ้ย ฮนั้ง ไฌ่ กวั้น
ล์อ ไม้ ปวัด เมี้ย-เธี้ยง.
นิ่น บัว เยียม หฒุ่น นิ่น บัว วั้ว เต๋ย เญย วั้ว ด่าง แหมง,
ฒู้ง ไม้ ม่าย ชะ เปย๋า.
7เยลูซาเลม หฒุ โค้ว, หฒุ โย่ว เจี๊ยน มี่ง เญย เฒี่ยง โห่,
นิ่น ฯฒฯ ฮนั้ม-หฑวน เถา โล์-ฮนอย นิ่น ม่าย เญย เหยียด ฒู้ง จ๋าย เญย กะน้าย.
นิ่น เญย แปะ ฝีง หฒุ เยียม วิน-วั้ง เญย ปั์ว-เดี๊ย วั้ว หฒั่น,
ไม้ ม่าย หาย เต้า เถง.
วิน-จา ปวัด นิ่น หฒุ ด๊อด เหฌี่ย,
นิ่น บัว คู่ จั๊ด นิ่น.
8เยลูซาเลม ป์าม ฒุ์ย โฮล ไห่,
ฯฒฯ เป๋น ม่าย หวุย เญย กะน้าย.
ฒิ่น ด่าง ท่าย นิ่น วั้ว เต๋ย เหยียด ฒู้ง, อี้ หฒั่น หมั่ง เผีย,
เหว่ย หฒุ นิ่น บัว ปวัด นิ่น แล่ง แก๊ง เญย เยียม.
นิ่น กั้น ฒู้ง ฌุ่น เจี๊ยน เยียม,
แอ๋ง ฮวิน มี่ง กั้น ปูง.
9นิ่น เญย หวุย กั๊วะ เจี๊ยน นิ่น เญย จุ้น,
นิ่น ไม้ ฮนั้ม เถา นิ่น เญย เซ้ด เมว์ย ฮนอย.
เหว่ย น้าย นิ่น ด๊อด เหฌี่ย โค้ว เญย,
หย่า ไม้ ม่าย เมี่ยน ออน นิ่น เญย เฮญี้ยว.
“โอ เฒี้ยว อ่า, โท้ หมั่ง เยีย หฒุ เญย โค้ว หน่าน,
เหว่ย หฒุ วิน-วั้ง ตุ๊ ฮี่ง หมี่ อ๊ะ.”
10วิน-วั้ง ซูง ปั์ว ลู้
นิ่น เญย เหยียด ฒู้ง จ๋าย เญย กะน้าย.
นิ่น หมั่ง เจี๊ยน ปวัด กั้น ฝีง เมี่ยน
ป์อง เปียะ นิ่น เญย สีง ติ่น,
เซ ต้ง เม่ย หัด เจี๊ยน
ไม้ ปุน เปียะ เม่ย เญย หวุ่ย กะญั์ว เญย เมี่ยน.
11ฒี่ง เญย หฒวัง แปะ ฝีง ฌุ่น เจี๊ยน
ล์อ กะน้าย หญั่น.
นิ่น บัว เฒาะ นิ่น บัว จ๋าย เญย กะน้าย เหยี่ยน เฮม้ย
เหว่ย เหฌียว สีง แหม่ง.
“โอ เฒี้ยว อ่า, โท้ เม่ย หมั่ง,
เหว่ย เยีย หฒุ หมั่ง เผีย.”
12“เม่ย บัว เหยียด ฒู้ง เจี๋ย เจ๊า เญย เมี่ยน อ้า!
เม่ย บัว ไม้ ไฮ์ ฝู่ง ไฟ?
เม่ย บัว หมั่ง ม่าะ!
ฯฒฯ ปวัด ม่าย หาย หญู่ง เฑ่า เญย สี่
ด่ง เยีย หฒุ เญย เฑ่า โค้ว?
เซ เยียม เฒี้ยว เฉีย เจี์ย ไห่, กะเฉีย แป๊ด ธ้วด วั้ว ฮนอย
ปุน เยีย หฒุ เญย เฑ่า โค้ว.
13“นิ่น เยียม กู้ หงว่าย ปุน โต์ว เหฌี่ย ต้าย
เปียะ เยีย เญย เหยียด ฒู้ง บู๊ง.
นิ่น ธอง มู์ง เหฑ่น เยีย เญย เหฒา,
ปุน เยีย แอ๋ง ต๋าว ซิน หฑวน.
นิ่น ปุน เยีย เฒี่ยง ฮนอย ฮวาง,
หย่า ฮววน เหฑ่ง หมี่ อ๊ะ.
14“นิ่น เฒาะ เยีย เญย ฒุ์ย ญัด เจี๊ยน โหฒว เดี๋ยง-ก์า,
หล่ง นิ่น กั้น เญย ปั์ว กั๊บ ต้าย โด้ เจี๊ยน.
นิ่น เฒาะ ต้าย ก์า เจี๊ยน เยีย เญย จาง,
ฯฒฯ โหฒว ปุน เยีย เญย ชะ หฒิด หมี่ อ๊ะ.
เฒี้ยว เฒาะ เยีย จิว ปุน เยียม เยีย เญย วิน-วั้ง เญย ปั์ว-เดี๊ย,
ต้ง เยีย หน่อย ไม้ ตุ๊ เญย เมี่ยน.
15“เฒี้ยว เฆ่ม#1:15 ม่าย เต๋ย โซว ก๊อง จั๊ด, ม่าย เต๋ย ก๊อง กวั่ง. เยียม เยีย กะญั์ว
เหยียด ฒู้ง เฮ้น ไห่ เญย แปง.
นิ่น เห่ว เมี่ยน ธั้ม กั๊บ ฒุ้น ต้าย#1:15 ไฟ ตี่ง เหฒียง. เบ๊าะ เยีย,
ธ้าย เยีย เญย เมี่ยน หลุน เมี่ยน ฮู้ เหฑ่ง.
เฒี้ยว เญว่ย ยูดา เญย แปะ ฝีง,#1:15 ฮิบลู หว่า ก๊อง “ยูดา เญย เหยียด ฒู้ง ไม้ เปว๋ย เจี๋ย ตอน เญย เซียะ”.
ฮนั้ง เยียม เญว่ย อะหงุ่น เปี๊ยว เญย ฒ่อง เญว่ย อะหงุ่น เปี๊ยว นอ.
16“เซ เหว่ย น้าย เยีย เญี้ยม,
เยีย เญย มฒีง ม่าย ววม-เหมว่ย เหลี่ยว ธ้วด.
ออน เยีย เญย เฮญี้ยว เญย เมี่ยน เล่ย ตุ๊ เยีย โก,
ไม้ ม่าย หาย เต้า เถง ชะ เยีย เฮ้น.
เยีย เญย น่าม โญ์ว หฒุ กวั่ง ฮวาง,
เหว่ย หฒุ วิน-วั้ง ฮี่ง หมี่ อ๊ะ.”
17สิโอน ซูง เจี๊ยน นิ่น เญย ปั์ว โท้,
หย่า ไม้ ม่าย หาย เต้า ออน เฮญี้ยว.
เฒี้ยว หัด เจี๊ยน ก๊อง ยาโค้บ อ๋อย หฒุ ตี่ง ฒุ์ย,
ปุน เว่ย ก๋อม เญย เมี่ยน โหฒว นิ่น เญย วิน-วั้ง.
เยลูซาเลม ฒี่ง เยียม นิ่น บัว บุด๋ง,
เป๋น ไม้ ธีง-เหฑ่ง เญย กะน้าย.
18 เฒี้ยว โหฒว ตุ๊ หอบ
เหว่ย หฒุ เยีย แหง่ง เจี๊ยน นิ่น เญย หว่า.
เม่ย บัว หฒวัง เมี่ยน หมวัง ม่าะ!
หย่า หมั่ง เจี๊ยน เยีย เสี่ยว เญย โค้ว หน่าน.
เยีย เญย เมี่ยน หลุน เมี่ยน, ตอน เซียะ,
หฒุ กว๊าด มี่ง เหฑ่ง หมี่ อ๊ะ.
19เยีย เห่ว ฮนั้ม เยีย วั้ว เต๋ย,
มป่า นิ่น บัว ดั๊ว เยีย.
เยีย เญย ไซ เมี่ยน เหธา เมี่ยน โก๋
ต๋อย ล์อ กะน้าย หญั่น,
เหฌียว สีง แหม่ง เญย เฒี่ยง โห่,
เยียม วั้ว ฒี่ง กะญั์ว ไต่ หมี่ อ๊ะ.
20โอ เฒี้ยว อ่า, โท้ หมั่ง เหว่ย หฒุ เยีย โค้ว ไห่,
เยีย เญย เฮญี้ยว หลุ่น เหฑ่ง อ๊ะ.
เยีย เฑ่า ตุ๊ โค้ว, บะฑิว บ๋าย,
เหว่ย หฒุ เยีย แหง่ง เม่ย ธั้ม ไห่.
เยียม เปย๊า กะเหญี่ย, เมี่ยน หฒุ หฑุ ด๊าว ไต๋,
เยียม เปย๊า กะญั์ว, ขูง ม่าย ไต่ เญย สี่.
21หมวัง เยีย ฌุ่น เญย เฉีย ม่าะ!
ไม้ ม่าย หาย เต้า ออน เยีย เญย เฮญี้ยว.
เยีย เญย เหยียด ฒู้ง วิน-วั้ง ไฮ์ เยีย หฒุ เญย โค้ว หน่าน.
นิ่น บัว อะเฮน้ย เม่ย ปุน เยีย หฒุ สี่.
โท้ ปุน เม่ย ฒุ่น อ๋อย ต้าย เญย ฮนอย เถา,
ฯฒฯ ปุน นิ่น บัว หฒุ โค้ว ฮนั้ง เยีย นอ.
22โท้ หมั่ง นิ่น บัว โหฒว เญย เหยียด ฒู้ง เอ๊าะ สี่
หย่า ตี่ง นิ่น บัว เญย ฒุ์ย,
ฮนั้ง เม่ย โหฒว ปุน เยีย,
หลาย เยีย โหฒว เญย เหยียด ฒู้ง ฒุ์ย.
เหว่ย หฒุ เยีย ฌุ่น ตุ๊ โค้ว ไห่,
เยีย เญย เฮญี้ยว ฒู้ง เมา เหฑ่ง.
Currently Selected:
หน่าน ฒี่ง ฑูง 1: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007