โยฮัน 9
9
เยซู หฒ่อ หลง เต้า เยียม-ทอย มฒีง แม่ง เญย เมี่ยน
1เยซู ยั่ง เจี๊ยน เจ๊า มี่ง, ปวัด เต้า เยียม-ทอย มฒีง แม่ง เญย เมี่ยน. 2ไซ-ก๋อ บัว หน่าย เยซู, “ไซ-เตี๋ย อ้า! น้าย เต้า เมี่ยน ธ้วด เสย ต้าย มฒีง แม่ง เซ หลาย นิ่น กั้น เญย ฒุ์ย ไฟ หลาย นิ่น เญย เตี๋ย หม่า เญย ฒุ์ย?”
3เยซู เตา, “นิ่น มฒีง แม่ง ไม้ เฒ์ย หลาย นิ่น กั้น เญย ฒุ์ย ไฟ นิ่น เตี๋ย หม่า เญย ฒุ์ย. นิ่น เญย มฒีง แม่ง เซ เหว่ย ปุน ทิน-ฮู่ง โหฒว เญย สี่ เยียม น้าย เต้า เมี่ยน เญย ซิน ปิ๋ว เม่ง ธ้วด ต้าย. 4ไม้ แก้ง หฮมวัง, บัว อ๋อย หฒุ โหฒว พ้าย เยีย ต้าย วั้ว เต้า เญย กง. หฮมวัง เยี้ยด เถา, ไม้ ม่าย หาย เต้า โหฒว ตุ๊ กง. 5เยีย หธ่อ เยียม เจี๊ยน ป้าม เกน เญย เฒี่ยง โห่ เยีย โหฒว ฌัง หฒิว ป้าม เกน.”#มัดทาย 5:14; โยฮัน 8:12
6เยซู ก๊อง ลิ์ว น้าย เต๋ย หว่า, นิ่น ทุ้ย ววม-ฑุ่ย วั้ว เดา, ไหธ เป๋น ววม-ปั่ม ต้าย, ฑ้าด เจี๊ยน วั้ว เต้า เมี่ยน เญย มฒีง, 7บั๋ว นิ่น, “มี่ง วั้ว นอม สีโลอัม ววม-ต้ม หฑาว โอ่.” (สีโลอัม วั้ว นอม บั๋ว เญย เอ๋ย เล์ย เซ “พ้าย มี่ง.”) วั้ว เต้า เมี่ยน มี่ง หฑาว ลิ์ว, หฑวน ต้าย ฯฒฯ หมั่ง ตุ๊ ปวัด อ๊ะ. 8นิ่น เญย ล์าง หฒั่ง เมี่ยน เหธา อ้าโหล่ ปวัด นิ่น โท้ ญ่าน วั้ว เต๋ย, ล่าน หน่าย ล่าน, “น้าย เต้า เมี่ยน ต้ง อ้าโหล่ เฒว์ย เจี๊ยน โท้ ญ่าน วั้ว เต้า ไม้ เฒ์ย?” 9ม่าย เต๋ย ก๊อง, “เฒ์ย เญย, ต้ง น้าย เต้า อ๊ะ.” ม่าย เต๋ย ก๊อง, “ไม้ เฒ์ย. เซ ฮนั้ง นิ่น ฮนั้ง.”
วั้ว เต้า เมี่ยน กั้น ฯฒฯ ก๊อง, “เฒ์ย เญย. ต้ง เยีย อ๊ะ.”
10วั้ว เต๋ย เมี่ยน ฯฒฯ หน่าย นิ่น, “อ๊า, วั้ว หญู่ง เม่ย เญย มฒีง ฮนั้ง หาย นอ ไฮ่ หลง, หมั่ง ตุ๊ ปวัด?”
11นิ่น เตา, “ม่าย เต้า เมี่ยน, บั๋ว เห่ว เยซู, ไหธ ววม-ปั่ม ฑ้าด เยีย เญย มฒีง แอ๋ง เห่ว เยีย มี่ง สีโลอัม ววม-ต้ม หฑาว. เยีย ฯฒฯ มี่ง. หฑาว ลิ์ว, หมั่ง ตุ๊ ปวัด ต้าย อ๊ะ.”
12วั้ว เต๋ย เมี่ยน แอ๋ง หน่าย, “วั้ว เต้า เมี่ยน เยียม หาย?”
นิ่น ก๊อง, “เยีย ไม้ ฮิ้ว.”
ฟาลิสี เมี่ยน ฒ่า หน่าย มฒีง หลง วั้ว เต้า เมี่ยน
13นิ่น บัว ฯฒฯ ต้อ มฒีง แม่ง หลง ต้าย วั้ว เต้า เมี่ยน มี่ง ฟาลิสี เมี่ยน วั้ว. 14ต้ง เยซู ไหธ ววม-ปั่ม เถง นิ่น ฑ้าด เจี๊ยน มฒีง ฌัง ต้าย วั้ว ฮนอย เซ ตี้ง กง ฮนอย. 15วั้ว เต๋ย ฟาลิสี เมี่ยน หย่า หน่าย นิ่น, “เม่ย เญย มฒีง ฮนั้ง หาย นอ ไฮ่ หลง, หมั่ง ตุ๊ ปวัด?”
นิ่น ก๊อง, “เยซู เฒาะ ววม-ปั่ม ฑ้าด เยีย เญย มฒีง. เยีย หฑาว ลิ์ว ฯฒฯ หมั่ง ตุ๊ ปวัด ต้าย อ๊ะ.”
16ม่าย เต๋ย ฟาลิสี เมี่ยน ก๊อง, “เถง มฒีง หมั่ง ตุ๊ ปวัด วั้ว เต้า เมี่ยน ไม้ เฒ์ย เยียม ทิน-ฮู่ง ต้าย, เหว่ย หฒุ นิ่น ไม้ เอย ตี้ง กง ฮนอย เญย เล์ย โหฒว.”
มป่า ม่าย เต๋ย ก๊อง, “ป์าม ฒุ์ย เญย เมี่ยน ฮนั้ง หาย นอ ไฮ่ โหฒว น้าย เต๋ย บัวะ ฮ่อง ไห่ เญย จั๋ง-โห่?” ฮนั้ง หน่าย นิ่น บัว ฯฒฯ ปุน ฆอย หมี่ อ๊ะ.
17ฟาลิสี เมี่ยน แอ๋ง หน่าย หฑุ่น วั้ว เต้า เมี่ยน, “นิ่น เถง เม่ย เญย มฒีง หลง, ไฮ่ หมั่ง ตุ๊ ปวัด. วั้ว หญู่ง, เม่ย ก๊อง นิ่น เซ หาย หญู่ง เมี่ยน?”
วั้ว เต้า เมี่ยน เตา, “นิ่น โหฒว เต้า โต่ว หว่า เมี่ยน.”
18โหฒว โฮล เญย ยิวไท เมี่ยน หธ่อ ไม้ เสียน นิ่น ฒิ่น ด่าง มฒีง แม่ง, อี้ หฒั่น ไฮ่ หมั่ง ตุ๊ ปวัด. นิ่น บัว ฯฒฯ เห่ว นิ่น เญย เตี๋ย หม่า ต้าย 19หน่าย นิ่น บัว, “น้าย เต้า เมี่ยน เม่ย บัว เญย ตอน? เม่ย บัว ก๊อง นิ่น เยียม-ทอย มฒีง แม่ง ต้ง น้าย เต้า ไฟ? วั้ว หญู่ง, นิ่น อี้ หฒั่น ฮนั้ง หาย นอ ไฮ่ หมั่ง ตุ๊ ปวัด?”
20วั้ว เต้า เมี่ยน เญย เตี๋ย หม่า เตา, “เยีย บัว ฮิ้ว ตุ๊ นิ่น โหฒว เยีย บัว เญย ตอน, หย่า ฮิ้ว ตุ๊ นิ่น ธ้วด เสย ต้าย มฒีง แม่ง หมี่ อ๊ะ. 21มป่า เยีย บัว ไม้ ฮิ้ว ตุ๊ นิ่น ฮนั้ง หาย นอ ไฮ่ หมั่ง ตุ๊ ปวัด, หย่า ไม้ ฮิ้ว ตุ๊ หาย เต้า หฒ่อ นิ่น เญย มฒีง ฌัง. เม่ย บัว กั้น หน่าย ก๋า นิ่น ม่าะ! นิ่น โฮล อ๊ะ. นิ่น กั้น ไฮ่ ก๊อง นิ่น กั้น เญย เจ๊า.” 22นิ่น เญย เตี๋ย หม่า ฮนั้ง น้าย นอ ก๊อง เหว่ย หฒุ นิ่น บัว กั้ม เหฑีย โหฒว โฮล เญย ยิวไท เมี่ยน. โหฒว โฮล เญย วั้ว เต๋ย ฒู้ง ก๊อง ลิ์ว, หาย เต้า เหญี่ยม เยซู โหฒว กีตู่, นิ่น บัว อ๋อย หฒุ่น ธ้วด หวุ่ย ต้อง. 23เหว่ย น้าย นิ่น เญย เตี๋ย หม่า หธีง ต้าย ก๊อง, “นิ่น โฮล อ๊ะ. เม่ย บัว หน่าย ก๋า นิ่น กั้น ม่าะ!”
24ฟาลิสี เมี่ยน เห่ว มฒีง แม่ง หฒ่อ หลง วั้ว เต้า เมี่ยน แอ๋ง ต้าย ตะเหญ่ย หฑุ่น หย่า บั๋ว นิ่น, “เม่ย อ๋อย หฒุ ตอง เจี๊ยน ทิน-ฮู่ง แล์ง เม่ย ขูง ก๊อง เฒียน ฮนั้ง.#9:24 กีก หว่า ก๊อง “อ๋อย หฒุ เธง ทิน-ฮู่ง.” เอ๋ย เล์ย เซ เมี่ยน ก๊อง น้าย เต๋ย หว่า เหว่ย แล์ง แหง่ง หว่า, ปุน เมี่ยน ฮิ้ว ตุ๊ นิ่น บัว อี้ หฒั่น ก๊อง เญย หว่า เซ เฒียน เญย. เยีย บัว ฮิ้ว ตุ๊ หฒ่อ เม่ย เญย มฒีง วั้ว เต้า เซ ฒุ์ย-เมี่ยน อ๊ะ.”
25วั้ว เต้า เมี่ยน เตา, “นิ่น โหฒว ฒุ์ย-เมี่ยน เฒ์ย ไฟ ไม้ เฒ์ย, เยีย ไม้ ฮิ้ว. เยีย ขูง ฮิ้ว ตุ๊ เหยียด หญู่ง ฮนั้ง. ฒิ่น ด่าง เยีย มฒีง แม่ง, อี้ หฒั่น เยีย ไฮ่ หมั่ง ตุ๊ ปวัด.”
26นิ่น บัว แอ๋ง หน่าย, “นิ่น โหฒว หาย หญู่ง ปุน เม่ย? นิ่น ฮนั้ง หาย นอ หฒ่อ เม่ย เญย มฒีง หลง, หมั่ง ตุ๊ ปวัด?”
27นิ่น เตา, “เยีย บั๋ว เจี๋ย เม่ย บัว, เม่ย บัว หย่า ไม้ หมวัง. เม่ย บัว เหว่ย หาย ติ่ว แอ๋ง อ๋อย หมวัง หฑุ่น? เม่ย บัว หย่า อ๋อย โหฒว นิ่น เญย ไซ-ก๋อ ไฟ?”
28นิ่น บัว ฯฒฯ ก๊อง โตะ นิ่น. นิ่น บัว ก๊อง, “เม่ย โหฒว วั้ว เต้า โล้ เญย ไซ-ก๋อ. เยีย บัว โหฒว โมเซ เญย ไซ-ก๋อ. 29เยีย บัว ฮิ้ว ตุ๊ ทิน-ฮู่ง เหธา โมเซ ก๊อง หว่า. มป่า วั้ว เต้า โล้ เยีย บัว เลี่ยม ไม้ ฮิ้ว ตุ๊ นิ่น เยียม หาย ต้าย.”
30วั้ว เต้า เมี่ยน เตา, “น้าย หฒะเก้ง บัวะ ห่อง ไห่. เม่ย บัว ไม้ ฮิ้ว ตุ๊ นิ่น เยียม หาย ต้าย. มป่า นิ่น หฒ่อ เยีย เญย มฒีง หมั่ง ตุ๊ ปวัด. 31บัว ฮิ้ว ตุ๊ ทิน-ฮู่ง ไม้ หมวัง ป์าม ฒุ์ย เมี่ยน เญย หว่า. มป่า หาย เต้า ท่าย ทิน-ฮู่ง, เอย เจี๊ยน นิ่น เญย เอ๋ย โหฒว, นิ่น หมวัง วั้ว เต้า. 32เยียม เหฒย ลู่ง เหฒย เดา ธ้วด ต้าย เถา อี้ หฒั่น, ไม้ ม่าย หาย เต้า ไฮ์ เจี๋ย ม่าย หาย เต้า หฒ่อ เยียม-ทอย มฒีง แม่ง เญย เมี่ยน หลง, ไฮ่ หมั่ง ตุ๊ ปวัด. 33สี ก๊อง น้าย เต้า เมี่ยน ไม้ เฒ์ย เยียม ทิน-ฮู่ง ต้าย นอ, นิ่น ไม้ ไฮ่ โหฒว หาย หญู่ง.”
34โหฒว โฮล เญย วั้ว เต๋ย เตา, “เม่ย ฒุ์ย-เมี่ยน ธ้วด เสย ต๋าย เจี๊ยน ฒุ์ย โฮล ต้าย, มป่า เม่ย อ๋อย หฌาว เยีย บัว?” นิ่น บัว ฯฒฯ หฒุ่น นิ่น ธ้วด หวุ่ย ต้อง หมี่ อ๊ะ.
เมี่ยน ม่าย ฒุ์ย เยซู เป๊ย มฒีง แม่ง
35เยซู ไฮ์ ก๊อง นิ่น บัว หฒุ่น น้าย เต้า เมี่ยน ธ้วด หวุ่ย ต้อง. นิ่น ฯฒฯ มี่ง ล์อ ปวัด หย่า หน่าย นิ่น, “เม่ย เสียน ป้าม เมี่ยน เญย ตอน ไฟ?”
36วั้ว เต้า เมี่ยน เตา, “ต้ม ก๋อ อ้า! นิ่น ต้ง หาย เต้า? โท้ เม่ย บั๋ว เยีย โอ่. เยีย ฯฒฯ ไฮ่ เสียน นิ่น.”
37เยซู ก๊อง บั๋ว นิ่น, “เม่ย ปวัด เจี๋ย นิ่น เญย. ต้ง อี้ หฒั่น เหธา เม่ย ก๊อง หว่า วั้ว เต้า.”
38วั้ว เต้า เมี่ยน ก๊อง, “เฒี้ยว อ้า! เยีย เสียน อ๊ะ.” นิ่น ฯฒฯ เกว่ย เหฌี่ย ป๋าย เยซู.
39เยซู ก๊อง, “เยีย เหฌี่ย ป้าม เกน เหว่ย เซี้ยม ฒุ์ย, ปุน มฒีง แม่ง เญย เมี่ยน ไฮ่ หมั่ง ตุ๊ ปวัด, หย่า ปุน หมั่ง ตุ๊ ปวัด วั้ว เต๋ย มฒีง แม่ง มี่ง.”
40ม่าย เต๋ย ฟาลิสี เมี่ยน เหธา เยซู เยียม วั้ว ไฮ์ นิ่น ฮนั้ง น้าย นอ ก๊อง ฯฒฯ หน่าย, “ฮนั้ง หน่าย, เยีย บัว หย่า มฒีง แม่ง เญย ไฟ?”
41เยซู เตา, “สี ก๊อง เม่ย บัว มฒีง แม่ง นอ, เม่ย บัว ไม้ ม่าย ฒุ์ย อ๊ะ. มป่า เม่ย บัว ก๊อง, ‘เยีย บัว หมั่ง ตุ๊ ปวัด เญย.’ ฮนั้ง หน่าย เม่ย บัว หธ่อ ม่าย ฒุ์ย เญย.”
Currently Selected:
โยฮัน 9: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007