โยฮัน 12
12
มาลียา เฒาะ โย่ว ดาง โต๋ เยซู เญย เหฒา
(เป๊ย หมั่ง มัดทาย 26:6-13; มาโค 14:3-9)
1 เสีย แหม่ง ฒิบ ไม้ แก้ง เถา, ฒิ่น ด่าง จุ๊ ฮนอย, เยซู มี่ง เบทานี ล์าง, ต้ง ไต่ มี่ง เยซู ปุน นั่ง ต้าย วั้ว เต้า ลาซาลัด เยียม เญย ล์าง. 2เยียม วั้ว นิ่น บัว เบ่น ต๋น หฮนาง โห่ว เยซู. มาทา หลิ่ว เล์ย นิ่น บัว. ลาซาลัด หย่า เหธา เยซู บัว จวั่ง เตี้ย หญั่น หฮนาง.
3วั้ว หฒั่น, มาลียา เฒาะ เหฒียบ ฟาม ลู์ง#12:3 13 ลู์ง เซ เล่ย ไม้ โก ด๊าม-กีโล เญย ต๋อง. เฒียน ไห่, จ๋าย ไห่ เญย นาดา โย่ว ดาง โต๋ เยซู เญย เหฒา, แอ๋ง หล่ง นิ่น กั้น เญย บะเปยย ซ้อด. โย่ว เญย เฉีย ดาง ปวั๊ง เหยียด นอม เปย๊า.#ลูกา 7:37-38
4ม่าย เต้า เยซู เญย ไซ-ก๋อ, ยูดาด อิสะคาลิโอด, ต้ง อ๋อย หม่าย เยซู วั้ว เต้า ฯฒฯ ก๊อง, 5“โหฒว หาย หญู่ง ไม้ ต้อ น้าย เต๋ย โย่ว มี่ง หม่าย ตุ๊ ญ่าน ต้าย ปุน เมี่ยน จ่ม เมี่ยน? น้าย ฝุน ต้าย หอบ ฟาม-แป๊ะ ฮนอย เญย กง-ฒิ่น#12:5 กีก หว่า ก๊อง 300 นอม เดนาลีอัด. เหยียด นอม เดนาลีอัด ฝุน เหยียด ฮนอย เญย กง-ฒิ่น. นีอา.” 6ยูดาด ฮนั้ง น้าย นอ ก๊อง เซ ไม้ เฒ์ย นิ่น ม่าย เฮญี้ยว ค้อ-เลี่ยน เมี่ยน จ่ม เมี่ยน. เซ เหว่ย หฒุ นิ่น กั้น โหฒว จั๋น-หฒะ. นิ่น เถง โก๋ว เยซู บัว เญย ต้ม หฒวัง ญ่าน บัวะ มป่า นิ่น กั้น หย่า ผิน ญ่าน ธ้วด.
7เยซู ก๊อง, “ไม้ ตู๋ง ก๊อง นิ่น ม่าะ! นิ่น ม่าย เญย เซว่ย นิ่น เลี่ยว เถา ปย๊บ เยีย วั้ว นอม ฮนอย. 8เม่ย บัว หฒั่นๆ ม่าย เมี่ยน จ่ม เมี่ยน เหธา เม่ย บัว เยียม, มป่า เม่ย บัว ไม้ ตุ๊ เยีย เหธา เม่ย บัว เหยียด ลิ์ว เยียม.”#หฑั่ม เล์ย-หลัด 15:11
ไซ เมี่ยน เปย๊ย ต๊า หฒะเอ๋ย ไต๋ ลาซาลัด
9ม่าย ยิวไท เมี่ยน ธั้ม ไฮ์ ก๊อง เยซู เยียม เบทานี ล์าง. นิ่น บัว ฯฒฯ มี่ง วั้ว ไม้ เฒ์ย ขูง ล์อ เยซู ฮนั้ง. นิ่น บัว หย่า อ๋อย หมั่ง ไต่ มี่ง, เยซู ปุน นั่ง ต้าย วั้ว เต้า ลาซาลัด. 10ไซ เมี่ยน เปย๊ย บัว ฯฒฯ ต๊า หฒะเอ๋ย อ๋อย เลี่ยม ลาซาลัด ไต๋, 11เหว่ย หฒุ นิ่น เญย สี่ ธ้วด ต้าย ปุน เมี่ยน ธั้ม กวั่ง เจี๊ยน ไซ เมี่ยน เปย๊ย เสียน เยซู.
เยซู เปียะ เยลูซาเลม ฒี่ง ฮนั้ง เต้า ฮู่ง นอ
(เป๊ย หมั่ง มัดทาย 21:1-11; มาโค 11:1-11; ลูกา 19:28-40)
12ตะเหญ่ย ฮนอย, ต้าย เจี๋ย ฒิบ วั้ว เต๋ย หฒวัง เมี่ยน ไฮ์ ก๊อง เยซู ต้าย อ๊า ลั่ม เถา เยลูซาเลม. 13นิ่น บัว ฯฒฯ นั้น เจี๊ยน ตาว-น่อม ธ้วด มี่ง ฒิบ, หย่า เห่ว เจี๊ยน ก๊อง,
“โฮซานา!#12:13 เป๊ย หมั่ง มัดทาย 21:9.
โท้ เหธย ฟุ ปุน เต๊ง เฒี้ยว เญย บั๋ว ต้าย วั้ว เต้า.#สีง ฑูง 118:25-26
โท้ ทิน-ฮู่ง เหธย ฟุ ปุน อิสะลาเอน เมี่ยน เญย ฮู่ง เตี๋ย.”
14เยซู ล์อ ตุ๊ เต้า มาลี ธาน ฯฒฯ เก้ เจี๊ยน ต้าย, ฮนั้ง กีง-โซว เฟี้ย เจี๊ยน ก๊อง นอ,
15“สิโอน ฒี่ง#12:15 ฟาน หฒะ ก๊อง สิโอน เญย เซียะ. อ้า! ไม้ ตู๋ง กั้ม เหฑีย.
เม่ย เญย ฮู่ง เตี๋ย เก้ เจี๊ยน มาลี ธาน ต้าย.”#เสคาลิยา 9:9
16ต้าว ตั้ง เยซู เญย ไซ-ก๋อ บัว ไม้ เม่ง แปะ น้าย เต๋ย เจ๊า. มป่า เยซู ไต่, ทิน-ฮู่ง แอ๋ง ปุน นิ่น นั่ง ต้าย ท่าย นิ่น โหฒว โฮล, นิ่น บัว หธีง จั๋ง หฒุ กีง-โซว เฟี้ย เจี๊ยน ฮนั้ง น้าย นอ ก๊อง เถา เยซู, หย่า จั๋ง หฒุ เมี่ยน ฮนั้ง น้าย นอ โหฒว ปุน เยซู.
17ปวัด เยซู เห่ว ลาซาลัด เยียม โฒ้ว นั่ง ธ้วด ต้าย วั้ว เต๋ย หฒวัง เมี่ยน โหฒว ฒอง- เหฒง ก๊อง เหฑ่ง น้าย เต๋ย เจ๊า-โหล่ว. 18เหว่ย หฒุ หฒวัง เมี่ยน ไฮ์ ก๊อง เยซู โหฒว น้าย หฑุ่น บัวะ ฮ่อง เญย จั๋ง-โห่, นิ่น บัว ฯฒฯ มี่ง ฒิบ. 19ฟาลิสี เมี่ยน ฯฒฯ ล่าน บั๋ว ล่าน, “หมั่ง ม่าะ! บัว โหฒว ไม้ ธ้วด หาย หญู่ง. ลู่ง เดี๊ย เมี่ยน กัน เหฑ่ง นิ่น หมี่ อ๊ะ.”
ม่าย เต๋ย จั๋น-กีก ต้าย ล์อ เยซู
20มี่ง เยลูซาเลม ฒี่ง เจี๋ย เสีย แหม่ง ฒิบ วั้ว หฒั่น, ม่าย เต๋ย จั๋น-กีก หย่า กัน เจี๊ยน มี่ง หฒั่ง ทิน-ฮู่ง. 21น้าย เต๋ย จั๋น ต้าย ล์อ ฟีลิบ, ต้ง เยียม กาลิลี แซ้ง, เบดไซดา มู้ง ต้าย วั้ว เต้า ไซ-ก๋อ, ก๊อง บั๋ว นิ่น, “ต้ม ก๋อ อ่า, เยีย บัว อ๋อย ปวั้ง#12:21 ปวั้ง กีก หว่า ก๊อง ปวัด, มป่า นิ่น บัว ไม้ เฒ์ย ขูง อ๋อย ปวัด ฮนั้ง. นิ่น บัว เก้ง อ๋อย ปวั้ง เยซู. เยซู โอ่.” 22ฟีลิบ ฯฒฯ มี่ง บั๋ว อันดาลู. นิ่น บัว อี เต้า ฯฒฯ มี่ง บั๋ว เยซู.
23เยซู เตา นิ่น บัว, “อี้ หฒั่น เยีย, ป้าม เมี่ยน เญย ตอน, ตุ๊ ฌัง-หล่าง เญย เฒี่ยง โห่ ฒู้ง เถา อ๊ะ. 24เยีย ก๊อง เฒียน บั๋ว เม่ย บัว, ม่าย เหยียด นอม ธุ ไม้ หฒวัง เหฌี่ย เดา ฮู้ มี่ง นอ, มต้าย ต้ง วั้ว ดุ นอม ธุ ฮนั้ง. มป่า สี ก๊อง หฒวัง เหฌี่ย เดา ฮู้ มี่ง ฯฒฯ ธ้วด ต้าย ตุ๊ ธั้ม อ๊ะ. 25หาย เต้า ขูง ฮนั้ม นิ่น กั้น เญย แหม่ง, วั้ว เต้า ฯฒฯ หฒุ กวั่ง นิ่น เญย แหม่ง. มป่า หาย เต้า ไม้ ค้อ-ฟิ นิ่น เญย แหม่ง, วั้ว เต้า ฯฒฯ โก๋ว เจี๊ยน นิ่น เญย แหม่ง เถา เหยียด ลิ์ว.#มัดทาย 10:39; 16:25; มาโค 8:35; ลูกา 9:24; 17:33 26หาย เต้า อ๋อย เถง เยีย โหฒว โปว, อ๋อย หฒุ กัน เจี๊ยน เยีย มี่ง. เยีย เยียม หาย, โปว หย่า เหธา เยีย เยียม วั้ว. หาย เต้า โหฒว เยีย เญย โปว, เยีย เญย เตีย อ๋อย ท่าย นิ่น.
เยซู ก๊อง นิ่น กั้น อ๋อย หฒุ ไต่
27“อี้ หฒั่น เยีย เฮญี้ยว เฑ่า ไห่. เยีย อ๋อย หฒุ ฮนั้ง หาย นอ ก๊อง นี? อ๋อย หฒุ ก๊อง, ‘อา เตีย อ้า! โท้ เตีย เหฌียว เยีย ไม้ หฒุ ปวั้ง น้าย เต๋ย โค้ว เญย สี่’ ไฟ? ไม้ เฒ์ย! เยีย ต้าย เหว่ย อ๋อย หฒุ เสี่ยว น้าย หญู่ง โค้ว. 28อา เตีย อ้า! โท้ ปุน เตีย เญย บั๋ว ตุ๊ ฌัง-หล่าง.”
แอ๋ง ม่าย เฉีย เยียม วั้ว ลู่ง ก๊อง, “เยีย ฒู้ง ปุน เยีย เญย บั๋ว ตุ๊ ฌัง-หล่าง. เยีย แอ๋ง อ๋อย ปุน ตุ๊ ฌัง-หล่าง.” 29โซ้ว เจี๊ยน วั้ว เญย หฒวัง เมี่ยน ไฮ์ วั้ว หญู่ง เฉีย บุย, ม่าย เต๋ย ก๊อง, “บะอง บุย.” ม่าย เต๋ย ก๊อง, “ฟิน-เมี่ยน เหธา นิ่น ก๊อง หว่า.”
30มป่า เยซู บั๋ว นิ่น บัว, “น้าย เต๋ย เฉีย บุย เซ เหว่ย เม่ย บัว, ไม้ เฒ์ย เหว่ย เยีย. 31อี้ หฒั่น เถา เฒี่ยง โห่ ทิน-ฮู่ง อ๋อย ตี่ง ลู่ง เดี๊ย เมี่ยน เญย ฒุ์ย. กุ๊น ป้าม เกน วั้ว เต้า หย่า อ๋อย หฒุ หฒุ่น ธ้วด. 32เยีย เยียม เดา หฒุ เมี่ยน เหลียบ ฝาว ฮลัง วั้ว หฒั่น, เยีย อ๋อย หยัวะ เต้าๆ เมี่ยน ต้าย ล์อ เยีย.” 33(เยซู ฮนั้ง น้าย นอ ก๊อง เหว่ย ปุน ธีง นิ่น อ๋อย หฒุ ฮนั้ง หาย นอ ไต่.)
34หฒวัง เมี่ยน ก๊อง, “เล์ย-หลัด บั๋ว เยีย บัว, กีตู่ อ๋อย เหยียด ลิ์ว เยียม. วั้ว หญู่ง เม่ย ฮนั้ง หาย นอ ไฮ่ ก๊อง ป้าม เมี่ยน เญย ตอน อ๋อย หฒุ เมี่ยน เหลียบ ฝาว ฮลัง? น้าย เต้า ป้าม เมี่ยน เญย ตอน ต้ง หาย เต้า?”#สีง ฑูง 110:4; อิสะยา 9:7; เอเสเคน 37:25; ดานีเอน 7:14
35เยซู บั๋ว นิ่น บัว, “ฌัง แอ๋ง เหธา เม่ย บัว เยียม โต่ว ฮนั้ง. หธ่อ ม่าย ฌัง เญย เฒี่ยง โห่ ก๊าน เจี๊ยน ยั่ง เจ๊า มี่ง อ๊ะ. มเหฑีย หฮมวัง อ๋อย ต้าย อม เจี๊ยน#12:35 ฟาน หฒะ กีก หว่า ก๊อง หฒุ่น หฒ่าย. เม่ย บัว. หาย เต้า เยียม หฮมวัง ยั่ง เจ๊า, วั้ว เต้า ไม้ ฮิ้ว ตุ๊ นิ่น มี่ง หาย. 36ม่าย ฌัง เญย เฒี่ยง โห่ เม่ย บัว อ๋อย หฒุ เสียน เขา ฌัง. เม่ย บัว ฯฒฯ เป๋น เยียม ฌัง เญย เมี่ยน.” ก๊อง ลิ์ว น้าย เต๋ย หว่า, เยซู ธ้วด มี่ง ปี๋ง นิ่น บัว หมี่ อ๊ะ.
ยิวไท เมี่ยน หธ่อ ไม้ เสียน เยซู
37ไม้ กุ๊น เยซู โหฒว บัวะ ฮ่อง ไห่ เญย จั๋ง-โห่ ด่ง หน่าย ธั้ม ปุน ยิวไท เมี่ยน ปวัด, นิ่น บัว หธ่อ ไม้ เสียน นิ่น. 38ฮนั้ง หน่าย เหว่ย ปุน โต่ว หว่า เมี่ยน, อิสะยา, เญย หว่า ธ้วด ต้าย ต๋อย เหฑ่ง. อิสะยา ก๊อง,
“เฒี้ยว อ้า! ม่าย หาย เต้า เสียน เยีย บัว ฒุ่น เญย หว่า?
เฒี้ยว ปุน หาย เต้า ตุ๊ ปวัด นิ่น เญย ชะ?”#12:38 ฟาน หฒะ ก๊อง “เฒี้ยว เญย ปั์ว เญย ชะ”.#อิสะยา 53:1
39เหว่ย น้าย นิ่น บัว ไม้ ไฮ่ เสียน. เหว่ย หฒุ อิสะยา แอ๋ง ก๊อง,
40“ทิน-ฮู่ง ปุน นิ่น บัว เญย มฒีง แม่ง,
หย่า ปุน นิ่น บัว เญย เฮญี้ยว แหง่ง.
เหฑีย นิ่น บัว เญย มฒีง ไฮ่ หมั่ง ตุ๊ ปวัด,
นิ่น บัว เญย เฮญี้ยว หย่า ไฮ่ เม่ง แปะ
ฯฒฯ ฮวิน หฑวน ต้าย ปุน เยีย หฒ่อ หลง นิ่น บัว.”#อิสะยา 6:10
41อิสะยา ฮนั้ง น้าย นอ ก๊อง เหว่ย หฒุ นิ่น ตุ๊ ปวัด เยซู เญย ฌัง-หล่าง หย่า ก๊อง เถา นิ่น.
42ม่าย โหฒว โฮล เญย ยิวไท เมี่ยน ธั้ม เญย เสียน เยซู. มป่า นิ่น บัว ไม้ ตอง หฒวัง เหญี่ยม เหว่ย หฒุ นิ่น บัว กั้ม เหฑีย ฟาลิสี เมี่ยน อ๋อย หฒุ่น นิ่น บัว ธ้วด หวุ่ย ต้อง. 43นิ่น บัว อะเฮน้ย เมี่ยน เธง นิ่น บัว เก้า ธั้ม ตุ๊ ทิน-ฮู่ง เธง.
เยซู เญย หว่า ตี่ง เมี่ยน เญย ฒุ์ย
44เยซู หล่ง เฉีย โฮล เญย แอ๋ง ก๊อง, “หาย เต้า เสียน เยีย, ไม้ ตาน เสียน เยีย ฮนั้ง. นิ่น หย่า เสียน พ้าย เยีย ต้าย วั้ว เต้า. 45หาย เต้า ปวัด เยีย, หย่า ปวัด พ้าย เยีย ต้าย วั้ว เต้า. 46เยีย ต้าย เปียะ ป้าม เกน เหว่ย โหฒว นอม ฌัง. หาย เต้า เสียน เยีย, ไม้ หฒุ เยียม หฮมวัง กะญั์ว. 47หาย เต้า ไฮ์ เยีย เญย หว่า หย่า ไม้ เอย เจี๊ยน โหฒว, เยีย ไม้ เซี้ยม นิ่น เญย ฒุ์ย. เยีย ต้าย ไม้ เฒ์ย อ๋อย เซี้ยม ป้าม เมี่ยน เญย ฒุ์ย. เยีย ต้าย เหว่ย เหฌียว นิ่น บัว. 48หาย เต้า เฆ่ม เยีย, ไม้ หมวัง เยีย เญย หว่า, ม่าย เต้า อ๋อย เซี้ยม นิ่น. เถา ฆะฮ้า ลาย วั้ว ฮนอย เยีย ก๊อง เญย หว่า อ๋อย เซี้ยม นิ่น เญย ฒุ์ย. 49เหว่ย หฒุ เยีย เญย หว่า ไม้ เฒ์ย เอย เยีย กั้น เญย เฮญี้ยว ฮนั้ม ธ้วด ต้าย ก๊อง. หฒั่ง เตี๋ย พ้าย เยีย ต้าย บั๋ว เยีย ก๊อง หาย หญู่ง หย่า อ๋อย หฒุ ฮนั้ง หาย นอ ก๊อง. 50เยีย ฮิ้ว ตุ๊ นิ่น เญย หลี่ง ไฮ่ ปุน เมี่ยน ตุ๊ เหยียด ลิ์ว เญย แหม่ง. เหว่ย น้าย เยีย ก๊อง เญย หว่า เหยียด ฒู้ง เซ เอย เยีย เญย เตีย บั๋ว เยีย ก๊อง.”
Currently Selected:
โยฮัน 12: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007