อิสะยา 1
1
แปะ ฝีง แหง่ง ทิน-ฮู่ง
1น้าย เซ อาม้อด เญย ตอน, อิสะยา, ปวัด หล่าว ย่าง เญย สี่, ก๊อง เถา ยูดา เหธา เยลูซาเลม เญย เจ๊า-โหล่ว ต๋อย อุดซียา,#2 ฮู่ง โต้ว 15:1-7; 2 ฒุ่น ต่อย โต้ว 26:1-23 โยทาม,#2 ฮู่ง โต้ว 15:32-38; 2 ฒุ่น ต่อย โต้ว 27:1-9 อาหัด#2 ฮู่ง โต้ว 16:1-20; 2 ฒุ่น ต่อย โต้ว 28:1-27 เหธา เฮเซคียา#2 ฮู่ง โต้ว 18:1—20:21; 2 ฒุ่น ต่อย โต้ว 29:1—32:33 โหฒว ยูดา ฮู่ง เญย เฒี่ยง โห่.
เฮญี้ยว แหง่ง เญย แปะ ฝีง
2ลู่ง อ้า! หมวัง ม่าะ!
เดา อ้า! แปง มน่อม หมวัง,
เหว่ย หฒุ เฒี้ยว ก๊อง,
“เยีย ต้อ น่าม โญ์ว หย่า ต้อ นิ่น บัว โฮล ต้าย,
มป่า นิ่น บัว แหง่ง เยีย.
3ง่ง เฒียะ ตุ๊ นิ่น เญย เฒี้ยว,
ล่อ หย่า เฒียะ ตุ๊ นิ่น เญย เฒี้ยว เญย เมี้ย-โฒ่,
มป่า อิสะลาเอน เมี่ยน เฒียะ ไม้ ตุ๊,
เยีย เญย แปะ ฝีง ไม้ เปียะ เฮญี้ยว.”
4อา, ป์าม ฒุ์ย เญย เหยียด กั๊วะ เมี่ยน,
ฒุ์ย เฮนี้ย ไห่ เญย แปะ ฝีง,
โหฒว เอ๊าะ สี่ เญย ฒวั้ง,
โหฒว ป่าย หว่าย เญย น่าม โญ์ว.
นิ่น บัว กวั่ง เฒี้ยว,
หมั่ง เผีย อิสะลาเอน เญย ธีง-เหฑ่ง ทิน-ฮู่ง.
นิ่น บัว ฮวิน ฆาง เล่ย นิ่น.
5เม่ย บัว เหว่ย หาย ติ่ว แหง่ง เจี๊ยน มี่ง
ฯฒฯ อ๋อย หฒุ แอ๋ง หฒุ เบ๊าะ?
เฒี่ยง นอม มฆ้อง มุน,
เฮญี้ยว หย่า เมา เหฑ่ง.
6เยียม เหฒา-เป๊น เถา มฆ้อง-แป้ง,
เฒี่ยง ซิน ไม้ ม่าย เหยียด นอม ต๋อง หลง.
ขูง ม่าย ฝาว ฑย้าม, ปุ๊ด ฟาง,
ม่าย ฑย้าม เหลี่ยว ธ้วด เญย กะน้าย-มุน,
หย่า ไม้ ม่าย หาย เต้า ฒัด ไฟ เถง เปว,
ไฟ หล่ง โย่ว ฑ้าด มุน เญย ต๋อง.
7เม่ย บัว เญย กั๊วะ เป๋น เดา-ฮวาง,
เม่ย บัว เญย ฒี่ง หฒุ โต์ว ปั๊ว ชุย.
เม่ย บัว หมั่ง เจี๊ยน เญย เฒี่ยง โห่,
กั้น ฝีง เมี่ยน อ๋อย ป่าย หว่าย เม่ย บัว เญย เต่ย-ปูง,
ฯฒฯ หฒุ กั้น ฝีง เมี่ยน เบี๊ยน
เป๋น เต่ย-ปูง-ฮวาง เหฑ่ง.
8ขูง เหฒ่ง สิโอน ฒี่ง#1:8 ฮิบลู หว่า ก๊อง สิโอน เญย เซียะ.
ฮนั้ง ฒั้ว อะหงุ่น หฮวีง เญย ลิ่ว,
ฮนั้ง เยียม กวา-ววม เด่ย เญย ลิ่ว,
หย่า ฮนั้ง หฒุ เว่ย ก๋อม เญย ฒี่ง.
9สี ก๊อง เน่น เจี๋ย เญย เฒี้ยว
ไม้ เลี่ยว เหฌี่ย เต๋ย เฒ้ย-ฟุน ธ้วด สีง แหม่ง,
เยีย บัว ฯฒฯ หฒุ ฮนั้ง โสโดม,
หย่า ฮนั้ง โกโมลา.#ทิน เต่ย โต้ว 19:24; โลมา 9:29
เห่ว อิสะลาเอน เมี่ยน ก๊อย เฮญี้ยว หฑวน
10เม่ย บัว โหฒว โฮล, กุ๊น โสโดม ฒี่ง เญย เมี่ยน อ้า!
หมวัง เฒี้ยว เญย หว่า ม่าะ!
โกโมลา ฒี่ง เญย แปะ ฝีง อ้า!
แปง มน่อม หมวัง เยีย บัว เญย ทิน-ฮู่ง หฌาว เญย หว่า.
11 เฒี้ยว ก๊อง, “เม่ย บัว ฝ่ง ห่อ เหฒี่ย กะน้าย ธั้ม เญย,
เหว่ย เยีย ม่าย หาย หญู่ง เอ๋ย เล์ย?
เยีย ตุ๊ ปั๊ว เหฒี่ย เญย ยู่ง โก๊ว
เหธา หวุย จุ่น เญย แซง-คู้ เฮมย ฒู้ง เก๋า ไห่ อ๊ะ.
เยีย หย่า ไม้ อะเฮน้ย ง่ง โก๊ว
เหธา ปะกี ยู่ง ตอน เหธา ยู่ง โก๊ว เญย ฑย้าม.#อาโม้ด 5:21-22
12เม่ย บัว ต้าย เยียม เยีย เญย หฑะเฮมียน เญย เฒี่ยง โห่,
หาย เต้า เห่ว เม่ย บัว ต้าย หลิ่น เยีย เญย หลาด กะญั์ว?
13เม่ย บัว ไม้ ตู๋ง แอ๋ง ต้อ
เม่ย บัว ไม้ ลั่ม หล่ง เญย กะน้าย ฝ่ง ห่อ ปุน เยีย,
เม่ย บัว เญย ฮูง เยีย กั้ม เฑี้ย ไห่.
เซียง-หฮลา เหธา ตี้ง กง ฮนอย เหธา เห่ว กั๊บ ฒุ้น เญย ต้ม หวุ่ย,
เยีย เตี๊ย ไม้ ตุ๊ เม่ย บัว โหฒว เญย ฒุ์ย
เหธา เม่ย บัว กัน เล์ย กั๊บ ฒุ้น เญย หวุ่ย.
14เยีย ฑอง ไห่ เม่ย บัว เญย
เซียง-หฮลา ฒิบ เหธา ตี่ง ต้าย เญย ฒิบ.
อี้ หฒั่น เยีย ดาม เฮนี้ย,
ฒู้ง ไฮ์ ดาม โค้ว ไห่.
15เม่ย บัว ซูง เจี๊ยน ปั์ว เต๋า เก๋า เญย เฒี่ยง โห่,
เยีย อ๋อย ปวัง เจี๊ยน เยีย เญย มฒีง ไม้ หมั่ง เม่ย บัว.
ไม้ กุ๊น เม่ย บัว เต๋า เก๋า ธั้ม,
เยีย ไม้ หมวัง.
เม่ย บัว เญย ปั์ว ม่าย ไต๋ เมี่ยน เญย ฑย้าม
กั๊วะ ปวั๊ง เหฑ่ง.
16เม่ย บัว อ๋อย หฒุ สา กั้น ธีง-เหฑ่ง ต้าย,
เฒาะ ฆอย เม่ย บัว เญย เอ๊าะ สี่
ปุน เยีย ไม้ หฒุ หมั่ง.
ตี้ง เหฌี่ย, ไม้ ตู๋ง โหฒว หว่าย สี่.
17อ๋อย หฒุ โหะ โหฒว หอบ เญย สี่,
ล์อ แป้ง ฟิม เญย เจ๊า,
เถง หฒุ เหฒย เญย เมี่ยน.#1:17 ไฟ “ก๊อง เหฒย เมี่ยน เญย เมี่ยน”.
อ๋อย หฒุ เปว กู้ ฮั่น ฝุเจว๊ย
หย่า เถง เอ๊า-กว๊า เบ่น ซูง.”
18 เฒี้ยว ก๊อง,
“อี้ หฒั่น ต้าย ม่าะ! บัว ล่ม ฑ่อย ธ่าง ล่าง ต๊า หฒะเอ๋ย.
ไม้ กุ๊น เม่ย บัว เญย ฒุ์ย ห่ง ซิ,
ฒู้ง อ๋อย ทิ้ว ฮนั้ง ซอง นอ บ๊บ แปะ.
ไม้ กุ๊น เม่ย บัว เญย ฒุ์ย หฑั่น ซิ,
ฒู้ง อ๋อย แปะ ฮนั้ง ปะกี ยู่ง เปยย.
19สี ก๊อง เม่ย บัว ปวั๊ง เฮญี้ยว หมวัง เยีย เญย หว่า,
เม่ย บัว ฯฒฯ ตุ๊ หญั่น เยียม เต่ย-ปูง
เก้า หลง เจี๋ย เญย กะน้าย.
20มป่า สี ก๊อง เม่ย บัว ไม้ คั้ง หมวัง, แอ๋ง แหง่ง เจี๊ยน นอ,
เม่ย บัว ฯฒฯ หฒุ หฑุ ด๊าว เหมียด เม่ย บัว.”
น้าย เซ เฒี้ยว กั้น เญย ฑุ่ย ก๊อง.
เซี้ยม ฒี่ง เญย ฒุ์ย
21น้าย นอม เหฒียบ ฒัวะ ฒี่ง อี้ หฒั่น ทิ้ว
ฮนั้ง เป๋น หม่าย ซิน เญย มเซียะ ตอน.
ฒิ่น ด่าง ม่าย แป้ง ฟิม ปวั๊ง เหฑ่ง,
โหฒว หอบ เญย สี่ เยียม กะญั์ว.
มป่า อี้ หฒั่น ขูง ม่าย ไต๋ เมี่ยน เญย เมี่ยน เยียม.
22เม่ย บัว เญย ญ่าน ทิ้ว เป๋น ญ่าน ไฆ้,
เม่ย บัว เญย ติ๊ว-คู้ เผว เจี๊ยน ววม.
23เม่ย บัว เญย เจียน แหง่ง เยีย,
หย่า เหธา จั๋น-หฒะ โหฒว ต่อย.
เต้าๆ อะเฮน้ย ฒิบ ญ่าน หฮมวัง,
ชะ โหฒว เหว่ย ตุ๊ ฒี่ง เหญ่ย.
นิ่น บัว ไม้ เถง โก๋ว กู้ ฮั่น ฝุเจว๊ย,
เอ๊า-กว๊า เญย สี่ หย่า ไม้ เถา นิ่น บัว เญย หฑะเฮมียน.
24เหว่ย น้าย, เฒี้ยว, ต้ง เน่น เจี๋ย เญย เฒี้ยว,
เซ อิสะลาเอน เญย เฮ้น ไห่ ทิน-ฮู่ง ก๊อง,
“หมั่ง ม่าะ! เยีย อ๋อย ปุน เยีย เญย กะเฉีย แป๊ด ธ้วด,
ฮี่ง เจี๋ย เยีย เญย วิน-วั้ง,
หย่า จ๊าว วิน ปุน เยีย เญย วิน-จา.
25เยีย อ๋อย หล่ง เยีย เญย ปั์ว โหฒว ปุน เม่ย บัว.
อ๋อย สิน เม่ย บัว ฮนั้ง สิน เจียม ญ่าน เญย ไฆ้ ธ้วด.
เซ ฮนั้ง หล่ง เฑีย-ววม โหฑ เหฑ่ง นอ,
เฒาะ ฆอย ไม้ ธีง-เหฑ่ง เญย เหยียด ฒู้ง.
26เยีย อ๋อย ปุน เม่ย บัว เญย เซี้ยม ฒุ์ย เจียน ฮนั้ง โล์ วั้ว นอ,
หย่า ปุน เม่ย บัว เญย ธ่าง ล่าง เมี่ยน ฮนั้ง ต้าว ตั้ง วั้ว หฒั่น.
ฆะฮ้า เมี่ยน ฯฒฯ เห่ว น้าย นอม ฒี่ง เป๋น
แป้ง ฟิม, เหฒียบ ฒัวะ เญย ฒี่ง.”#1:26 น้าย โต่ว ก๊อง หฒุ เยลูซาเลม. แอ๋ง ม่าย นอม บั๋ว เห่ว สิโอน.
27 สิโอน เหว่ย แป้ง ฟิม เญย เจ๊า ตุ๊ หฒัวะ หฑวน,
เหว่ย โหฒว หอบ เญย เจ๊า เยียม ฒี่ง กะญั์ว
ก๊อย เฮญี้ยว เญย เมี่ยน หย่า ตุ๊ หฒัวะ.
28มป่า เฮญี้ยว แหง่ง เญย เมี่ยน เหธา ฒุ์ย-เมี่ยน
อ๋อย ล่ม ฑ่อย หฒุ ป่าย เหฑ่ง.
กวั่ง เฒี้ยว วั้ว เต๋ย
หย่า อ๋อย หฒุ เหมียด.
29“เม่ย บัว อ๋อย หฒุ ไญ้
หลาย เม่ย บัว อะเฮน้ย วั้ว เต๋ย บะอง เฒวย เดี๋ยง.#1:29 น้าย เซ นิ่น บัว ต๋อง เฒี่ยน ป๋าย เญย เดี๋ยง.
เม่ย บัว หลาย เม่ย บัว กิ๊น ต้าย เญย หฮวีง
อ๋อย หฒุ ป่าย เฮมียน.
30เม่ย บัว ฯฒฯ ฮนั้ง บะอง เฒวย เดี๋ยง, น่อม ฆาย มี่ง,
หย่า ฮนั้ง ไม้ ม่าย ววม เญย หฮวีง.
31ม่าย ชะ เญย เมี่ยน ฯฒฯ ฮนั้ง ล่าม่า สุย เญย ญ่ง,
นิ่น โหฒว เญย กง ฮนั้ง โต์ว-ฟีง.
อี หญู่ง ฒู้ง หฒุ โต์ว ปั๊ว,
หย่า ไม้ ม่าย หาย เต้า เบ๊าะ ตุ๊ โต์ว ไต่.”
Currently Selected:
อิสะยา 1: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007