Phatna-late 94
94
1 Phu a lapa Pasian, TOPA aw,#Pc 4:24
phu lapa Pasian aw, tangkhia in.#Tp 33:2
2 Leitung thukhenpa aw, thoto in;#Pc 18:25
a kisatheite amau tawh kituakin thuk in.#Ph 31:23
3 TOPA aw, a gilote bang tanvei,
bang tanvei a gilote nuamsa lai ding uh ahi hiam?#Ph 13:2
4 Amaute in ki-uatsakna kam bungkhiakhia uh a;#Jer 43:2
a gilo-a gamta khempeuh a kisialsial uh hi.#Ph 52:1
5 TOPA aw, amaute in na mite suzan uh a;#Ph 44:2
na gouluahte a nengniam uh hi.#Ph 28:9
6 Amaute in meigongnute le pemtate golum uh a;#Tp 10:18
pa nei lote a that uh hi.
7 Amaute in, " TOPA in mu lo hi;#Job 22:14
Jacob Pasian in phamawh sa kei," ci uh hi.#Pc 24:12
8 No, mite laka bangmah phawk lote aw, thusim un;
no mihaite aw, cik ciangin pil ding na hi uh hiam?
9 Bil khua a zasakpa in za lo ding ahi hiam?
mit khua a musakpa in mu lo ding ahi hiam?#Pk 4:11
10 Minamte a sektatpa in dan tuaksak lo ding ahi hiam?
Mite thu a hilhpa in theih loh nei ding ahi hiam?#Pk 35:34
11 TOPA in mihing ngaihsutnate thei a;#Ph 139:2
amaute a mawkna ahilam a thei hi.#1Co 3:20
12 TOPA aw, na thukham hilhin#Job 5:17
na sektat mi thupha ngah hi a;#Tp 8:3
13 migilote adingin gum a kitawhsak matengin#Ph 7:15
lungkham huna dingin suahtakna na guan hi.#Ph 86:7
14 Ahang in, TOPA in ama mite nolh lo dinga;#Tp 31:6
ama gouluahte a taisan ngei kei ding hi.
15 Thumaanna tungah thukhenna kibulphuh kik dinga,#Ph 97:2
tuateh a lungsima thutang khempeuh in a zui ding uh hi.#Ph 7:10
16 Migilote langah kei adingin kua ding ding ahi hiam?
Asia-a gamtate langah kei adingin kua ding ding ahi hiam?
17 TOPA in kei hong huh lo hi leh#Ph 124:2
dai dide-in sihna sungah ka teng khin tham ding hi.
18 "Ka khe tal ei," ka cih ciangin#Tp 32:35
TOPA aw, na itna in kei hong lenkip hi.
19 Ka sungah lunghimawhna a tam luat ciangin#Thn 11:10
nong khamuanna in ka hinna a nuamsak hi.#Job 6:10
20 Thukipte pansan a gimna a tun -#Jer 22:30
a kisiasa kumpi tokhom tawh nang kipawl thei ding na hi hiam?#Ph 58:2
21 Thumaan langkhat ah amaute kipawlkhawm uh a,#Ph 56:6
mawhpengte a si dingin a mawhpaih uh hi.#Pc 18:23
22 Ahi hangin TOPA ka kulhpi hong suak a,
ka Pasian ka belh suangpi hong hi hi.
23 Amah in amau mawhnate bangin thuk kik dinga,#Pk 32:34
a gitlohna uh hangin a susia ding hi;#Ph 9:5
eite Pasian, TOPA in amaute a susia ding hi.
Currently Selected:
Phatna-late 94: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission