Phatna-late 77
77
Tumtheih makaipa ading. Jeduthun ading. Asaph phuah. Phatna-la khat.
1 Pasian tungah huhna ngenin ka kikokhia hi;
Pasian hong zak dingin ka kikokhia hi.
2 Ka lungdon ciangin Pasian ka sam hi;#Pc 32:7
zanin ka khut gimsak loin ka zakkhia a,#Pk 9:29
ka hinna a kihehnem thei kei hi.#Pc 37:35
3 Pasian aw, nang hong phawkin ka mau hi;#Pk 2:23
ka lungsim ka geelgeel a ka kha a bah ta hi. #Selah
4 Ka mit na mitsisak kei a,
lungkham lua-in ka pau kei hi.
5 A beisa nite le kum sawtpi laite#Tp 32:7
ka ngaihsun hi;
6 zana ka la sakte ka phawk hi.
Ka lungsim in geelgeelin ka kha in dong a:
7 "Topa in eite hong nial den tam maw?
Ama angvanna hong lak kik nawn kei ve maw?#Ph 85:1
8 Ama itna kip mangsuakta hi ve maw?#Ph 6:4
Ama thuciam kipeel den ta ve maw?#2Pe 3:9
9 Pasian in a lainat ding mangngilh ahi tam?#Ph 25:6
Amah hehin ama khuatuahna dok kik ta ahi tam?" ci hi. #Selah
10 Tua ciangin hih thu: "Sang Penpa taklam khut seplai kumte,#Pk 15:6
ngen lai ning," ci-in ka ngaihsun hi.
11 TOPA’ sepsate ka phawk ding hi;
hihi, tanglai-a na bawl nalamdangte ka phawk ding hi.
12 Na nasepte khempeuh ka lungngaingai dinga,#Pc 24:63
a thahat na nasepte khempeuh ka ngaihsunsun ding hi.#Ph 143:5
13 Pasian aw, na lampite a siangtho hi.
Eite Pasian zah a lian bang pasian om ahi hiam?#Pk 15:11
14 Nalamdangte a bawl Pasian nang na hi-a;#Pk 3:20
mite lakah na vangliatna na lakkhia hi.
15 Na khut thahatin nangma mi,
Jacob le Joseph’ suante na tankhia hi. #Selah
16 Pasian aw, tuite in nang hong mu uh a,
tuite in nang hong mu-in a kivei uh hi;#Ph 114:4
tui thuk mahmahte a kilok damdam uh hi.
17 Meiite in tui buasuk a,#Thk 5:4
vanging in huihkhuate a thawn hi;#Pk 9:23
na thaltangte a suktaan a totaan hi.#Tp 32:23
18 Pingpei lakah na vanging kiza a,#Ph 55:8
na khuaphia in leitung buppi taanin,#2Sa 22:13
leitung lingin a kising hi.#Thk 5:4
19 Na khelam tuipi tungah pai a,#Job 9:8
na lamlianpi tuihatte tungah pai napi,
na khekhapte a kimu kei hi.
20 Nang mah in na mite tuuhon bangin#Ph 78:52
Moses le Aaron’ khutin na makaih hi.#Pk 4:16
Currently Selected:
Phatna-late 77: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission