Phatna-late 74
74
Asaph phuah maskil c# 0 Thulu: Lailam ahikeh tumtheihlam kamzat hi kha ding khat.
1 Pasian aw, bang hangin kote hong nolh den na hi hiam?#Ph 43:2
Bang hangin na lonona muna na tuute na hehna am in bii ahi hiam?
2 Tanglai-a na leisa mite,#Tp 32:7
nangma goutanh dinga na tatsa behte -#Pk 15:13
na tenna Zion Vum mangngilh kei in.#Ph 2:6
3 Tawntung siatna lamah manawhin kal suan in,#Isa 44:26
mun siangtho khempeuh gal in susia khin hi.
4 Kote tawh na kituahna munah na galte hawk uh hi;
amaute lim dingin dialkhaite a khai uh hi.#Ms 2:2
5 Amaute singphatna muna hei tawi-a
sing banphuk mite bangin gamta uh hi.#Jer 46:2
6 Amaute in a kikhuak zepna khempeuh#1Ku 6:18
heipi le heita in tenzan uh hi.
7 Amaute in na mun siangtho lei tawh cinin a haltum uh hi;
nangma Min tenna mun buahsak uh hi.
8 A lungsim un, "Tuate zanmangsak ni," ci uh hi.#Ph 94:5
Amaute in gam sunga Pasian kibiakna mun peuhmah a haltum uh hi.
9 Kote, lim lamdangte lah hong kipia loin#Pk 4:17
kamsangte lah om nawn lo a,#1Sa 3:1
hih hun bangtan sawt ding cih a thei ka om kei uh hi.
10 Pasian aw, galte in nang bangtan vei hong simmawh lai ding uh hiam?#Ph 6:3
Galte in na min daisak den ding uh ahi hiam?#Ph 44:16
11 Bang hangin na khut dok kik na hi hiam, na taklam khut?
Na puan kawm pan lakhia inla amaute susia ve!#Ne 5:13
12 Ahi hangin Pasian aw, tanglai-a kipanin ka kumpipa na hi a;#Ph 2:6
leitungah hotkhiatna nong puak hi.#Ph 27:1
13 Na vangliatna tawh tuipi a khenkham nangmah na hi-a;
tui sunga Leviathan lutangte na sukham hi.#Job 3:8
14 Tuisung ganhing Monster lutangte a suzan nangmah na hi-a,
sehnel-gam a ganhingte an dingin na pia hi.
15 Tuinakte le luite a phulkhiasakpa nangmah na hi-a;
a luanglai gunte a kangsakpa na hi hi.#Pk 14:29
16 Sun nang aa hi-a, zan zong nangma aa mah ahi hi;
ni le kha nangma phuhsa ahi hi.#Ph 136:7-9
17 Leitung gamgite khempeuh a khung nangmah na hi-a,
phalbi hun le khuakhal hun nangma bawlsa tuak ahi hi.#Pc 8:22
18 TOPA aw, galte in nang hong selphozia uh le
mihaite in na min a daisakzia uh phawk gige in.#Tp 32:6
19 Na vakhu’ nuntakna gamsa gilote tungah pia kei inla;#Pc 8:8
a thuaksia na mite nuntakna mangngilh suak kei in.#Ph 9:18
20 Leitung a mialna munte mi ngongtatte zualna mun suak ta ahi manin#Job 34:22
na thukhun hong thusim in.#Pc 6:18
21 A kinengniamte maimawlsak kei inla;#Ph 9:9
mizawngte le a tasamte in na min phat uh hen.#Ph 35:10
22 Pasian aw, tho inla na thu gum in;#Ph 17:13
mihaite in sun niloh a nang hong simmawhzia uh phawk in.#Ph 53:1
23 Nang hong langpangte awging le
na galte husa thusim lo kei in.#Isa 31:4
Currently Selected:
Phatna-late 74: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission