Phatna-late 69
69
Tumtheih makaipa ading. Unokte’ aw a sak. David phuah
1 Pasian aw, tuite in ka ngawng ciang tuum ahi manin#Ph 32:6
kei hong honkhia in.
2 Siksan ding omlohna,
buannawng thukpi ah ka tum hi;
tui thukpite sung ka tunga;
a tuikhang in hong valhtum ta hi.
3 Huh ding ka ngetngetna-in ka tawlgawp a,#Ph 6:6
ka gawl a keu hi.
Ka Pasian ka zonzonna-in
ka mit a maang hi.#Ph 119:82
4 A thu om lo a kei hong mudah mi,#Jn 15:25
ka lu-a ka samzangte sangin tamzaw a;
a thu om lopi-a kei siatsak hong sawm#Ph 40:14
ka galte a tam hi.#Ph 35:19
Ka guk lohpi a dinkik dingin
hong kisawl tentan hi.
5 Pasian aw, ka hai lam na thei hi;
ka khialhnate nang panin kisel lo hi.#Ph 44:21
6 Topa, Thahatpen TOPA aw,
nang hong lamente
kei hangin maimawl kei uh hen;
Israel’ Pasian aw,
nang hong zongte
kei hangin maizum kei uh hen.
7 Ahang in nangma hangin simmawhna ka thuak a,#Ph 39:8
maizumna in ka mai tuam hi.
8 Ka sanggampa adingin mikhual ka suak a,
keima’ nu’ tapate adingin pemta ka suak hi;#Ph 31:11
9 na inn ading ka aamna in kei hong netum a,#Jn 2:17
nang hong engkote’ engkona kei tung hong tu hi.#Ph 89:50-51
10 Kap a an ka tan ciangin#Ph 35:13
zahkona ka thuak ding mah hi-a,
11 puanhampi ka silh ciangin
mite khel gentehna ka suak hi.
12 Kongpi-a tute in hong zahko uh a,#Pc 18:1
zukhamte’ la ka suak hi.#Job 30:9
13 Ahi hangin TOPA aw,
na angvan hunin thu kong ngen hi;
Pasian aw, nangma itna lianpi tawh,
na hotkhiatna takpi-in kei hong dawng in.
14 Buannawi lak panin kei hong hu-inla,
hong tumsak kei in;
hong mudahte pan le tuithukte panin#Ph 144:7
kei hong hukhia in.
15 Tuikhangte kei hong tuumsak loin#Ph 124:4-5
tui thukte kei hong valhsak kei inla,#Ms 16:33
gum in a kam hong cihkhum kei hen.#Ph 28:1
16 TOPA aw, na itna a hoihna hangin hong dawng in;#Ph 63:3
na lainatna lianpi hangin kei lam hong nga in.
17 Na nasempa na mai hong selsan loin#Ph 22:24
hong dawng meng in ka lungkham ta hi.#Ph 50:15
18 Hong naih inla kei hong hu in;
ka galte hangin kei hong tankhia in.#Ph 49:15
19 Kei hong kizahpih a, maimawlin ka maizum zia nong thei hi;
ka galte khempeuh na mai-ah om uh hi.#Ph 22:6
20 Zahpihna in ka lungtang kitamsaka
huh ding nei loin hong nusia hi.
Hong khasiat ding mi ka zonga khatbeek om lo hi;
hong hehnem ding ka zonga khatbeek ka mu kei hi.#Job 16:2
21 Ka an lakah sinkha hel uh a,
ka dangtak a phat nadingin lenggahzu thuk hong pia uh hi.#Mt 27:34
22 Amaute mai-a kilui sabuai thangzak suak henla,
thukna le a# 22 Ahikeh thang / amaute kithuahna suak hi pial suak ta hen.#1Sa 28:9
23 Khua a muh theihloh nadingun a mitte uh mial henla,
a nung uh kul den ta hen.#Ro 11:9-10
24 Amaute tungah na thangpaihna sung inla,#Ph 79:6
na hehluatna in amaute phadong hen.
25 Amaute mun kilawi henla;
amau puanbukte ah a teng ding kuamah om kei hen.#Ns 1:20
26 Ahang in, amaute in na liamsakte bawlsia uh a,
na natsak mite natna a gengen uh hi.#Job 19:22
27 Amau mawh khukna tungah mawhkhusak beh inla,#Ne 4:5
na hotkhiatna tangsak kei in.#Ph 109:14
28 Nuntakna laibu sung panin amaute kiphiatkhia henla#Pk 32:32
a thumaante tawh kiciamteh khawm kei hen.#Eze 13:9
29 Na sa-in ka lung dong hi;
Pasian aw, na hotkhiatna in kei hong dal hen.#Ph 20:1
30 Pasian’ min la-in ka phat dinga,#Ph 28:7
lungdamkohna tawh amah ka minthangsak ding hi.#Ph 34:3
31 Hih in bawngtal khat sang,
kite le khecinte a nei bawngtal khat sangin TOPA a lungkimsakzaw ding hi.#Ph 51:16
32 A zawngte in mu ding uh a, kipak ding uh hi -#Ph 34:2
no Pasian a zongte aw, na lungsimte uh thadim hen!#Ph 22:26
33 TOPA in a tasamte aw za a;
ama koltangte a simmawh kei hi.#Ph 12:5
34 Leitung le vantung,
tuipite le a sunga gamtang khempeuh in amah phat uh hen;#Ph 96:11
35 ahang in, Pasian in Zion honkhia dinga,#Ob 17
Judah khuapite a lam kik ding hi.#Ezr 9:9
Tua ciangin tua lai-ah mite tengin a nei ding uh hi;
36 a nasemte’ tate in tua mun luah ding uh a,#Ph 25:13
ama min a itte tua lai ah teng ding uh hi.
Currently Selected:
Phatna-late 69: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission