Phatna-late 43
43
1 Pasian aw, ka dikna langsak inla
a pasian-milo minam khat langah hong gum in;#Thk 6:31
zuautheite le migilote panin hong hu in.#Ph 36:3
2 Nangmah Pasian keima kulhpi na hi hi.
Bang hangin kei hong nolh na hi hiam?
Bang hang ka galte nuainetsa in
thumin kawi vakvak tazen ka hi hiam?#Ph 35:14
3 Na khuavak le na thutak sawlkhia-in#Ph 27:1
kei hong makaihsak in;#Ph 25:5
nangma tenna mun#2Sa 15:25
na mual siangtho tungah#Ph 2:6
tuate in kei hong makaih uh hen.
4 Tua ciangin Pasian biakna-tau ah kei ka pai dinga,#Ph42:2
ka nuamna le ka nopsakna ahi Pasian kiangah ka pai ding hi.#Ph 26:6
Keima Pasian, Pasian aw,
harp-in nang kong phat ding hi.#Pc 4:21
5 Ka hinna aw, bang hangin lungkia na hi hiam?
Bang hangin ka sungah buai na hi hiam?
Keimah in ka Honpa le ka Pasian#Ph 42:6
phat lai ding ka hi manin
Pasian lamen in.
Currently Selected:
Phatna-late 43: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission