Phatna-late 19
19
Tumtheih makaipa ading. David phatna-la khat.
1 Vante in Pasian minthanna pulak uh a;#Ph 89:5
huihkhuate in a khutte sepna a tangko uh hi.#Ph 8:6
2 Amaute in ani ni-in kampaute sungkhia uh a;
zan simin theihna a laakkhia uh hi.#Ph 74:16
3 Amaute aw a kizaklohna pau le
kampau a om kei hi. a# 3 Ahikeh Amaute in kampau nei lo, kammalte a om kei hi; / amaute awging a kiza kei hi
4 Amaute aw b# 4 Septuagint, Jerome le Syriac; Hebrew ah lamgit, leitung khempeuh ah gingkhia a,
a kammalte uh leimongte dongin a kizel hi.#Ro 10:18
Vante lakah ni adingin puanbuk lam a,#Job 36:29
5 ni lah ama kizepna mun pana pusuakkhia zipipa le#Joel 2:16
kidemna ding a lawp a hatpenpa tawh kibang hi.#1Sa 17:4
6 Vante mong khat pan suakin,#Tp 30:4
a mongkhat dong kimvel a;#Ph 113:3
a satna panin bangmah a kiliah kei hi.
7 TOPA thukham hoihkima#Ph 119:142
hinna a puahpha hi.#Ph 23:3
TOPA’ ngeinakipte muantaka,#Ph 93:5
mimawlte a pilsak hi.
8 TOPA’ pattahnate maana#Ph 33:4
lungsim nuamsak hi.
TOPA’ thusehte vaam a
mitte a vaksak hi.#Ezr 9:8
9 TOPA kihtakna siang a,
a kip tawntung hi.#Ph 34:11
TOPA ngeina khunsa kician a,
thumaan vive ahi hi.
10 Tuate kham sangin manphazaw a,#Job 22:24
kham citak sangin a manphazaw tham hi;
tuate khuaizu sangin khumzaw a,
khuailu zu sangin a khumzaw hi.
11 Tuate-in na nasempa kivauhilh a;
tuate zuihna hangin pahtakman lianpi kingah hi.
12 Kua in ama khialhnate khentel thei ahi hiam?
A kisel ka khialhnate hong maisak in.
13 Mawhnop teiteina panin na nasempa kem inla;#Ms 15:30
tuate kei tungah hong uksak kei in.
Tua ciangin ka genbaang kei dinga,
mawhna lian panin ka mawhpeng ding hi.#Pc 6:9
14 Keima TOPA ka Suangpi le ka Tanpa aw,#Pk 6:6
ka kampau malte le ka ngaihsutsutte,
nang muhna ah a lungkimhuai hi ta hen.
Currently Selected:
Phatna-late 19: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission