Phatna-late 145
145
Phatna-la a phatna khat. David phuah.
1 Keima Pasian Kumpipa, nang kong tawisang ding hi;#Ph 2:6
a tawntungin na min ka phat den ding hi.#Ph 54:6
2 Nisimin nang hong phatin a tawntungin
na min ka tawisang den ding hi.#Ph 34:1
3 TOPA lian hi, a phattak pen ahi hi;#2Sa 24:4
ama liatna kuamah in teh thei lo hi.#Job 5:9
4 Khang khat in khang dang khat tungah na nasepte phat ding uh a;#Ph 22:3
amaute in nangma nasep thahatte a gen ding uh hi.#Ph 71:16
5 Amaute in na thupina a liatna le a thanna gen ding uh a,#Ph 96:6
na nasep d# 5 Tuipi Si laizial le Syriac (Septuagint zong en in); Masoretic-te ah na minliatna thupina thang a/ tuateh na nasep lamdangte ah ka ki-ap ding hi lamdangte ka lungngaingai ding hi.
6 Amaute in na nasepna a mulkimhuaite a vangliatna gen ding uh a,
ke’n bel na nasepna lianpite ka tangko ding hi.#Tp 32:3
7 Amaute in na hoihna kicingte ai ding uh a,
na thumaanna lungnuamtakin sa ding uh hi.#Ph 138:5
8 TOPA in mi hehpih siamin khuatuah nuam a,#Ph 86:15
heh hakin itna a hau hi.#Ph 86:5
9 Mi khempeuh tungah TOPA hoih a;
a bawlsa khempeuh a khuatuah hi.#Ph 103:13-14
10 TOPA aw, na bawlsa khempeuh in nang hong phat ding uh a;
na misiangte in hong tawisang ding uh hi.
11 Amaute in na kumpi-gam minthanna genkhia ding uh a,
na thahatna zong gen ding uh hi,
12 tua in na nasepna thahatte le na kumpi thupi na le
minthanna mi khempeuh in a theih nading ahi hi.#Ph 103:19
13 Na kumpi-gam pen tawntung kumpi-gam hi-a,
na kumpi ukna zong khang tawntungin a kip hi.
A thuciam khempeuh ah TOPA muanhuai-a,#Tp 7:9
a bawlsate khempeuh a it hi, e# 13 Masoretic laibupi khutgelh khat. San Tuipi Laizial, Septuagint le Syriac; Masoretic khutgelh khempeuh in tg.13 na laigual nunungte gel a nei kei hi.
14 TOPA in a pukte khempeuh lenkipin#Ph 37:17
a kunsukte a phongto hi.#1Sa 2:8
15 Mit khempeuh in nang hong mitsuan uh a,
a hunhunin amaute an na pia hi.
16 Na khutpek na zal-a a nungta peuhmah
amau lunggulhin na taiisak hi.
17 Ama lampi khempeuh ah TOPA thumaan a,#Pk 9:27
a bawlsate khempeuh a it hi.
18 TOPA in amah a sam khempeuh,
thutak-a amah a sam khempeuh a nai hi.#Ms 23:11
19 Amah in amah a kihtate deihna tangtungsak a;
amaute kikona za-in a honkhia hi.#Ph 31:22
20 TOPA in amah a it khempeuh cinga,#Ph 1:6
migilote ahileh a susia ding hi.#Ph 94:23
21 Ka kam in TOPA phatna a gen ding hi.#Ph 71:8
A nungta peuhmah in a tawntungin
a min siangtho phatden uh hen.#Ph 65:2
Currently Selected:
Phatna-late 145: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission