YouVersion Logo
Search Icon

Paunakte 31

31
Kumpi Lemuel Thugente
1Kumpi Lemuel thugente - a nu hilhsa thusuak d#31.1 Ahikeh Massa kumpipa Lemuel a nu in a hilhsa khat in:#Pn 22:17
2 "Ka tapa aw, ka sunga piang ka tapa aw,
ka kiciamna e#31.2 Ahikeh / ka thunget hong kidawnna tapa aw,#Thk 11:30
3 na thahatna numeite tungah zang kei inla,
kumpipa susia nuampa tungah na thatang pia kei in.#Tp 17:17
4 "Lemuel aw, kumpite hih dinga kilawm lote -
kumpite in zu dawn loin, gam-ukte in
zucil lunggulh lua kei hen,
5 dawn le uh thukham’ thukipte mangngilhin,
a kinuainette hamphatna khempeuh tansak kha ding uh hi.#Pn 16:12
6 A si dekdekte zucil pia inla
a lunggimte zu pia in;#Pc 14:18
7 dawn uh henla a zawn lam uh mangngilh in,#Est 1:10
a gentheihna uh phawk nawn kei uh hen.
8 "Amau thu a gen thei lote tangin gensak inla,#1Sa 19:4
neih a nei lote hamphat nadingin pang in.
9 A kilawm a kituakin kampau-in thu khen in;
azawngte le a tasamte hamphatna gupsak in," a ci hi.#Pn 24:23
Khupna: A Nampi Gamtat Zi
10 f#31.10 Tang 10-31 dong a kidawngtawi hi a, a tang kimin Hebrew Lai Bulpi zui-a kigual ahi hi A nampi gamtat zi kua in mu zo hiam?#Ru 3:11
Ruby suang sangin manphazaw tham hi.
11 A pasal in muang mahmah a,#Pc 2:18
a manpha bangmah a tasam kei hi.
12 Amah in a pasal tungah a nuntak sungteng
siatna tun loin thuhoih a tun hi.
13 Amah in samul le khau teelin
lawptakin na sem hi.#1Ti 2:9-10
14 Amah sumbawl tembaw tawh kibang a,
gamlapi panin an a pua hi.
15 Amah khuamial lai pi-in tho a,
a innkuanpihte ading an bawlin
a nasem numeite sep ding teng a hawmsak hi.
16 Amah’n lo hoih zongin lei-a;
ama thalawhsa-in lenggui a suan hi.
17 Nasep hahkat mahmah a,
a nasepna adingin a bante khauh hi.
18 A sumbawlna met sa a,
zanin a meivak a mit kei hi.
19 A khutin mui tawi-a,
a khutmete in muikung a len hi.
20 Mizawngte huai-in a tasamte a zam hi.#Tp 15:11
21 A innkuanbup puansan guan zo ahi manin
vuk a kiat hangin a innkuante ading a lunghimawh kei hi.
22 A lupna tuam ding bawl-a;
saihadial puan hoih le puan dupsante a silh hi.
23 Khuapi kongpi a gamsung upate lakah
a pasal a tut ciangin kizahtak hi.#Pk 3:16
24 Amah in saihadial puante khui-in zuaka,
sumbukte tungah puan kawnggakte puak den hi.
25 Amah thahatin zahtakbaang a;
mailam hun ding a nuihsan lel hi.
26 Amah pil kampau-a
a muanhuai lamlahna a gen hi.#Pn 10:31
27 Amah in a innkuan sung vana,
zawntatna an a ne kei hi.
28 A tate tho-in, ama tungah thupha ci uh a;
a pasal in zong tuamah ci-in:
29 "Numei tampi in na thupite sem taleh
tuate khempeuh na khup hi," ci-in a phat hi.
30 Ngaihbaanna in hong khem thei a, mel hoihna lah mual pah hi;
TOPA kihta numei ahileh phat ding ahi hi.
31 A thalawhsa pahtakman pia unla,
ama sepsa hangin khuapi kongpi ah amah kipahtawi hen.

Currently Selected:

Paunakte 31: ZIV

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy