Paunakte 3
3
Pilna hanga Phattuam Thuahnate
1Ka tapa aw, kong hilhna mangngilh kei inla,#Ph 44:17
ka thupiakte na lungsim ah kem in.
2 tuate in na khan kum tampi sotin#Tp 11:21
na dau paisak ding hi.
3 Itna le muanhuaina khahsuah kei in;
na ngawng kimkotah vial inla;
na lungtang pek tungah gelh in.#Pk 13:9
4 Tua hileh Pasian le mihing muhna ah
angvanna le minpha na ngah ding hi.#1Sa 2:26
5 Na lungsim khempeuhin TOPA muang inla,#Ph 4:5
nang theihtelna tungah kinga kei in;
6 na gamtatna khempeuh ah amah phawk in,
tua hileh na lampi tangsak b#3.6 Ahikeh na lampi hong lak ding ding hi.#Ph 5:8
7 Nang kimuhna ah pil kisa kei in;#Pn 26:5
TOPA kihta inla, gitlohna peel in.#Pk 20:20
8 Hih in na pumpi adingin thamalhna hi dinga,#Ph 38:3
na guhte adingin malhna hi ding hi.#Job 21:24
9 Na hauhna le na ankung khempeuh-a
gahmasa-in TOPA pahtawi in;#Pk 22:29
10 tua hileh na saal dimlet dinga,#Ph 144:13
na lenggah sukna beel ah zuthak a dimlet ding hi.
11 Ka tapa aw, TOPA hong sekna thusim lo kei inla,#Job 5:17
ama hong taihilhna hehsan kei in,
12 bang hang hiam cih leh pa in a pahtak tapa a sek bangin#Tp 8:5
TOPA in a itte sek a#3.12 Hebrew; Septuagint ah / amah in dan tuaksak hi hi.#Pn 13:24
13 Pilna mu a, theihtelna a ngahpa
thupha ngah ahi hi;
14 tua in ngun sangin met theizaw a,
kham sangin a gahsuahzaw hi.#Job 28:15
15 Ruby sangin manphazaw a;#Job 28:18
nang deihtheih khatpeuh tawh kiteh thei lo hi.
16 A taklam khut ah khansauna om a;
a veilam khut ah hauhna le pahtawina a om hi.
17 Ama lampi nuam a,
a lampi khempeuh kilemna ahi hi.
18 Amah a pom mi adingin nuntakna singkung hi-a,
amah a lenden mi in thupha a ngah ding hi.#Pn 2:12
19 TOPA in pilna tawh leitung bulpi phut a,
ama theihtelna tawh a mun takah vantungte a koih hi.#Pn 8:27
20 Ama theihna-in tuithukte kikhen a,
meiite in daitui a kiasak hi.
21 Ka tapa aw, akip thukhenna le theihkakna len inla,#Pn 1:8-9
tuate en gige in;#Pn 4:20-22
22 tuate nang adingin nuntakna hi dinga,
na ngawng a kilawmsak kizepna hi ding hi.#Pn 1:8-9
23 Tua hileh lungmuangin na nungta dinga,#Pn 1:33
na muktu kei ding hi;#Ph 37:24
24 na lup ciangin na lau kei dinga;#Ph 91:5
na ihmut a nuam ding hi.
25 Bingtuahsiatna kihta kei inla migilote tunga
tung tuahsiatna zong kihta kei in,
26 ahang in nang khamuanna TOPA hi dinga,#2Ku 18:5
thanga awk lo dingin na khe a kem ding hi.#Job 5:19
27 Nang hih zawh ding ahileh
huh tuakte huh ding lungsit kei in.
28 Tu-a na neih gige pi mah -
na vengpa kiangah,
"Hong pai kik in; zing ciang hong pia ning," ci kei in.#Sp 19:13
29 Nang hong muanga na kianga teng
na vengpa nat nadingin sawmsim kei in.#Zec 8:17
30 Nang hong nasak lo mipa tungah
a thu om lopi-in mawhsak kei in.
31 A ngongtat mi eng kei inla
a gamtatzia zong teel kei in;
32 ahang in, a lehtat mi TOPA in kih a,#Ph 101:4
a thutang mi a muang hi.#Job 29:4
33 TOPA in migilote’ inn hamsiat-a,
a thumaante innsung thupha a pia hi.#Ph 37:22
34 Amah in a kiphasak mi simmawhte simmawh a,
a kiniamkhiatte a hehpih hi.#Ph 18:25-27
35 Mipilte in pahtawina luah uh a,
mihaite ahileh kimaizumsak hi.
Currently Selected:
Paunakte 3: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission