Luke 11
11
Thungetna tawh Kisai Jesu Hilhna
1Ni khat Jesu in mun khatah thu a ngen hi. A thunget a man khit ciangin a nungzuite khat in ama kiangah, "Topa aw, John in ama nungzuite thungetzia ding a hilh bangin kote zong hong hilh in," a ci hi.
2 Amah in amaute kiangah, "Thu na nget uh ciangin,
"‘Pa b#11.2 Khutgelh pawlkhatah Vantunga om kote Pa aw aw,
nangma min kisiangthosak ta hen,
na gam hong tung ta hen. c#11.2 Khutgelh pawlkhatah Vantunga na deihna a kihih bangin leitungah kihih ta hen
3 Ka nisim an uh nisialin hong pia in.
4 Ko tunga hong mawh peuhpeuh maisak ka hi manun,#Mt 18:35
kote mawhnate hong maisak in, d#11.4 Greek pau-ah ko tunga hong ba peuhpeuh
Zia-etna sungah hong pi kei in,’ e#11.4 Khutgelh pawlkhatah gilopa kiangpan hong hukhia in na ci un," a ci hi.#Mt 26:41
5 Tua ciangin amah in amaute kiangah, "Note lakah khat in lawm khat nei-a, tuapa zankim laitakin a lawmpa kiangah pai-in, ‘Lawm aw, anlum thum hong leitawisak dih in. 6 Khualzin ka lawmpa khat kei kiang hong tunga amah ka lui ding bangmah ka nei kei hi,’ ci hi. 7 "Tua ciangin inn sunga om pa in, ‘Hong buaisak kei in. Kong ka kalh zo-a ka tate ka luppih zo hi. Thoin bangmah kong pia thei kei ding hi,’ ci hi. 8 Ken kong geninah amah tho-in a lawmpa ahi mana a piak loh hangin, a lawmpa kuhkalna f#11.8 Ahikeh cil tentan hangin amah tho in a kisap zahzah a pia ding hi.#Lk 18:1
9 "Tua ahi ciangin note kianga kong cihinah: Ngen un, hong kipia ding hi; zong un, na mu ding uh hi; kiu un, kong hong kihon ding hi. 10 Ahang in, a ngen peuhpeuh in a ngah uh hi; a zongte in a mu uh hi; a kiute ading kong kihon ding hi.#Mt 7:7
11 "Na tapa un ngasa g#11.11 Khutgelh pawlkhatah anlum ngen leh suang a pia ding; ahikeh amah in hong ngen leh hong ngen leh tua tangin gul a pia ding note lakah pa kua om na hi uh hiam? 12 Ahikeh aktui hong ngen leh aikam a pia ding kua om na hi uh hiam? 13 Note mi gilo hi napi, tua ci-in na tate uh na hoih mawkpiak ding thei na hi uh leh, vantunga om na Pa un ama kianga Khasiangtho a ngente pia nuam zawsem lo ding ahi hiam!" a ci hi.
Jesu le Beelzebub
14 Jesu in a pau thei lo dawi khat a hawlkhia hi. Tua dawi a paikhiat ciangin a pau thei lo pa pau thei a, mihonpite in lamdang a sa mahmah uh hi. 15 Ahi hangin amaute pawlkhat in, "Amah in dawite ukpa Beelzebub h#11.15 Greek ah Beelzeboulahikeh Beelzeboul; tg.18 le 19 ah zong suangin dawite a hawlkhia hi," ci uh hi. 16 A dangte in amah a zia-et na-un van panin lim khat a ngen uh hi.#Mt 9:32-33; 12:38
17 Jesu in amaute ngaihsutna thei-a amaute kiangah, "Amah le amah kilangpang gam kisia dinga, amah le amah kilangpanga kikhen innkuan puk ding hi. 18 Satan, amah le amah kilangpang leh ama gam bangci kip thei ding ahi hiam? Hih kong genna pen Beelzebub suangin dawite hawlkhia nong cih man uh ahi hi. 19 Tu-in ken Beelzebub suangin dawite hawlkhia ka hileh, na nungzuite un kua suangin dawite hawlkhia uh ahi hiam? Tua ahi ciangin amaute, no tungah thukhente a suak uh hi. 20 Ahi hangin Pasian khutme tawh dawite ka hawlkhiat leh Pasian gam note tungah hong tung zo hi.
21 "Mi thahat khat in ama inn, hiam tawh a cin ciangin a neihsate a bit hi. 22 Ahi hangin amah sanga hatzaw khatin amah busima, a thazawh khit ciangin ama muan a hiamte sutin a nate a hawmthang hi.#Mt 12:29
23 "Kei hong koppih lote ka langa pang hi-a kei hong kaihkhoppih lote a thehthang ahi hi.
24 "Mi khat sung panin kha gilo i#11.24 Greek ah nin khat a paikhiat khit ciangin a khawl nading zongin a keuna munte ah a vak kawikawi hangin a mu kei hi. Tua ciangin amah in, ‘Ka nusiatsa inn ah ciah kik ning,’ ci hi. 25 A tun kik ciangin tua inn kiphiat siangin kipuah sinsena om a mu hi. 26 Tua ciangin amah pai-a, amah sanga tatsiazaw kha sagih zawnin tua lai-ah lutin va teng uh hi. Tua mipa nuntakzia a nunung in, a masa sangin a siazaw hi," a ci hi.#2Pe 2:20
27 Jesu in hih thute a gen laitakin mihonpite lak pan numei khat in, "Nang ta-a hong nei hong don nu, thupha ngah ahi hi," a gal cih hi.#Lk 23:29
28 Amah in, "Pasian thu za-a a mangte, thupha ngah hizaw hi," ci-in a dawng hi.#Heb 4:12,13
Jonah Lim
29 Mihonte a tam semsem ciangin Jesu in, "Hihte, a tatsia khangmite ahi hi. Amaute in lim lamdang hong nget uh hangin Jonah lim longal lim khat beek a kilak kei ding hi. 30 Ahang in, Nineveh-te adingin Jonah, lim a suah bangin Mihing Tapa zong hih khang mite adingin lim hi ding hi. 31 Solomon pilna ngai dingin leitaw lam Kumpinu lei mong panin va pai to ahi manin amah in thukhen ni ciangin hih khang mite tawh dingin amaute a mawhpaih ding hi.Tu-in hih lai-ah Solomon sanga lianzaw khat j#11.31 Ahikeh na khat; tg.32 ah zong a om hi. 32 Thukhen ni ciangin Nineveh khua mite, hih khang mite tawh ding khawmin amaute a mawhpaih ding uh hi. Ahang in, Jonah thuhilhna hangin amaute kisik uh hi. Tu-in hih lai-ah Jonah sanga lianzaw khat a om hi.#Jnh 1:17
Pumpi Meivak
33 "Kuamah in, meivak vakin a kimuh loh nading mun ahikeh kuangkum nuai-ah a koih kei hi. Tua sangsikin inn sunga a lut khempeuh in meivak tang a muh theih nadingin meivak tunna tungah kikoihzaw hi. 34 Na pumpi adingin na mittang meivak ahi hi. Na mittang a hoih laiteng na pumpi khempeuh khuavak tawh a kidim hi. Ahi hangin na mitte a mial ciangin na pumpi zong khuamial tawh a kidim hi. 35 Tua ahi ciangin note sunga om khuavak, khuamial ahi loh nadingin limtakin ngaihsun un. 36 Tua ahi manin na pumpi khempeuh uh khuavak tawh kidima, a mialna themkha zong a om kei leh khuavak in note hong tan mah bang in na pumpi uh a tang khin kiuhkeuh ding hi," a ci hi.#Mt 5:15,16
Gimna Gukte
37 Jesu a thu gen a man ciangin Pharisee-te khat in amah an nekpih dingin a sam hi. Tua ciangin amah pai-in sabuai ah a kingam hi. 38 Ahi hangin an a nek ma-in Jesu a kisil masak loh lam tua Pharisee-pa in a theih ciangin lamdang a sa hi.#Mk 7:3-4
39 Tua ciangin Topa in ama kiangah, "Ahileh no Pharisee-te in hai le kuangte a pualam na silsiang uh hangin na sunglam uh huaihamna le tatsiatna tawh a kidim hi. 40 No mihai honte! A pualam a bawlpa in a sunglam zong bawl hi lo ahi hiam? 41 Ahi hangin kuang a#11.41 Ahikeh na neih bangbang uh sunglam-a omte mizawngte na pia un. Tua hileh note adingin na khempeuh a siang ding hi.
42 "No Pharisee-te aw, note in mint, rue le huan antehhing nam khempeuh sawmah khat na piak uh hangin Pasian’ itna le thutang thudon lo na hi manun gimna na thuak ding uh hi. Hihte gel a masa pen hih lo tuan loin a nunung pen na hih ding uh ahi hi.#Lk 18:12
43 "No Pharisee-te aw, synagogue-te sunga tutna thupipente ah tu nuam diakin, van zuakna munte ah pibawl ding ut diak na hi manun gimna na thuak ding uh hi.#Mt 23:6; Lk 14:7
44 "Mite in thei kha loin, atung a tot uh ciamtehna om lo hante tawh kibang na hi manun note in gimna na thuak ding uh hi" a ci hi.#Mt 23:27
45 Thukham siamte khatin, "Sia aw, hih thute na gen ciangin kote zong hong selpho na hi hi," ci-in a dawng hi.
46 Jesu in, "No thukham siamte aw, mite tungah a puak zawh loh ding uh vante na suan uh a tua ciangin amaute na huh nading un na khutme nangawn uh khat beek tangsak lo na hi manun gimna na thuak ding uh hi.
47 "Note in na pu na pate uh thah kamsangte han bawl na hi manun gimna na thuak ding uh hi. 48 Tua ahi ciangin na pu na pa-te uh hihnate na thukimpihna uh teci a pang na suak uh hi. Amaute in kamsangte that uh a, amaute hante note in na bawl uh hi. 49 Hih thu hangin Pasian in ama pilna tawh, ‘Amaute kiangah kamsangte le sawltakpite ka paisak dinga, amaute in tuate pawlkhat thatin, pawlkhat a bawlsia ding uh hi,’ ci hi. 50 Tua ahi manin leitung piancila kipan kamsangte khempeuh sisan ahi zongin, 51 Abel sisan a kipan biakna-tau le mun-siangtho kikala kithat Zechariah sisan dong, a luangkhia khempeuh hih khang mite mawhna in kisim ding hi. Hi mah hi, ken kong geninah hihte khempeuh hih khang mite mawhna in a kisim ding hi.#Mt 23:29-32
52 "No thukham siamte aw, theihna tawhtang lakhia na hi manun gimna na thuak ding uh hi. No mahmah lah lut loin lut dinga kisate lah na dal uh hi," a ci hi.
53 Tua lai panin Jesu a paikhiat ciangin Pharisee-te le thukham siate in amah nasiataka langpan ding sawmin ngak uh a, 54 ama kamin amah a mat theih nadingun thu a dong huan uh hi.
Currently Selected:
Luke 11: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission