Jude 1
1
1 Jesu Christ nasem James sanggampa Jude in,
Pa Pasian in it a, Jesu Christ in a#1 Ahikeh nading; ahikeh in a kep a kisamsate tungah:#Ro 1:6-7
2 Lainatna, lemna le itna a dimin note aa hi ta hen.
Pasian-neilo Mi Mawhna le Siatna
3 Kong it lawmte aw, note tawh i tanh khawm hotkhiatna thu no tungah kong gelh ding lawp mahmah napi misiangte tungah khatvei-a cinkim dinga hong kikemsak tua upna na hut theih nading uh kutna lai-a gelh ding kul ka sa hi. 4 Ahang in, sawtpi-a amaute a kimawh paihna thu b#4 Ahikeh mawhpaih ding a kiciamtehsa mite a kigelh khin zo mi bangzah hiam khat note lakah hong lutsim zo uh hi. Amaute pasian-neilo mite hi uh a, eite Pasian hehpihna, a kihhuai paktat theihna suaksakin eite in Thuneipipa le Topa a, amah bek i neih Jesu Christ a nial uh hi.#Gal 2:4; Tit 1:16
5 Hihte khempeuh na theihsa uh ahi ta zongin "Topa c#5 Khutgelh masa pawlkhatah Jesu in Egypt panin ama mite gumkhia a, ahi hangin a nunung lam ciangin a um lote a suksiatna thu kong phawkkiksak nuam hi. 6 Tua ciangin, a thuneihna dinmun uh kemcing lo a, a inn uh a taisan vansawltakte khuamial sungah khumcipin ni thupi Ni-a thukhen dingin tawntung sikkhainiang tawh a khih hi. 7 Tua bang zia in Sodom le Gomorrah le a kima khuapite in numei-pasal paktatna le lehtatna ah amau le amau kipia uh hi. Amaute, tawntung meikuang sunga gawtna thuak dingte etsakna a suak uh hi.
8 Tua tawh kibang tektek in, hih bang hih dinga a ngaihsunte in amau pumpi ninsak uh a, thuneihna nialin van mite a gensia uh hi. 9 Ahi hangin vansawltak a lianpen Michael nangawn, dawimangpa tawh Moses luang a kituh lai-un kosia in mawhsak ngam loin, "Topa in nang hong tai hen," ci bek hi. 10 Tua hi napi hih mite in a theihtel loh peuhpeuh uh gensia-in, a theihtelsate uah lah, a ngaihsun thei lo gamsate bangin hih uh a, hih nate mahmah in amaute a susia hi.#2Pe 2:10
11 Amaute in gimna nak thuak na un cia! Cain lampi zui uh a, Balaam khialhna sungah a met delh in, Korah lehdona ah a kisia zo uh hi.
12 Hih mite in na itna pawite uh melhemsak in, zumna nei loin no tawh an ne uh a - amau kia bek a kivakkhop tuucingte ahi uh hi. Amaute huih in a mutleng kawikawi guah a paii lo meii; gah a gah lo, a kibulkalh - nihvei a si sikhiau singkung ahi uh hi; 13 a zumhuaina uh a phuankhiasak zuahzuah tuipihual huai siate, a leng kawikawi aksite, amau adingin a mial pen khuamial, a tawntung a kisitsakte ahi uh hi.#2Pe 2:13
14 Hih mite thu, Adam pana a sagihna pa Enoch in a na genkholhna-ah: "En un Topa, a misiangthote tul mun tul tampi tawh hong pai in, 15 mi khempeuh tungah thu khen dinga, amaute in a pasian-milohna uh a, a hihsa uh pasian-milohna khempeuh le a pasian-milo mawhneite in amah langpanga a gensa uh kam khaate-in a mawhsak ding hi," ci hi. 16 Hih mite, phunhatte le mi ngawhhatte ahi uh hi; amaute, amau gitloh lunggulhna bangin gamta uh a, amau le amau kisialin, amau hamphat nadingin mi dangte a maitang phat uh hi.#Pc 5:18, 21-24
Sikdo dinga Sapna
17 Ahi hangin kong it lawmte aw, i Topa Jesu Christ sawltakpite in a gen kholhsa phawk gige un. 18 Amaute in note tungah, "Hun nunung ciangin amau pasian-milo deihna a zui zahkohatte hong om ding uh hi," ci uh hi. 19 Tua mite in Kha nei lo uh a, pumpi deihna bek zui-in note hong khenkhamte ahi uh hi.#2Pe 2:1
20 Ahi hangin no kong it lawmte aw, a siangtho pen note upna ah no le no kilam unla Khasiangtho-in thu na ngen un. 21 Nuntak tawntungna ah note hong tun dingin i Topa Jesu Christ lainatna na ngak kawmun Pasian itna sungah no le no na kikem un.#Col 2:7
22 A lunghei neite na lainat un 23 mei sung pan midangte bawhkhia unla, honkhia un; adangte tungah a sa thanghuai banna puansilh nangawn kihin lau kawmin lainat siamna na nei un.
Pasian Phatna
24 A puk lo dinga note hong kem thei, khialhna om lo-a, lungnopna lianpi tawh a minthanna ama om na-a note hong puak theipa - 25 eite Honpa Pasian khat bek tungah i Topa Jesu Christ tungtawnin minthanna, thupina, vangliatna le thuneihna, khang hun khempeuh ma, tu laitak le a tawntung in om ta hen! Amen.
Currently Selected:
Jude 1: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission