Isaiah 44
44
Teelsa Israel
1"Ahi hangin ka nasempa Jacob aw,
ka teelsa Israel aw, tu-in ngai in.#Jer 30:10
2 TOPA gen hih ahi hi -
naubu sungah hong sutuah in hong bawla
hong huh dingpa in:#Ph 139:13;149:2
Ka nasempa Jacob aw,
ka teelsa Jeshurun aw, lau kei un.#Tp 32:15
3 Ahang in, leigawtak tungah tui ka sung dinga,#Joel 3:18
leikeu tungah lui ka luangsak ding hi;#Isa 32:2
nangma suante tungah ka Kha ka sung dinga,#Joel 2:28
na tu na tate uh tungah thupha ka pia ding hi.#Isa 61:9; 65:23
4 Amaute lonona-a lopate bangin - selkhia ding uh a,
luiluang gei-a po gialheek kung a bang ding uh hi.#Sp 23:40; Job 40:22
5 Khat in, ‘TOPA aa ka hi hi,’ ci dinga,#Ph 116:16
adang khat amah le amah Jacob minin a kisam ding hi;
adang khat lai in a khut tungah, ‘TOPA aa’ ci-in gelh dinga
Israel min a kiphuah ding hi.
Milimte hilo TOPA
6 TOPA cih hih ahi hi -
Israel-te Kumpipa le Tanpa, Thahatpen TOPA in:
Keimah a masapen le keimah a nunungpen ka hi hi;
Keimah longal Pasian dang a om kei hi.#Tp 6:4; 1Kh 17:20
7 Tua ahileh kei tawh kibang kua ahi hiam?
Amah kigenkhiasak un.
Amah kipulaksak unla ka mai-ah hong koihkhia un;
tanglai-a ka mite ka kipsak nungsangin bang piang khin a,
bang piang lai ding ahi hiam, genkholhsak un.#Isa 41:22,26
8 Ling kei un, kihta kei un.
Hih thu sawtpi-in genkhol khin hi lo ka hi hiam?
Note ka teci na hi uh hi. Kei lo Pasian dang om ahi hiam?
Om lo hi, Suangpi dang a om kei hi; khat beek ka thei kei hi,"#Tp 4:35
9 Milim bawlte khempeuh bangmah hi lo uh a,
a khol uh goute in man a nei kei hi.#Isa 41:24
Tuate adinga kampaute mittaw hi a;
amau maizumna a thei lo uh ahi hi.#Isa 1:29
# 10 Amah bangmah a lawhtaksak lo
pasian lim bawlin milim sung kua ahi hiam?#Isa 41:29; Jer 10:5
11 Amah a pawlpihte le amah kimaizumsak dinga;#Isa 1:29
milim bawl khutsiamte lah mihing lel mah ahi uh hi.
Amaute a vekpi un kikaikhawmsak unla panmun lasak un;
amaute kibing phawnin kilausak ding hi.
12 Sikseekpa in a na zatte khat la a,
mei-am lakah a khul hi;
sekin lim khat seeka
a khut hatna-in a seek hi.#Ns 17:29
Amah a gil kialin a tha zaw hi;
tui dawn loin a bah hi.#Isa 40:28
13 Sing sep siampa in khau-in teh a,#Isa 41:7
a bawlzia ding ciamteh hi;
singnawtna-in nawtngil a,
compass-te in a teh hi.
Mihing limin geel a,#Ph 115:4-7
biakbukno a koih dingin
mihing minthanna khempeuh a kimin a bawl hi.
14 Amah in tamtak ahikeh siasing
ahikeh tawsaw phukin a lak hi kha ding hi.
Amah in gammang singte lakah khangsakin
ahikeh taksing suana, guahtui in a khangsak hi.
15 Tua in mihingte singcih ding hi a;
amah in pawlkhat la in mei-a awi dingin zanga,
mei tawhin anlum a emna hi.
Ahi hangin pasian dingin khat zemin a bia hi;
milim khatin bawla a mai-ah a kun hi.#2Kh 25:14
16 A singte alang mei-in cih a;
a tungah a an ding huanin,
sa haangkeu in a khamtakin a ne hi.
Amahmah in mei awi a,
"Ah! Ka khua lum tah ei; mei mu ta’ng ei!" a ci hi.
17 A omlaite ama pasian dingin milim khatin bawl a;
a mai-ah kunin a bia hi.
Tua milim tungah thu ngena,
"Nang ka pasian na hi hi; hong hon in," a ci hi.#1ku 18:26
18 Amaute in bangmah thei lo uh a; bangmah a theitel kei uh hi;
khua muh theih loh nadingin a mitte uh kibelh a,
a theihtel theih loh nadingun a lungsim uh kikhaksak hi.
19 Khat beekin ngaihsun lo uh a, khat beek in,
"Alang mei-in ka cih khin a;
a am tung nangawn ah anlum ka em a,
sa hangkeu-in ka ne khin hi;
a val laite-in a kihhuaina bawl ding ka hi hiam?#Tp 27:15
Singbek khat mai-ah kun buang ding ka hi hiam?"
cih nading theihna le theihtelna nei buang lo uh ahi hiam?
20 Amah vut-in kivaka, a lungsim khemna in amah makaih khial a;
amah le amah kihon thei loin,
"Ka taklam khut sunga na zuaupi hi lo hiam?" zong a ci thei kei hi.#Isa 59:3-4,13
21 "Israel aw, ka nasempa na hi manin,
Jacob aw, hih nate ciamteh in;#Isa 46:8; Zec 10:9
nang kong bawl khin a, ka nasempa na hi hi;#tg 1-2
Israel aw, nang kong mangngilh kei ding hi.#Isa 49:15
22 Keimah in thupalsatnate meii bangin ka phiatmang khin a,
na mawhnate zingsang meiilum bangin ka thengsak zo hi.
Nang kong tankhia khin hi,
hong ciah ta in," a ci hi.#Isa 55:7
23 Hih in TOPA sepsa ahi manin vante aw lungdamin la sa un;
nuai-a lei aw, nakpi in kiko in.#Ph 148:7
No mualliante, no tulak le singkungte khempeuh aw,
TOPA in Jacob tankhia khin a,
Israel sungah amah kiminthangsak khin ahi manin#Isa 61:3
la sakhia zuah un.#Ph 98:8
Jerusalem ah Mi Teng Ding
24 "TOPA gen hih ahi hi -
naubu sungah nang hong sutuah nangma Tanpa in:
Keimah TOPA,
na khempeuh a bawlpa,
amah kia-a vantungte a phahpa,#Isa 42:5
kei guaka leitung a zalhkhiapa,
25 kamsang zuaute’ limte tangtungsak loin#Ph 33:10
ai sante mihai a suaksakpa,
mipilte theihna lawnthalin#1Co 1:27
bangmah lo a suaksakpa,
26 a nasemte kammalte semkhia in,#Zec 1:6
a kamtaite thugente a tangtungsakpa,#Isa 55:1
Jerusalem tungah ‘Mi hong teng ding hi’ ci a,
Judah khuapite tungah, ‘Amaute kilam ta ding hi,’ ci a,
tuateh tua a siasate, ‘A ngei ka bangsak ding hi,’ a cipa,#Isa 49:8-21
27 tuithukte tungah, ‘Keu in,
na luite ka kangsak ding hi,’ a cipa,#Isa 11:15
28 Cyrus tungah, ‘Amah ka tuucingpa hi a,#2Kh 36:22
ka lungkimna khempeuh kimsakin,
Jerusalem tungah, "Kilam kik in," ci a,
biakinnpi tungah, "Na bulpi kiphut ding hi," a cipa ka hi hi.
Currently Selected:
Isaiah 44: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission