Isaiah 43
43
Israel-te’ Honpa Bek
1Ahi hangin, tu-in hih in TOPA gen ahi hi -
Jacob aw, note hong piangsak amah hi a,
Israel aw, note hong bawl amah hi:#Isa 44:21
"Note hong tankhin ka hi manin lau kei un;#Isa 44:2,6
na minun kong sam khin a; note kei aa na hi uh hi.
2 Tui na ngahtan uh ciangin#Isa 8:7
no tawh ka om dinga;#Tp 31:6,8
gunte na ngahtan uh ciangin
hong tai kei ding hi;
meikuang lak kantanin na pai uh ciangin#Isa 29:6; 30:27
hong hul kei ding hi;
meikuang in nang hong kang kei ding hi.#Ph 66:12; Da 3:25-27
3 Ahang in, keimah in TOPA note Pasian
Israel Siangtho Pa note Honpa ka hi hi;#Ph 3:8; Isa 41:20
nangmah tatna-in Egypt ka pia a,
nang tangin Cush a#43.3 Tua in Nile khunglam kual le Seba ka pia hi.#Pn 21:18; Isa 20:3
4 Ka muhna ah manpha in kong pahtawi nungsang le
nang kong itna hangin
nang khekna-in mite ka pia dinga,
na nuntakna khekna-in mihingte ka pia ding hi.
5 Hong ompih ka hi manin lau kei in;#Isa 44:2; Jer 30: 10-11
nisuahna panin na tate kong puak dinga,#Isa 41:8
nitumna panin nang kong kaikhawm ding hi.#Isa 24:14; Zec 8:7
6 Leilu-lam kiangah, ‘Amaute piakhia un,’ ci in,
leitaw-lam kiangah, ‘Amaute lehkaih kei un,’ ka ci ding hi.#Ph 107:3
Gamlapi panin ka tapate,
leimongte panin ka tanute -
7 ka minthan nadinga ka piansakte,
sutuah a ka bawlte,
ka mina kilote peuhmah hong puak un,’ ka ci ding hi," a ci hi.#Isa 56:5; Jas 2:7
8 Mit nei napi mittawte,
bil nei napi bengngongte pikhia un.#Isa 6:9-10
9 Minam khempeuh kikaikhawm in,
mite kikhawm hi;
amaute kua pen in hih thu genkhol a,
a piangsa nate hong tangko ahi hiam?#Isa 41:26
Midangte in za uh a, "Hih thu man hi," a cih theih nadingun,
amaute a man a hilam uh a lak dingin teci kipuaksak un.
10 "Note ka teci na hi uh hi," TOPA in cikhia a,
"kei in amah ka hilam thei-in
um a nong theihtel nadingun#Pk 6:7
kong teelsa ka nasempa na hi hi.#Isa 41:8-9
Kei om ma-in Pasian kibawl lo a,
kei om khitin zong khat beek a om tuan kei hi.#Tp 4:35; Jer 14:22
11 Kei, keimah TOPA longal
honpa dang a om kei hi.#Isa 45:21
12 Keimah kong kilaaka, kong honkhia-a, kong tangko khin hi,
note lakah kei bek ka om a, gamdang pasiante a om kei hi.#Tp 32:12; Ph 81:9
Keimah Pasian ka hilam note ka teci na hi uh hi," TOPA in a cikhia hi.#Isa 44:8
13 Hi hi, tangtawnga kipan kei amah ka hi hi.#Ph 90:2
Ka khut panin kuamah in a hukhia thei kei hi.
Na ka sep ciangin kua in hong phelkik thei ahi hiam?" a ci hi.#Isa 14:27
Pasian Lainatna le Israel Muanhuailohna
14 TOPA gen hih ahi hi -
note hong Tanpa, Israel-te Siangtho Pa in:#Pk 15:13
"Note tangin Babylon ah ka paisak dinga
Babylon mite a#43.14 Ahikeh Chaldea-te khempeuh amaute kisaktheihpih
a tembawte un ka taimangsak ding hi.
15 Keimah TOPA, note Siangtho Pa,
Israel a Piangsakpa, note kumpipa ka hi hi," a ci hi.
16 TOPA cih hih ahi hi -
amah tuipi kantana lampi sialpa,
tuihat kantana lampi bawlpa,#Isa 51:10
17 sakolte le sakollengte,
galkapte le kihutnate khempeuh nawhkhia a,#Ph 118:12; Isa 1:31, Pk 14:9
a tho kik nawn lo dingin tua lai- ah a lumsak,
meivak khau sukmit banga sumitpa:#Job 13:25
18 "A tungsa nate mangngilh un,
a beisate tungah na lungsim uh tengsak kei un.
19 En un, na a thak ka bawlbawl ta hi;
tu-in a mengkhia ta hi phawk lo na hi uh hiam?
Sehnel-gam ah lampi ka sial dinga#Pk 17:6; Ms 20:11
gamtul ah luite ka luangsak ding hi.#Ph 126:4
20 Gamsate - ngiate le kala-oh vasate in
kei hong pahtawi ding uh hi,
bang hang hiam cih leh sehnel-gam ah
tui ka pia a,#Isa 48:21
gamtul ah luite luangsakin,
21 tua pen kei mahmah in ka bawlsa, ka teelsa ka mite in#Mal 3:17
kei phatna a tangko theih nadingun amaute dawn dinga ka piak ahi hi.#Ph 102:18; 1Pe 2:9
22 Tua hi napi Jacob aw, note in kei nong sam kei uh a,
Israel aw, kei adingin no le no na kigimsak kei uh hi.#Isa 30:11
23 Meihal biakna dingin tuu nong puak kei uh a,
na kithoihnate uh tawh nong pahtawi kei uh hi.#Am 5:25; Zec 7:5-6
An-a biakna-in vangik kong suan kei a,
gimnamtui hong ngenin kong kicimtaksak kei hi.
24 Kei adingin kawltu namtui khatpeuh nong leisak kei a,
na biakna sathaute in nong taisak nai kei hi.
Ahi hangin na mawhnate-un vangik nong suan uh a,
na tatkhialhnate-un nong gimsak uh hi.#Isa 1:14; Mal 2:17
25 Kei mahmah ka kikhualna-in
na thupalsatnate uh hong paihsak keimah,#Ns 3:19; Eze 36:22
kei mahmah in na mawhnate uh ka ciamteh nawn kei hi.#Jer 31:34
26 A beisa thu kei adingin en kik dih un,
thu kikumkhawm dih ni,#Isa 1:18
mawhpeng na hihna thu sung dih in.#Isa 41:1;50:8
27 Na pa masa pen uh mawh a;
na thu sungte un kei hong lehdo uh hi.#Isa 9:15; 28:7
28 Tua ahi ciangin na biakinnpi ua thuneipite ka mindaisak dinga
Jacob tungah siatna b#43.28 Hebrew in mite le nate TOPA tungsakin,
Israel ka zahlak sak ding hi.#Jer 24:9
Currently Selected:
Isaiah 43: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission