Isaiah 33
33
Lungdonna le Huhna
1Hong kisusia nai lo mi susiapa aw,
gimna thuak ta in!
Kuama lehhek nai loh mi lehhekpa aw,
gimna thuak ta in!
Na suksiat nawn loh ciangin
nang hong kisusia ding hi.#Hab 2:8
Mi na lehhek nawn loh ciangin
nang hong kilehhek ding hi!#Isa 21:2
2 TOPA aw, ko hong hehpih in,
nang kong lamen uh hi.
Zingsang simin kote hong hatsak inla,
ka lungdon uh ciangin hong honkhia in.#Isa 5:30; 25:9
3 Vanah na aw a gin ciangin mite a taikek uh hi;#Ph 68:1
na dinkhiat ciangin minamte kithehthang uh hi.#Isa 59:16-18
4 Minamte aw, na van lakte uh, kauphenote in an a kaihkhop bang ahi hi;#Joel 1:4
kauphe honpi bangin mite in a bawm ding uh hi.
5 A sangna munah TOPA teng ahi manin a kitawisang hi;#Ph 97:9
amah in thumaan le thutang tawh Zion a dimsak ding hi.
6 Note hunin amah bulkip kician hi dinga,
hotkhiatna le pilna le theihna kholna munpi hi ding hi;
TOPA kihtakna in hih gou a#33.6 Ahikeh amah pana gou khat kholna tawhtang ahi hi.
7 En un, a pasal galhangte uh lamdung ah kap uh a;
kilemna thupuate nakpi-in a kap uh hi.#2Ku 18:37
8 Lam lianpite lah hawmmang a,
lampi tungah khualzin a om kei hi.#Thk 5:6;Isa 35:8
Thuciamna kipalsatin
a tecite b#33.8 Si Tuipi Laizial; Masoretic Bupi / tua khuapite lah kisimmawh
a kuamah a kizahtak kei hi.
9 Leitang thumin c#33.9 Ahikeh keucip a tulgawp hi,#Isa 3:26
Lebanon maizumin a vul hi;#Isa 2:13; 24:4
Sharon, Arabah tawh kibang a,
Bashan le Carmel a teh uh pulh hi.#1Ku 18:19; Na 1:4
10 "Tu-in ka ding dinga,#Ph 12:5; Isa 2:21
tu-in ka kitawisang ding hi;
tu-in ka kilaamto ding hi.
11 Buhvai na paii uh a,#Ph 7:14; Isa 59:4
buhtu na hingkhia uh hi;
na husan uh no hong hultum mei ahi hi.#Isa 1:31
12 Leikang hal bangin mite kihal dinga;
lingkung vatsa bangin mei-ah kikhul ding hi," TOPA in a ci hi.
13 Gamlapi-a om note in ka hihsa za un;#Ph 49:1
gamla-a om note in ka vangliatna thei un!
14 Zion-a mawhneite lau uh a;
pasian-neilote a ling kauhkauh uh hi:
"Eite kua a haltum mei tawh teng khawm thei ding i hi hiam?
Eite kua a kuang tawntung mei tawh tengkhawm thei ding i hi hiam?"#Isa 30:30
15 Thumantakin kalsuana
thumaan genpa,
mite’ na suh ding ut lo a
golhsum sang nuam lopa,#Pn 15:27
mi thah ding ngimna za nuam lo a,
gitloh ding sawmna a mu nuam lopa -
16 hihpa in asannate a teng dingpa,
mun muanhuaina mual bukna-a a neipa ahi hi.#Isa 25:4
A anlum ding kipuak dinga
tui a kisam kei ding hi.
17 Kumpipa mel hoihna na mitin na mu dinga,#Isa 6:5
gam zapi-a kiphah gam na en ding hi.#Isa 26:15
18 Na mangngilh mawh uh a masa launate:#Isa 17:14
"Kumpi ulianpenpa koi-ah om ahi hiam?
Siahdongpa koi-ah om ahi hiam?
Tausang cing -ukpa koi-ah om ahi hiam?" ci-in na lungsimun na ngaihsunsun ding uh hi.
19 Tua a kiphasak mahmah mite
kam lamdang zanga theihloh pau-a pua bualbualte,
na mu nawn kei ding uh hi.#Isa 28:11; Jer 5:15
20 Pawite i bawlna khuapi Zion en dih un;
lungnuama kitenna a kisuankhia lo ding puanbuk khat;
a khetphimte kibot ngei loin
a khaute a kitat ngei lo ding
Jerusalem na mit un na mu ding uh hi.
21 Tua lai-ah TOPA in eite Thahat Pa, hi ding hi.
Tua mun, gun zaipite le lui lianpite omna tawh kibang ding hi.#Isa 41:18, 48:18
Tuate tungah gal gunkuang kihot nawn lo dinga
tembaw hat zong a pai nawn kei ding hi.
22 Ahang in, eite thukhenpa TOPA hi a,
thukham piapa TOPA hi-in
eite kumpipa TOPA ahi hi;#Ph 89:18
eite hong hon dingpa amah ahi hi.
23 Na puankhai khaute uh kol ta hi:
puankhai khuam khihkip zolo-in
puankhaite a kizal kei hi.
Tua ciangin galvanlak tampi kihawm dinga,
khebaite nangawn in vanlak a puakhia ding uh hi.#2Ku 7:8,16
24 Zion-a tengte kuamah in, "Ka ci na," ci lo dinga,#Isa 30:26
tua lai-a tengte mawhnate a kimaisak ding hi.#Jer 50:20; 1Jn 1:7-9
Currently Selected:
Isaiah 33: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission